Aduwa
18 Weyi eposuu ɛ-tɩ nɛ lalaa yɔ, ɛñɩnɩɣ mbʋ ɛ-maɣmaɣ e-liu wɛɛ yɔ;
Ekiziɣ* lɔŋsɩnɖɛ nɖɩ ɖɩwazɩɣ yɔ ɖɩ-tɩŋa.
2 Kɩmɛlɛŋ tɩsɔɔlɩ tɔm taa nɩʋ lɛɣtʋ paa ññɩɩ;
Ɛlɛ kikuluu mbʋ pɩwɛ kɩ-laŋɩyɛ taa yɔ pɩ-yɔɔ nɛ kɩwɩlɩɣ kaɣlaa.+
3 Kañatʋ tʋ ɛkɔma yɔ, nimtu ɖɔɖɔ kaɣ kɔm,
Nɛ fɛyɛ nɛ tɛtɛ pɛŋɩyɛ pɔɖɔŋna.+
4 Ɛyʋ nɔɔ taa tɔm kɛ lɩm cukaŋ ñɩmbʋ.+
Lɔŋsɩnɖɛ hiɖe wɛ ɛzɩ pɔɔ taa lɩm mbʋ pikpeŋ yɔ.
10 Yehowa hɩɖɛ kɛ tilimiye ɖoŋ ñɩnɖɛ.+
Ðɩ-tɛɛ ɛyʋ siɣsiɣ tʋ seɣ nɛ ewoki nɛ pɩkandɩyɩɣ ɛ-yɔɔ.*+
11 Ñɩm tʋ ñɩm kɛnɩ ɛ-tɛtʋ ɖoŋ ñɩndʋ;
Ɛ-maɣzɩm taa lɛ, ñɩm mbʋ pɩwɛ ɛzɩ koloŋa ŋga kakandɩyɩɣ ɛ-yɔɔ yɔ.+
13 Weyi ɛɖʋʋ ɛ-nɔɔ tɔm natʋyʋ taa pʋcɔ nɛ ɛnɩɩ mbʋ pɩlabɩ ɖeyi ɖeyi yɔ,
Ɛlabɩ kɩmɛlɛndʋ nɛ ɛɖʋ ɛ-tɩ fɛyɛ.+
14 Lɩmaɣza kɩbana* pɩzɩɣ nɛ aɖɔkɩ ɛyʋ alɩwaatʋ ndʋ ɛhɩnɩɣ kʋdɔŋ yɔ,+
Ɛlɛ ye pitibi-i yɔɔɔ yɔ,* ɛzɩ ɛpɩzɩɣ nɛ ɛtasɩ ɛ-tɩ ɖɔkʋʋ na?+
15 Weyi ɛwɛnɩ tɔm taa nɩʋ lɛɣtʋ yɔ, ɛ-laŋɩyɛ ñakɩ pana se ɖihiɣ sɩmtʋ,+
Nɛ lɔŋsɩnɖʋ nɩŋgbaŋʋʋ ñɩnɩɣ sɩmtʋ.
16 Ɛyʋ kʋjɔʋ tʋlʋʋ-ɩ nɔnɔsɩ;+
Kiwokini-i ɛyaa sɔsaa cɔlɔ.
17 Weyi ɛcalɩɣ tɔm natʋyʋ kɛdʋʋ yɔ, pɩpɩzɩɣ nɛ pɩla ɛzɩ ɛwɛnɩ toovenim yɔ,+
Nɛ pɩkɔɔ nɛ pɩsɩɩnɩ alɩwaatʋ ndʋ naalɛ tʋ kɔŋ nɛ ɛpɔzɩ-ɩ tɔm tete se toovenim ɛlɩɩ yɔ.*+
19 Koobu weyi paca-ɩ tɔm yɔ, ɛ-laŋɩyɛ hɛzʋʋ wɛ kaɖɛ nɛ pɩkɩlɩ tɛtʋ ɖoŋ ñɩndʋ wabʋ,+
Nɛ yoŋ nɩɩyɩ wɛ ɛzɩ tɛtʋ ɖoŋ ñɩndʋ nɔnɔsɩ ɖaŋ yɔ.+
23 Kʋñɔndʋ kaayɔɔdʋʋ lɛ, etendiɣ kitenduu,
Ɛlɛ ñɩm tʋ kaacosuu lɛ, ɛñazɩɣ kɩñazʋ.