Ebree mba
13 Iyele nɛ mi-koobiye sɔɔlɩm wɛɛ tam.+ 2 Ɩtaasɔɔ ɛgɔndʋ mʋʋ* yɔɔ,+ mbʋ pʋyɔɔ yɔ nabɛyɛ tɩŋnɩ pɩ-yɔɔ nɛ pamʋ Ɛsɔ tiyiyaa nɛ patɩtɩlɩ.+ 3 Ɩtɔzʋʋ mba pɛwɛ salaka taa yɔ* pɔ-yɔɔ,+ ɛzɩ mɩ nɛ wɛ paɖʋ salaka yɔ;+ ɩtɔzʋʋ ɖɔɖɔ mba pawɩlɩɣ-wɛ ñaŋ yɔ pɔ-yɔɔ, mbʋ pʋyɔɔ yɔ mɩ-maɣmaɣ ɩwɛ ɖɔɖɔ tomnaɣ taa.* 4 Ɛyaa tɩŋa ɩɖʋ hɩɖɛ nesi ɖɔkʋʋ, nɛ nesi ɖɔkʋʋ kaɖʋ ɛtaawɛɛnɩ azuluma naayɛ,+ mbʋ pʋyɔɔ yɔ Ɛsɔ kaɣ tɔm hʋnʋʋ ɛyaa mba pacakɩ kʋzʋʋ kɩdɛkɛdʋʋ* wezuu yɔ nɛ acɛyɛ laɖaa.+ 5 Ɩtaawɛɛnɩ liidiye sɔɔlɩm mi-wezuu caɣʋ taa,+ ɛlɛ mi-liu ɛsɩbɩnɩ mbʋ ɩwɛnɩ lɛɛlɛɛyɔ yɔ.+ Mbʋ pʋyɔɔ yɔ ɛyɔɔdaa se: «Maakaɣ-ŋ yebu kaaʋ, nɛ maakaɣ-ŋ siɣye haʋ kaaʋ.»+ 6 Pʋyɔɔ ɖɩpɩzɩɣ nɛ ɖɩwɛɛ abalɩtʋ siŋŋ nɛ ɖɩyɔɔdɩ se: «Yehowa* kɛnɩ man-sɩnɩyʋ; sɔɔndʋ ɛɛkaɣ-m kpaʋ. Ɛbɛ ɛyʋ pɩzɩɣ nɛ ɛlabɩ-m?»+
7 Ɩtɔzɩ mba pɛɖɛɣ nɔɔ mɩ-hɛkʋ taa yɔ pɔ-yɔɔ,+ mba peheyi-mɩ Ɛsɔ tɔm yɔ, nɛ ɩnaɣ mbʋ pɩlɩɣ pɔ-ɖɔnɛ taa yɔ lɛ, ɩmaɣzɩnɩ pe-tisuu.+
8 Ðeɖe nɛ sɔnɔ Yesu Krɩstʋ tɩlɛɣzɩ, nɛ ɛɛkaɣ lɛɣzʋʋ kaaʋ.
9 Itaayele nɛ agbaaɣdaa wɩlɩtʋ ndɩ ndɩ peɣzi-mɩ, mbʋ pʋyɔɔ yɔ pɩkɩlɩ ɖeu se lootiye ɛkpazɩnɩ laŋɩyɛ ɖoŋ, nɛ pɩtaakɛ tɔɔnasɩ,* nzɩ sɩɩwazɩɣ mba pasɩɣ-sɩ kajalaɣ lone taa yɔ.+
10 Ðɩwɛnɩ altaaru nakʋyʋ, nɛ mba palakɩ tʋmɩyɛ kiɖeɖeye kizinziku tɛɛ yɔ, pɛfɛyɩnɩ waɖɛ* se pɔtɔɔ mbʋ pɩwɛ kɩ-yɔɔ yɔ.+ 11 Mbʋ pʋyɔɔ yɔ kpɩna wena cɔjɔ kɩlɩm kpakɩɣ a-calɩm nɛ ɛsʋʋnɩ lone kiɖeɖeye taa se pɩkɛ kɩwɛɛkɩm yɔɔ kɩlaʋ yɔ, pañaɣzɩɣ a-tomnasɩ ɖigbeɣliye* wayɩ.+ 12 Pʋyɔɔ Yesu ɖɔɖɔ tɔɔ kʋñɔŋ tɛtʋ* nɛ wayɩ+ se pɩsa nɛ ɛkpaɣ ɛ-maɣmaɣ ɛ-calɩm nɛ ɛpɩsɩnɩ samaɣ kele kele.+ 13 Ye mbʋ, iyele nɛ ɖiwolo ɛ-cɔlɔ ɖigbeɣliye wayɩ, nɛ ɖɩtɔɔ fɛyɛ nɖɩ ɛɛtɔwaa yɔ,+ 14 mbʋ pʋyɔɔ yɔ ɖɩfɛyɩnɩ tɛtʋ ndʋ tɩwɛɣ tam yɔ cɩnɛ, ɛlɛ ɖɩwɛɛ nɛ ɖɩñɩnɩɣ ndʋ tɩkaɣ kɔm yɔ siŋŋ.+ 15 Iyele nɛ paa ɛzɩmtaa lɛ, ɖɩtɩŋɩɣnɩ ɛ-yɔɔ nɛ ɖɩlaɣ samtʋ kɩlaʋ Ɛsɔ,+ pʋ-tɔbʋʋ se ɖo-ndomee wena asusuu ɛ-hɩɖɛ kaɣlaa yɔ+ a-pee.+ 16 Pɩtasɩ lɛ, ɩtaasɔɔ kɩbandʋ labʋ yɔɔ, ɩha lalaa mbʋ ɩwɛna yɔ,+ mbʋ pʋyɔɔ yɔ kɩlaŋ ɛnɩ ɩkɛdɩɣnɩnɩ Ɛsɔ siŋŋ.+
17 Ɩña mba pɛɖɛɣ nɔɔ mɩ-hɛkʋ taa yɔ+ nɛ iluzi mɩ-tɩ pɛ-tɛɛ,+ mbʋ pʋyɔɔ yɔ pefeŋiɣ mɩ-yɔɔ* ɛzɩ mba pakaɣ labʋ akɔnta yɔ,+ se pɩsa nɛ pala tʋmɩyɛ nɖɩ nɛ taa leleŋ nɛ pataalabɩ-ɖɩ nɛ mɔla, ye pɩtɩkɛ mbʋ yɔ pɩkɔŋnɩ-mɩ kaɖɛ.
18 Itaayele ɖɔ-yɔɔ tɩmʋʋ, mbʋ pʋyɔɔ yɔ ɖa-taa tɛma se ɖɩwɛnɩ ɛhʋyɛ kɩbanɖɛ,* mbʋ pʋyɔɔ yɔ ɖɩsɔɔlaa se ɖɩwɛɛ toovenim* pɩtɩŋa pɩ-taa.+ 19 Ɛlɛ kɔzɩ kɔzɩ lɛ, menseɣtiɣ-mɩ se ɩtɩmɩ nɛ pɩsa nɛ manpɩsɩ mɩ-cɔlɔ lɔŋ.
20 Tɛtɛ nɛ laŋhɛzɩyɛ tɛ Ɛsɔ, weyi efezini sɩɖaa taa heŋ ɖiyiyu sɔsɔ,+ ɖa-Kɩbaɣlʋ Yesu weyi ɛkpɛndɩnɩ tamtam ɛgbɛyɛ calɩm yɔ, 21 ɛha-mɩ paa pʋyʋ kɩbanʋ weyi nɛ ɩla ɛ-sɔɔlɩm, ɛnʋ weyi ɛtɩŋɩɣnɩ Yesu Krɩstʋ yɔɔ nɛ ɛlakɩ ɖa-taa mbʋ pɩwɛ ɖeu siŋŋ ɛ-ɛsɩndaa yɔ; ɛnʋ pɩwɛɛ se pɛcɛlɩ samtʋ tam. Amɛn.
22 Lɛɛlɛɛyɔ, koobiya, menseɣtiɣ-mɩ se ɩɖʋ suuɖu nɛ iwelisi ɖoŋ kpazʋʋ tɔm tʋnɛ, mbʋ pʋyɔɔ yɔ mama-mɩ takayaɣ ŋga kɛwɛ tobi yɔ. 23 Mɔnsɔɔlaa se ɩtɩlɩ se palɩzɩ ɖo-koobu Timootee salaka taa. Ye ɛkɔm lɔŋ kɔyɔ, ma nɛ ɩ ɖɩkaɣnɩ kɔm nɛ ɖɩna-mɩ.
24 Ɩcɛlɩ mɛn-sɛtʋ mba pɛɖɛɣ nɔɔ mɩ-hɛkʋ taa yɔ pa-tɩŋa nɛ ɛyaa kiɖeɖema tɩŋa. Mba pɛwɛ Itaalii yɔ,+ petiyiɣni-mɩ pɛ-sɛtʋ.
25 Ɛsɔ ɛla mɩ-tɩŋa lootiye.