Izaayii
30 Yehowa yɔɔdʋʋ se: «Pɩtɔɔ piya* ñʋʋ taa ɖoŋ tɩnaa,+
Mba palakɩ ɖʋtʋ ndʋ tɩtɩkɛ ma-ñɩndʋ yɔ,+
Mba paɖʋʋ agbaa,* ɛlɛ paatɩŋɩɣnɩ men-fezuu yɔɔ,
Se pɔsɔzɩ kɩwɛɛkɩm kɩwɛɛkɩm yɔɔ yɔ.
2 Petiki Ejipiti+ ɛlɛ paapɔzʋʋ-m nɛ pʋcɔ,*+
Se pɔcɔzɩ Farawɔɔ cɔlɔ nɛ ɛkandɩyɩ pɔ-yɔɔ,*
Nɛ pɔcɔzɩ Ejipiti kuzotuu taa!
3 Ɛlɛ, yɔɔ kandɩyʋʋ mbʋ ihikiɣ Farawɔɔ cɔlɔ yɔ, pɩkaɣ-mɩ pɩsʋʋ fɛyɛ pʋyʋ;
Nɛ ɖɩjɔzɩyɛ nɖɩ ihikiɣ Ejipiti kuzotuu taa yɔ, ɖɩkaɣ kɛʋ mbʋ pɩɖʋʋ-mɩ fɛyɛ yɔ.+
4 Mbʋ pʋyɔɔ yɔ ɛ-awumbiya wɛ Zowaanɩ taa,+
Nɛ mba etiyaa yɔ patalɩ Hanɛɛsɩ.
5 Samaɣ ŋga kaapɩzɩɣ nɛ kawazɩ-wɛ nabʋyʋ yɔ,
Kakaɣ pa-tɩŋa ɖʋʋ fɛyɛ
Ŋga kaakɔŋnɩ-wɛ sɩnʋʋ nabʋyʋ nɛ kaawazɩɣ-wɛ nabʋyʋ yɔ,
Ɛlɛ fɛyɛ nɛ kʋdʋʋ ɖeke kɔkɔŋnɩ-wɛ.»+
6 Tɔm ndʋ pɔyɔɔdɩ hadɛ kiŋ kpɩna yɔɔ yɔ:
Patɩŋɩɣnɩ siziŋ nɩʋ nɛ kʋñɔŋ ɛjaɖɛ taa,
Mʋʋzʋʋ, mʋʋzʋʋ ŋgʋ kɩmʋdʋʋ yɔ kɩ-ɛjaɖɛ taa,
Cakpada nɛ ɖʋm weyi ɛkʋyʋʋ ɛsɔdaa nɛ ɛwɛ patʋ yɔ* ɛ-ɛjaɖɛ taa,
Pasɩɣlɩɣ pa-ñɩm kpaŋasɩ siɣye wayɩ
Nɛ pa-kʋjɔŋ aɖaaɖaanaa kulumasɩ yɔɔ.
Ɛlɛ wondu ndʋ tɩɩkaɣ wazʋʋ samaɣ.
7 Mbʋ pʋyɔɔ yɔ Ejipiti sɩnʋʋ fɛyɩ wazaɣ paa ññɩɩ.+
Pʋyɔɔ maya-ɩ se: «Rahaabɩ,+ weyi ɛcakɩ yem nɛ ɛɛlakɩ naɖɩyɛ yɔ.»
8 «Lɛɛlɛɛyɔ lɛ wolo, ma-tʋ pɩtaahalaŋa* yɔɔ pɛ-ɛsɩndaa,
Nɛ ŋma-tʋ takayaɣ taa,+
Se pɩsa nɛ cee wayɩ lɛ,
Pɩɩkɛ tamtam aseɣɖe.+
10 Peheyiɣ mba panɩɣ natʋ taa yɔ se: “Ɩtaana,”
Nɛ peheyiɣ mba panaɣ natʋ yɔ se: “Itaaheyi-ɖʋ natʋ ndʋ tɩkɛ toovenim yɔ.+
Iheyi-ɖʋ tɔm ndʋ tipeɣziɣ yɔ;* ɩna cɛtɩm natʋ.+
11 Iyele nʋmɔʋ nɛ ɩkɛɛnɩ hɔɔlʋʋ; iyele nʋmɔʋ nɛ ɩhɛyɩnɩ hɔɔlʋʋ.
Iyele-ɖʋ heyuu Izrayɛɛlɩ tɛ Kiɖeɖeu yɔɔ tɔm.”»+
12 Pʋyɔɔ lɛ, tɔm tʋnɛ Izrayɛɛlɩ tɛ Kiɖeɖeu yɔɔdʋʋ:
«Ikiziɣ tɔm tʋnɛ+
Nɛ ɩtaɣ liu mulum nɛ cɛtɩm
Nɛ ɩɖʋʋ mi-lidaʋ pɔ-yɔɔ,+
13 Pʋyɔɔ lɛ, kɩwɛɛkɩm pʋnɛ pɩkaɣ-mɩ wɛʋ ɛzɩ koloŋa ŋga kɔyɔkaa yɔ,
Ɛzɩ koloŋa kʋkʋyaɣ ŋga kɔ-pɔɔɖɛ wɛɛ nɛ ɖɩtɛzɩɣ walʋʋ nɛ kacaɣ tɔlʋʋ yɔ.
Kakaɣ tɔlʋʋ tuda, alɩwaatʋ kʋɖʋmtʋ taa.
14 Kakaɣ yɔkʋʋ ɛzɩ cʋʋ mayʋ ŋgbɔʋ yɔ,
Kakaɣ pʋʋtʋʋ caɣ caɣ nɛ pɩɩkaɣ kazʋʋ kɔ-hɔɔlaɣ nakɛyɛ
Se pakpaɣ nɛ pahaanɩ miŋ mɩzaɣ taa
Yaa se pocozini lɩm, lɩm ɖɩjaɣyɛ* taa.»
15 Mbʋ pʋyɔɔ yɔ tɔm tʋnɛ Kɩbaɣlʋ Kɩlɩm Yehowa, Izrayɛɛlɩ tɛ Kiɖeɖeu, yɔɔdʋʋ:
«Ye ɩpɩsɩ mɔn-cɔlɔ nɛ ɩcaɣ yɔ, pɩkaɣ mɩ-ñʋʋ yabʋ;
Mi-ɖoŋ kaɣ lɩnʋʋ ɛzɩma ɩcakɩ ɖiɣ ɖiɣ nɛ ɩtaɣ liu yɔ pɩ-cɔlɔ.»+
Ɛlɛ ɩtɩsɔɔlɩ.+
16 Ɛlɛ ɩyɔɔdaa se: «Aayɩ, ɖɩkaɣ kpaʋ kpaŋnaŋ yɔɔ nɛ ɖise!»
Ɩkaɣ seu keekee.
«Nɛ ɖɩkaɣ caɣʋ kpaŋnaŋ weyi iseɣ lɛɛ lɛɛ yɔ ɩ-yɔɔ!»+
Ye mbʋ, mba pataŋ-mɩ yɔ, pakaɣ seu lɛɛ lɛɛ.+
17 Ɛyaa kudoku kaɣ seluu alɩwaatʋ ndʋ ɛyʋ kʋɖʋm ɖʋʋ-mɩ sɔɔndʋ yɔ;+
Alɩwaatʋ ndʋ ɛyaa 5 ɖʋʋ-mɩ sɔɔndʋ yɔ, ɩkaɣ seu
Pɩkɔɔ nɛ pɩtalɩ alɩwaatʋ ndʋ mbʋ pɩkazɩ-mɩ yɔ pɩwɛ ɛzɩ ɖaʋ ŋgʋ pesiɣ pʋʋ ñʋʋ taa yɔ,
Ɛzɩ yʋsaɣ sizika piyaɣ yɔɔ yɔ.+
Mbʋ pʋyɔɔ yɔ Yehowa kɛ siɣsiɣ wɛtʋ tɛ Ɛsɔ.+
Koboyaɣ tɩnaa kɛlɛ mba payɩ pɛwɛ-ɩ ɖaŋʋʋ yɔɔ* yɔ.+
19 Alɩwaatʋ ndʋ ɛyaa wɛɣ Siyɔŋ taa, Yeruzalɛm taa yɔ,+ ŋŋkaɣ wiu kpa.+ Pɩtʋʋ fɛyɩ se ɛkaɣ naʋ ña-pʋtɔdɩyɛ alɩwaatʋ ndʋ ŋmakɩ kubuka se pasɩnɩ-ŋ yɔ; ɛtɩɩnɩɣ lɛ, ɛkaɣ-ŋ cosuu.+ 20 Paa Yehowa ɛkaɣ-mɩ haʋ tɔɔnaɣ ɛzɩ kʋñɔŋ nɛ lɩm ɛzɩ nazɩm yɔ,+ ña-Wɩlɩyʋ Sɔsɔ ɛɛtasɩɣ ɛ-tɩ mɛsʋʋ, nɛ ŋkaɣ naʋ ña-Wɩlɩyʋ Sɔsɔ+ nɛ ñɛ-ɛsa maɣmaɣ. 21 Nɛ ye pɩpɔzʋʋ se ɩɖɛɛnɩ nɩwaŋ yɔɔ yaa ye pɩpɔzʋʋ se ɩɖɛɛnɩ nɩmɩyɛ yɔɔ yɔ,+ ña-maɣmaɣ ña-nɩŋgbaaŋ kaɣ nɩʋ tɔm tʋnɛ nɛ ña-wayɩ kiŋ se: «Nʋmɔʋ kɔyɔ.+ Ɩɖɔ kɩ-taa.»
22 Nɛ ɩkaɣ pisuu liidiye nɖɩ pɔpɔ ña-sɩʋ kpelisi* yɔɔ yɔ nɛ sika ŋga pɔpɔ ña-ñɩɣtʋ sɩʋ kpelisi yɔɔ yɔ.+ Ŋkaɣ-wɛ lɔʋ ɛzɩ wonuu ŋgʋ halʋ na fenaɣ nɛ pipisi-kʋ yɔ nɛ ŋheyi-wɛ se: «Ɩɖɛɛ!»*+ 23 Nɛ ɛkaɣ yebu nɛ tɛʋ nɩɩ ɖomaɣ ŋga ŋɖu tɛtɛɛ yɔ kɔ-yɔɔ;+ nɛ tɔɔnasɩ nzɩ tɛtʋ lʋlʋʋ yɔ, sɩkaɣ tɔyʋʋ nɛ ñɩm wɛɛ sɩ-taa.*+ Kɩyakʋ ŋgʋ ki-wiye lɛ, lona wena a-taa kpɩna tɔkɩ ñɩtʋ nɛ awalɩ wamm yɔ a-taa ña-kpɩna kaɣ tɔɔʋ ñɩtʋ.+ 24 Nɛ naŋ nɛ kpaŋasɩ, kpɩna wena ahayɩɣ yɔ, akaɣ tɔɔʋ ñɩtʋ ndʋ tɩ-taa pesidi ñaatʋ yɔ, ndʋ pafalɩnɩ pɛɛlɩ nɛ ɖaʋ kela ñɩŋgʋ yɔ. 25 Nɛ paa pʋʋ kʋkʋyʋʋ ŋgʋ kɩ-yɔɔ nɛ paa piyaɣ kʋkʋyaɣ ŋga kɔ-yɔɔ lɛ, lemisi nɛ pɔsɩ kaɣ wɛʋ,+ kʋgʋʋ sɔsɔʋ kɩyakʋ wiye alɩwaatʋ ndʋ tilima tɔlʋʋ yɔ. 26 Nɛ fenaɣ ŋga kesiɣaa yɔ ka-ñalɩmɩyɛ kaɣ pɩsʋʋ ɛzɩ wɩsɩ ñalɩmɩyɛ yɔ; nɛ wɩsɩ ñalɩmɩyɛ kaɣ wɛʋ ɖoŋ tam 7,+ ɛzɩ kɩyakɩŋ 7 ñalɩmɩyɛ yɔ, kɩyakʋ ŋgʋ Yehowa hɔkʋʋ ɖenɖe pɩpɛlɩ ɛ-samaɣ* yɔ+ nɛ ɛwaa heŋ sɔsɔŋ weyi ɛɖʋ-wɛ alɩwaatʋ ndʋ ɛmabɩ-wɛ yɔ.+
27 Ɩna! Yehowa hɩɖɛ lɩnɩ ɖooo poliŋ nɛ ɖɩkɔŋ,
Ɛ-pana ɖiɣni miŋ mʋʋ nɛ eɖiɣni kɔm nɛ ɛsɔmɩndʋ ndʋ tiyu kpimm yɔ.
E-ndomee yɔɔ nɛ ɖɩwɩzɩyɛ ɖo,
Nɛ ɛ-nzʋlʋmɩyɛ wɛ ɛzɩ miŋ weyi ɛɖɩzɩɣ wondu caɣ caɣ yɔ.+
28 E-fezuu* wɛ ɛzɩ lemeɣa ŋga kosuwa nɛ kawadɩɣ nɛ kakpa nɛ katalɩ ɖooo liu tɛɛ yɔ,
Se ɛcatɩ ajɛɛ ɖɩzʋʋ cataɣ* taa;
Nɛ samasɩ kaɣ wɛnʋʋ kpaŋnaŋ nɔsɩ yɔɔ ñɩɣyʋʋ sɩ-lɩkpaɣzasɩ taa,+ ŋgʋ kilesiɣ-sɩ yɔ.
29 Ɛlɛ mi-hendu kaɣ wɛʋ ɛzɩ ndʋ peteɣ ɖoo taa
Alɩwaatʋ ndʋ ɩñɔɔzʋʋ mɩ-tɩ* se ɩtɔɔ kazandʋ yɔ,+
Nɛ mɩ-laŋa kaɣ wɛʋ taa leleŋ taa ɛzɩ
Weyi ɛɖɔŋ nɛ ɛhʋlʋʋ hɩlaɣ*
Nɛ ewoki Yehowa pʋʋ yɔɔ, Izrayɛɛlɩ Kaaʋ cɔlɔ yɔ.+
30 Yehowa kaɣ yebu nɛ panɩɩ ɛ-nɔɔ ɖoŋ ñɩŋga+ taŋ
Nɛ ɛlɩzɩ ɛ-nɩŋgbɛɛŋa nɛ ɛwɩlɩ+ alɩwaatʋ ndʋ ketikini pana sɔsɔna,+
Nɛ miŋ weyi ɛɖɩzɩɣ wondu caɣ caɣ yɔ ɩ-nzʋlʋmɩyɛ,+
Tɛʋ sɔsɔʋ+ nɛ tɛʋ ŋgʋ kɩnɩɣnɩ helim nɛ kɩnazɩɣ yɔ, nɛ ɖɔmbɛɛ yɔ.+
32 Nɛ alɩwaatʋ ndʋ payɩ Yehowa kpazɩɣ ɛ-nɩŋgbaŋʋʋ hɔm ɖaʋ
Se etisi-kʋ Asiirii yɔɔ yɔ
Pakaɣ mabʋ nesi tɛɛ soo* nɛ cɩmɩŋ+
Alɩwaatʋ ndʋ ɛkpazɩɣ ɛ-nɩŋgbɛɛŋa pɔ-yɔɔ you taa yɔ.+
Ekpeɣli ɖasɩ huuye nɛ pilimi nɛ pɩwalɩ,
Pɩ nɛ miŋ nɛ ɖasɩ sakɩyɛ.
Ɛzɩ tɩm lemeɣa yɔ, helim mbʋ Yehowa feziɣ yɔ,
Pɩkaɣ-ɖɩ sɔbʋ miŋ.