Izaayii
59 Ɩna! Yehowa nesi tɩkɩlɩ tobi se pɔtɔ se ɛɛpɩzɩɣ ñʋʋ yabʋ,+
2 Ɛlɛ mɩ-maɣmaɣ mɩ-kɩdɛkɛdɩm yasɩnɩ mɩ nɛ mɩ-Ɛsɔ mɩ-hɛkʋ taa.+
Mɩ-kɩwɛɛkɩm yebina nɛ ɛmɛsɩ ɛ-ɛsɩndaa se ɩtaana-ɩ,
Nɛ ekiziɣ se eewelisiɣni-mɩ.+
3 Mbʋ pʋyɔɔ yɔ calɩm pisi mɩ-nandasɩ+
Nɛ kɩdɛkɛdɩm pisi mi-niwee.
Mi-ndomee yɔɔdʋʋ cɛtɩm tɔm+ nɛ mɩ-nzʋlʋmɩyɛ midiɣ mbʋ pɩfɛyɩ siɣsiɣ yɔ.
4 Nɔɔyʋ ɛɛlʋkɩ siɣsiɣ wɛtʋ yɔɔ,+
Nɛ nɔɔyʋ eewoki tɔm ɖɩhʋyɛ nɛ toovenim.
Pataɣ liu mbʋ pɩkɛ falaa pʋyʋ yɔ,*+ nɛ pɔyɔɔdʋʋ tɔm ndʋ tɩfɛyɩ wazaɣ yɔ.
Pahakɩ kʋñɔŋ hoɣa nɛ palʋlʋʋ mbʋ pɩkɔŋnɩ kaɖɛ yɔ.+
5 Peyeki nɛ ɖʋm weyi ɛwɛ sɔtʋ yɔ ɛ-yala tesiɣ,
Nɛ palʋʋ ajaɣ ñɛyɩtʋ.+
Weyi ɛtɔkɩ pa-yala yɔ ɛsɩkɩ,
Nɛ yaɖɛ nɖɩ pɔyɔkʋʋ yɔ, cakpada lɩɣnɩ ɖɩ-taa.
6 Pa-ajaɣ ñɛyɩtʋ ndʋ, tɩɩkaɣ-wɛ kɛʋ wondu kususutu,
Nɛ paakaɣ ɖɔɖɔ kpaɣʋ wondu ndʋ palakɩ yɔ nɛ pohuuzi pɔ-yɔɔ.+
Pa-tʋma kɛ mbʋ pɩkɔŋnɩ kaɖɛ yɔ,
Nɛ puuyaɣ lakasɩ tʋma wɛ pe-nesi taa.+
7 Pa-nɩŋgbanzɩ seɣ se sɩla kɩdɛkɛdɩm,
Nɛ pekpidisiɣ se pɛkpɛdɩ calɩm ɖulum.+
Pa-lɩmaɣza kɛ lɩmaɣza kɩdɛkɛda;
Ðɩzʋʋ nɛ kʋñɔŋ wɛ pa-nʋmɔŋ taa.+
8 Paasɩŋ laŋhɛzɩyɛ nʋmɔʋ,
Nɛ siɣsiɣ wɛtʋ fɛyɩ ɖenɖe patɩŋɩɣ yɔ.+
Peyeki nɛ pa-habɛɛ kotuu;
Mba pɔɖɔŋ a-yɔɔ yɔ, pa-taa nɔɔyʋ ɛɛkaɣ tɩlʋʋ laŋhɛzɩyɛ.+
9 Pʋyɔɔ mbʋ pɩwɛ siɣsiɣ yɔ piposini-ɖʋ,
Nɛ siɣsiɣ wɛtʋ eehikiɣ-ɖʋ.
Ðɩwɛɛ nɛ ɖɩɖaŋɩɣ ñalɩmɩyɛ, ɛlɛ ɩna, cɩkpɛndʋʋ wɛna;
Ðɩwɛɛ nɛ ɖɩɖaŋɩɣ mintʋsʋʋ, ɛlɛ ɖɩwɛɛ nɛ ɖɩɖɔŋ cɩkpɛndʋʋ kpimm taa.+
10 Ðɩtakɩɣ nɛ ɖɩñɩnɩɣ koloŋa ɛzɩ yʋlʋmaa yɔ;
Ðɩwɛ takʋʋ yɔɔ ɛzɩ mba pɛfɛyɩnɩ ɛsa yɔ.+
Pituuluu-ɖʋ wɩsɩ siɣu alɩwaatʋ taa ɛzɩ hadɛ lɛdʋʋ yɔ;
Ðoŋ tɩnaa hɛkʋ taa lɛ, ɖɩwɛ ɛzɩ sɩɖaa yɔ.
11 Ða-tɩŋa ɖɩwɛ ñɩzʋʋ yɔɔ ɛzɩ kpemtɔɔyɩsɩ yɔ
Nɛ ɖɩwɛɛ wiu yɔɔ nɛ ɛsɩñɩŋɩyɛ ɛzɩ ahoo yɔ.
Ðɩɖaŋ siɣsiɣ wɛtʋ, ɛlɛ tɩfɛyɩ;
Ðɩɖaŋ ñʋʋ yabʋ, ɛlɛ piposini-ɖʋ ɖooo poliŋ.
12 Mbʋ pʋyɔɔ yɔ ɖa-kaañamtʋ lakasɩ ɖɔ ñɛ-ɛsɩndaa;+
Paa ɖa-kɩwɛɛkɩm mbʋ lɛ, pɩwɩlɩɣ se ɖa-lakasɩ fɛyɩ ɖeu.+
Mbʋ pʋyɔɔ yɔ ɖɩsɩm ɖa-kaañamtʋ lakasɩ camɩyɛ;
Ðɩsɩm ɖa-kɩdɛkɛdɩm camɩyɛ.+
13 Ðɩlabɩ kɩwɛɛkɩm nɛ ɖikizi Yehowa;
Ðɩha ɖɛ-Ɛsɔ siɣye.
Ðɩyɔɔdɩ nazɩm nɛ kaañamtʋ lakasɩ tɔm;+
Ðɩhaɣ cɛtɩm hoɣa nɛ ɖimidiɣ cɛtɩm tɔm ndʋ tɩwɛ ɖa-laŋɩyɛ taa yɔ.+
14 Papɩsɩnɩ tɔm hʋʋ siɣsiɣ nɛ wayɩ,+
Nɛ siɣsiɣ wɛtʋ sɩŋ ɖooo poliŋ;+
Mbʋ pʋyɔɔ yɔ pituuli toovenim* samaɣ kadaɣ taa,
Nɛ mbʋ pɩtʋʋzaa yɔ, pɩɩpɩzɩɣ nɛ pɩsʋʋ peeɖe.
16 Ɛnawa se ɛyʋ nɔɔyʋ fɛyɩ,
Nɛ pɩɖɩɣzɩ-ɩ se nɔɔyʋ titendi pɔ-yɔɔ,
Pʋyɔɔ lɛ, ɛ-maɣmaɣ ɛ-nɩŋgbɛɛŋa kɔnɩ ñʋʋ yabʋ,*
Nɛ ɛ-maɣmaɣ e-siɣsiɣ wɛtʋ ɖʋ-ɩ nesi.
18 Ɛkaɣ-wɛ hɛyʋʋ mbʋ palaba yɔ pɩ-yɔɔ:+
Ɛkaɣ pana kpaɣʋ nɛ ɛhɛyɩnɩ mba pakaɖɩɣnɩ-ɩ yɔ, nɛ ɛkpaɣ nɩŋgbaŋʋʋ hɔm nɛ ɛhɛyɩnɩ e-koyindinaa.+
Nɛ ɛkaɣ hɛyʋʋ lɩm hɛkʋ taa tɛtʋ ndɩ ndɩ mbʋ pɩmʋnaa se pɛhɛyɩ-tʋ yɔ.
19 Kpaɣnɩ wɩsɩ ɖɩɖʋyɛ taa pakaɣ Yehowa hɩɖɛ seu sɔɔndʋ
Nɛ kpaɣnɩ wɩsɩ ɖɩlɩyɛ taa pakaɣ seu ɛ-samtʋ sɔɔndʋ,
Mbʋ pʋyɔɔ yɔ ɛkaɣ kɔm ɛzɩ pɔɔ ŋga kekpeŋ lɛɛ lɛɛ yɔ,
Ŋga Yehowa fezuu hɔŋ-kɛ nɛ kɩɖɛɣna yɔ.
20 «Weyi ɛɖaɣnɩɣ-wɛ yabʋ yɔ,+ ɛkaɣ kɔm Siyɔŋ taa,+
Ɛkaɣ kɔm Yakɔɔb lʋlʋʋ taa ñɩma mba peyeki kɩwɛɛkɩm labʋ yɔ pɔ-cɔlɔ,»+ Yehowa yɔɔdʋʋna.
21 «Ma lɛ, ɛgbɛyɛ ɖɩnɛ manɖʋnɩ-wɛ,»+ Yehowa yɔɔdʋʋna. «Men-fezuu ŋgʋ kɩwɛ ñɔ-yɔɔ yɔ nɛ mɔn-tɔm ndʋ manɖʋ ñɔ-nɔɔ taa yɔ, paakaɣ-pʋ lɩzʋʋ ñɔ-nɔɔ taa, ñe-piya* nɔsɩ taa, yaa ña-sayɩnaa* nɔsɩ taa, kpaɣnɩ lɛɛlɛɛyɔ nɛ pɩɖɛɛ tam tam,» Yehowa yɔɔdʋʋna.