Aduwa
10 Salomɔɔ aduwa.+
Pɩɣa ŋga kɛwɛ lɔŋ yɔ, keyeki nɛ ka-caa taa lakɩ leleŋ,+
Ɛlɛ pɩɣa ŋga kɛwɛ kɩmɛlɛndʋ yɔ, kɛkɛ ko-ɖoo laŋwɛɛkɩyɛ.
2 Ñɩm mbʋ ɛyʋ lakɩ kañatʋ lakasɩ nɛ ehiɣ-pʋ yɔ, pɩɩkaɣ-ɩ wazʋʋ pʋyʋ;
Ɛlɛ siɣsiɣ lakasɩ holuuni ɛyʋ sɩm taa.+
4 Nesi nzɩ sɩwɛ feendu yɔ, sɩkaɣ kɔnʋʋ kʋñɔndʋtʋ;+
Ɛlɛ nesi nzɩ sɩlakɩ tʋmɩyɛ nɛ kpekpeka yɔ sɩkɔŋnɩ ñɩm.+
5 Pɩɣa ŋga kalakɩnɩ lɛɣtʋ tʋmɩyɛ yɔ kakʋŋ tɔɔnaɣ, tɔɔnaɣ kʋmtʋ alɩwaatʋ taa,
Ɛlɛ pɩɣa ŋga kalakɩ fɛyɛ lakasɩ yɔ, koɖou siŋŋ kʋmtʋ alɩwaatʋ taa.+
6 Wazasɩ wɛ ɛyʋ siɣsiɣ tʋ ñʋʋ taa,+
Ɛlɛ kañatʋ tɩnaa nɔsɩ mɛsɩɣ puuyaɣ lakasɩ.
9 Weyi ɛɖɔŋ cɩŋgɩlɩm wɛtʋ taa yɔ, ɛkaɣ ɖɔm pɛɛyɛ taa;+
Ɛlɛ ɛyʋ weyi ɛfɛyɩ toovenim yɔ, pɩkaɣ ɛ-wayɩ tʋlʋʋ.+
10 Ɛyʋ weyi ɛcɩbɩyɩɣ ɛsa nɛ epeɣziɣni ɛyaa yɔ, ɛkɔŋnɩ laŋwɛɛkɩyɛ;+
Nɛ ɛyʋ weyi ɛyɔɔdʋʋ kɩmɛlɛndʋ tɔm yɔ pakaɣ-ɩ fɛyʋʋ.+
12 Paɖɩyɛ seɣtiɣni you,
Ɛlɛ sɔɔlɩm huuzuu kɩwɛɛkɩm kpeekpe yɔɔ.+
15 Ñɩm tʋ ñɩm kɛnɩ ɛ-tɛtʋ ɖoŋ ñɩndʋ.
Kʋñɔndɩnaa asɛyʋʋ lɛ pa-kʋñɔndʋtʋ.+
16 Ɛyʋ siɣsiɣ tʋ tʋma haɣ wezuu;
Ɛlɛ mbʋ kañatʋ tʋ hikiɣ yɔ, piwokini kɩwɛɛkɩm taa.+
17 Weyi ɛmʋʋ lɔŋ sɩɣzʋʋ yɔ, ɛkɛ wezuu nʋmɔʋ;*
Ɛlɛ weyi ekiziɣ se ɛɛmʋʋ nɩŋgbaŋʋʋ hɔmtʋ yɔ, elesiɣ lalaa.
19 Ye ɛyʋ ɛyɔɔdʋʋ sakɩyɛ yɔ, kɩwɛɛkɩm eeyeki wɛʋ ɛ-yɔɔdaɣ taa;+
Ɛlɛ weyi ɛɖɔkʋʋ e-ndomee yɔ, ɛkɛ lɔŋsɩnɖʋ.+
20 Ɛyʋ siɣsiɣ tʋ nzʋlʋmɩyɛ wɛ ɛzɩ liidiye ñɩɣtʋ ndʋ tɩkɩlɩ ɖeu yɔ,+
Ɛlɛ kañatʋ tʋ laŋɩyɛ fɛyɩnɩ wazaɣ sɔsɔɔ nakɛyɛ.
23 Kɩmɛlɛŋ ɛsɩndaa lɛ, fɛyɛ lakasɩ labʋ wɛ ɛzɩ aleɣya yɔ;
Ɛlɛ lɛɣtʋ tʋ tɩnɩ lɔŋsɩnɖɛ.+
24 Mbʋ kañatʋ tʋ seɣ sɔɔndʋ yɔ, mbʋ kaɣnɩ-ɩ talʋʋ;
Ɛlɛ pakaɣ haʋ ɛyaa siɣsiɣ tɩnaa mbʋ pe-liu wɛɛ yɔ.+
25 Alɩwaatʋ ndʋ tɛʋ ŋgʋ kɩnɩɣnɩ helim sɔsɔm yɔ kɩɖɛɣ lɛ, kañatʋ tʋ ɛɛtasɩɣ wɛʋ;+
Ɛlɛ ɛyʋ siɣsiɣ tʋ kɛ tamtam tigiɖe.+
26 Mbʋ vɛɛ ñɩmɩŋ ñɩŋgʋ lakɩ kela, nɛ mbʋ ñɔsɩ lakɩ ɛsa yɔ,
Mbʋ ɖɔɖɔ feendu tʋ lakɩ weyi etiyiɣ-i yɔ.*
29 Yehowa nʋmɔʋ kɛnɩ tilimiye ɖoŋ ñɩnɖɛ ɛyʋ weyi ɛfɛyɩnɩ kɩwɛɛkɩtʋ natʋyʋ yɔ,+
Ɛlɛ kɩkɛnɩ asɛyʋʋ kɩdɛkɛdɩm laɖaa.+
31 Ɛyʋ siɣsiɣ tʋ nɔɔ lʋlʋʋ lɔŋsɩnɖɛ,*
Ɛlɛ pakaɣ sɛtʋʋ nzʋlʋmɩyɛ kɩdɛkɛdɩyɛ.
32 Ɛyʋ siɣsiɣ tʋ ndomee sɩm mbʋ pɩwɛ ɖeu yɔ,
Ɛlɛ kañatʋ tɩnaa nɔsɩ kɛ nɔsɩ kɩdɛkɛdɩsɩ.