Keɣa
Tɛtʋ taa kpaʋ hendu.
126 Yehowa kaapɩsɩnɩ Siyɔŋ ñɩma mba paawoni yomiye taa yɔ lɛ,+
Pɩlakaɣ-ɖʋ ɛzɩ ɖiɖozaɣ kiɖozu yɔ.
2 Alɩwaatʋ ndʋ tɩ-taa, woŋa kaasu ɖɔ-nɔsɩ taa yem
Nɛ taa leleŋ kubusi kaawɛ ɖa-nzʋlʋma yɔɔ.+
Alɩwaatʋ ndʋ tɩ-taa, pɔyɔɔdaɣ ajɛɛ taa se:
«Yehowa labɩ-wɛ tʋma sɔsɔna.»+
3 Yehowa labɩ-ɖʋ tʋma sɔsɔna,+
Nɛ ɖɩwɛ taa leleŋ taa siŋŋ.
4 Hayɩ Yehowa, pɩsɩnɩ ɖɛ-ɛyaa mba powoni yomiye taa yɔ,
Ɛzɩ tɛʋ suyuu Negɛɛbʋ taa pɔsɩ yɔ.*
5 Mba poɖuu ɖomaɣ nɛ ɛsɩtɛɣlɩm yɔ,
Pakaɣ kʋm nɛ taa leleŋ kubusi.