Aduwa
20 Vɛɛ kɛ ɛyaa woŋiyu,+ sʋlʋm lakɩ nɛ ɛyʋ ɛɛɖɔkʋʋ ɛ-tɩ;*+
Weyi eyeki nɛ vɛɛ nɛ sʋlʋm potolisi-i yɔ, ɛtɩkɛ lɔŋsɩnɖʋ.+
2 Sɔɔndʋ ndʋ peseɣ wiyaʋ yɔ, tɩwɛ ɛzɩ mʋʋzʋʋ* kubuka yɔ;+
Weyi ekulusuu ɛ-pana yɔ, ɛɖʋzʋʋ ɛ-maɣmaɣ e-wezuu kaɖɛ taa.+
4 Feendu tʋ ɛɛɖʋʋ hayɩm nikaɣ alɩwaatʋ taa,
Pʋyɔɔ ɛkaɣ sʋlʋmʋʋ tɔɔnaɣ kʋmtʋ alɩwaatʋ taa, alɩwaatʋ ndʋ ɛɛwɛɣnɩ nabʋyʋ yɔ.*+
5 Ɛyʋ laŋɩyɛ taa lɩmaɣza* wɛ ɛzɩ lɩm cukaŋ ñɩmbʋ yɔ,
Ɛlɛ ɛyʋ weyi ɛwɛnɩ lɛɣtʋ yɔ, eluu-pʋ.
6 Ɛyaa sakɩyɛ tɔŋ se pɛwɛnɩ sɔɔlɩm siɣsiɣ ñɩmbʋ,
Ɛlɛ apɩzɩɣ nɛ ɛna ɛyʋ siɣsiɣ tʋ?
7 Ɛyʋ siɣsiɣ tʋ ɖɔŋ ɛ-cɩŋgɩlɩm wɛtʋ taa.+
Koboyaɣ tɩnaa kɛlɛ piya nzɩ* ɛlʋlʋʋ yɔ.+
12 Nɩŋgbaŋʋʋ ŋgʋ kɩnɩɣ yɔ, nɛ ɛsɩyɛ nɖɩ ɖɩnaɣ yɔ
—Yehowa labɩnɩ pɩ-naalɛ.+
13 Taasɔɔlɩ ɖom, pɩtɩkɛ mbʋ yɔ ŋkaɣ pɩsʋʋ kʋñɔndʋ.+
Kuli ñɛ-ɛsa, ɖɩnɛ ɛlɛ ŋkaɣ tɔɔʋ tɔɔnaɣ nɛ ŋhaɣ.+
14 Wondu yaɖʋ tɔŋ se: «Wonuu kʋnɛ kɩfɛyɩ ɖeu, kɩfɛyɩ ɖeu!»
Pʋwayɩ ɛkpakɩɣ ɛ-nʋmɔʋ nɛ ɛɖɛɛ lɛ, ɛpaɣzɩ kʋndʋʋ.+
16 Ye nɔɔyʋ ɛlabɩ tamaɣ se ɛhɛyɩɣ kɩmɩyɛ nɖɩ ɛgɔm tɔwaa yɔ yɔ, mʋ ɛyʋ ɛnʋ e-toko;+
Nɛ ye halʋ agbaaɣdaa tʋ* kɩmɩyɛ ɛlabɩ tamaɣ se ɛhɛyɩɣ yɔ, mʋ nabʋyʋ ɛ-cɔlɔ.+
17 Kpɔnɔ ŋgʋ ɛyʋ tɩŋɩɣnɩ cɛtɩm yɔɔ nɛ ehiɣ-kʋ yɔ, kɩwɛ leleŋ ɛ-nɔɔ taa;
Ɛlɛ pʋwayɩ lɛ, putowee kaɣnɩ suu ɛ-nɔɔ taa.+
20 Weyi ɛlɔʋ nɔɔ kɩdɛkɛdaɣ ɛ-caa nɛ e-ɖoo pɔ-yɔɔ yɔ,
Ɛ-kanɖʋ kaɣ ɖɩm alɩwaatʋ ndʋ cɩkpɛndʋʋ kɔŋ yɔ.+
21 Ñɩm mbʋ ɛyʋ tɩŋɩɣnɩ ɛsa naɣ naɣ lakasɩ yɔɔ nɛ ehiɣ-pʋ kiɖe tɛɛ yɔ,
Pɩtɛŋna se pɩɩkaɣ-ɩ kɛnʋʋ wazaɣ.+
22 Taayɔɔdɩ se: «Mankaɣ kpaʋ kɩdɛkɛdɩm mbʋ palabɩ-m yɔ pɩ-kɩmɩyɛ!»+
Taa Yehowa liu,+ nɛ ɛkaɣ ña-ñʋʋ yabʋ.+
23 Yehowa paɖɩɣ mulum yuŋ kɩmaɣzɩŋ,*
Nɛ kɩmaɣzɩŋ weyi peyiɣdaa yɔ ɩfɛyɩ ɖeu.
25 Pɩkɛ kpaca se ɛyʋ ekpedisi nɛ ɛma kubuka se: «Pɩkɛ pʋyʋ kiɖeɖeu!»+
Pʋcɔ nɛ ɛmaɣzɩ e-ɖuutu yɔɔ pʋwayɩ.+
27 Ɛyʋ fezuu* kɛ Yehowa kanɖʋ,
Kɩtazɩɣ ɖooo ɛyʋ cukaŋ taa.