Roma mba
9 Toovenim mɔyɔɔdʋʋ Krɩstʋ taa, maacɛtɩɣ; nɛ mɛ-ɛhʋyɛ tɩnɩɣ mɔ-yɔɔ nɛ ɖɩlɩzɩɣ aseɣɖe fezuu kiɖeɖeu taa 2 se mɛwɛnɩ laŋwɛɛkɩyɛ sɔsɔɖɛ nɛ manɩɣ siziŋ kaahɛzaɣ ma-laŋɩyɛ taa. 3 Mbʋ pʋyɔɔ yɔ mañɩnɩɣ se ye pɩsaŋ kɔyɔ, pɩtayɩ ma nɛ Krɩstʋ ɖɛ-hɛkʋ taa ɛzɩ weyi pɔlɔ ɛ-yɔɔ nɔɔ kɩdɛkɛdaɣ yɔ se pɩsa nɛ mansɩnɩ mon-koobiya, ma-ñɩma tomnaɣ taa, 4 mba pɛkɛ Izrayɛɛlɩ mba yɔ. Mba Ɛsɔ kpaɣaa ɛzɩ ɛ-pɩyalaa yɔ,+ nɛ ɛha-wɛ samtʋ, nɛ ɛɖʋ-wɛ nɛ agbaa,+ nɛ ɛcɛlɩ-wɛ Paɣtʋ+ nɛ tʋmɩyɛ kiɖeɖeye+ nɛ ɛlabɩ-wɛ tamasɩ.+ 5 Pɛkɛ cɔzɔnaa lʋlʋʋ taa mba,+ nɛ pa-lʋlʋʋ taa Krɩstʋ lɩnɩ tomnaɣ taa.+ Pasa Ɛsɔ weyi ɛkɩlɩ pɩtɩŋa yɔ tam tam. Amɛn.
6 Ɛlɛ, pɩtɩwɩlɩ se Ɛsɔ tɔm tɩla. Mbʋ pʋyɔɔ yɔ pɩtɩkɛ mba payɩ palɩnɩ Izrayɛɛlɩ lʋlʋʋ taa yɔ, mba kɛnɩ «Izrayɛɛlɩ» piya toovenim taa.+ 7 Nɛ pɩtɩkɛ se pɛkɛ Abraham lʋlʋʋ taa mba*+ yɔɔ yɔɔ pa-tɩŋa pɛkɛ piya; ɛlɛ, «mba pakaɣ-wɛ yaʋ se ña-lʋlʋʋ taa mba* yɔ, Izaakɩ taa pakaɣ lɩnʋʋ.»+ 8 Pʋ-tɔbʋʋ se mba pɛkɛ piya tomnaɣ taa yɔ, patɩkɛ Ɛsɔ piya toovenim taa;+ ɛlɛ mba pɛkɛ piya tamaɣ ŋga Ɛsɔ laba yɔ kɔ-yɔɔ yɔ,+ mba pakpaɣaa se pɛkɛ lʋlʋʋ taa mba. 9 Mbʋ pʋyɔɔ yɔ tamaɣ ŋga Ɛsɔ kaalaba yɔ ŋga yɔ: «Alɩwaatʋ tʋnɛ tɩ-yɔɔ, mankaɣ kɔm nɛ Saara kaɣ wɛnʋʋ abalɩbɩɣa.»+ 10 Pɩtɩkɛ alɩwaatʋ ndʋ tɩ-taa ɖeke, ɛlɛ alɩwaatʋ ndʋ ɖɔɖɔ Rebeka kaahaɣ ɖomaa hoɣa nɛ ɖɔ-cɔzɔ Izaakɩ yɔ;+ 11 mbʋ pʋyɔɔ yɔ alɩwaatʋ ndʋ pataatɩɩlʋlɩtɩ-wɛ nɛ pataatɩɩlabɩtɩ kɩbandʋ yaa kɩdɛkɛdɩm nabʋyʋ yɔ, Ɛsɔ kaatɛm yɔɔdʋʋ pa-taa weyi ɛkaɣaɣ lɩzʋʋ yɔ ɛ-tɔm; mbʋ pʋyɔɔ yɔ pɩtɩkɛ ɛyʋ tʋma yɔɔ Ɛsɔ lɩzɩɣ-ɩ, ɛlɛ ɛlɩzɩɣ ɛyʋ weyi ɛsɔɔlaa yɔ, 12 pʋyɔɔ eheyi Rebeka se: «Sɔsɔ kaɣ kɛʋ cikpelu yom.»+ 13 Ɛzɩ pamaʋ yɔ se: «Maasɔɔlɩ Yakɔɔb, ɛlɛ Ezaawuu ɛlɛ lɛ maapaɖɩ-ɩ.»+
14 Ye mbʋ ɖɩyɔɔdɩ suwe yɔ? Ɛzɩ Ɛsɔ lakɩ mbʋ pɩfɛyɩ siɣsiɣ yɔ? Aayɩ kpa!+ 15 Mbʋ pʋyɔɔ yɔ eheyi Moyizi se: «Weyi mɔnsɔɔlaa se mana ɛ-pʋtɔdɩyɛ yɔ, mankaɣ naʋ ɛ-pʋtɔdɩyɛ, nɛ weyi mɔnsɔɔlaa se manɩɩ e-siziŋ yɔ, mankaɣ nɩʋ e-siziŋ.»+ 16 Ye mbʋ, pɩɩlɩɣnɩ ɛyʋ sɔɔlɩm yaa ɛ-pana ñaɣʋ cɔlɔ,* ɛlɛ pɩlɩɣnɩ Ɛsɔ weyi ɛnaɣ pʋtɔdɩyɛ yɔ ɛ-cɔlɔ na.+ 17 Mbʋ pʋyɔɔ yɔ mayaɣ heyiɣ Farawɔɔ se: «Lɩmaɣzɩyɛ nɖɩ ɖɩ-yɔɔ ɖeyi ɖeyi meyebi-ŋ se ŋwɛɛ yɔ nɖɩ yɔ: se mantɩŋnɩ ñɔ-yɔɔ nɛ mawɩlɩ mon-ɖoŋ nɛ meyele nɛ posusi ma-hɩɖɛ tɛtʋ kpeekpe yɔɔ.»+ 18 Ye mbʋ, weyi ɛsɔɔlaa se ɛnaɣ ɛ-pʋtɔdɩyɛ yɔ, ɛnaɣ ɛ-pʋtɔdɩyɛ; ɛlɛ weyi ɛsɔɔlaa se eyeki-i nɛ ɛla ñʋʋ taa ɖoŋ yɔ, eyeki-i nɛ ɛla ñʋʋ taa ɖoŋ.+
19 Pʋyɔɔ lɛ, ŋkaɣ-m pɔzʋʋ se: «Ɛbɛ yɔɔ ɛtasɩɣ kʋʋ ɛyaa tɔm yɔ? Mbʋ pʋyɔɔ yɔ apɩzɩɣ nɛ ɛkaɖɩnɩ ɛ-sɔɔlɩm?» 20 Ɛlɛ, hayɩ ɛyʋ, anɩ ŋkɛnaa nɛ ŋkɛzɩɣ Ɛsɔ?+ Ɛzɩ wonuu ŋgʋ pamawa yɔ, kiheyiɣ weyi ɛma-kʋ yɔ se: «Ɛbɛ yɔɔ ŋma-m ɛzʋnɔ?»+ 21 Suwe? Ɛzɩ cʋʋ mayʋ fɛyɩnɩ ɖoŋ cʋʋ ŋgʋ enuutaa yɔ kɩ-yɔɔ+ se ɛkpaɣ-kʋ nɛ ɛmanɩ ñanaɣ ŋga palakɩnɩ mbʋ pɩwɛ wazaɣ siŋŋ yɔ, nɛ ɛkpaɣ cʋʋ kʋɖʋmʋʋ ŋgʋ kɩ-hɔɔlʋʋ nɛ ɛmanɩ ñanaɣ ŋga palakɩnɩ mbʋ pɩfɛyɩ wazaɣ siŋŋ yɔ? 22 Nɛ ye Ɛsɔ ɛsɔɔlaa se ɛwɩlɩ ɛ-pana nɛ eyele nɛ patɩlɩ e-ɖoŋ, nɛ ɛwɩlɩ e-suuɖu pana ñanzɩ nzɩ sɩmʋnaa se paɖɩzɩ-sɩ yɔ? 23 Nɛ ye ɛlabɩ mbʋ se patɩlɩ ɛ-samtʋ sɔsɔtʋ ndʋ ɛwɩlɩ pʋtɔdɩyɛ naʋ ñanzɩ+ nzɩ ɛlɛyɩ-sɩ ñɔɔzʋʋ nɛ ɛsɩɩ se ɛɛsam-sɩ yɔ, 24 pʋ-tɔbʋʋ se ɖa mba ɛya-ɖʋ Yuuda mba hɛkʋ taa nɛ ajɛɛ taa ɖɔɖɔ yɔ,+ ɖɩyɔɔdʋʋ pɩ-tɔm suwe? 25 Pɩwɛ ɛzɩ ɛyɔɔdʋʋ ɖɔɖɔ Ozee takayaɣ taa yɔ se: «Mba patɩkɛ man-samaɣ yɔ,+ mankaɣ-wɛ yaʋ se “man-samaɣ,” nɛ halʋ weyi patɩsɔɔlɩ-ɩ yɔ mankaɣ-ɩ yaʋ se “kʋsɔɔlʋ”;+ 26 nɛ lone nɖɩ ɖɩ-taa maaheyi-wɛ se: “Ɩtɩkɛ man-samaɣ” yɔ, ɖɩ-taa mankaɣ-wɛ yaʋ se “Ɛsɔ ɛsadʋ pɩyalaa.”»+
27 Pɩtasɩ lɛ, Izaayii mabɩ kubuka Izrayɛɛlɩ yɔɔ nɛ ɛtɔ se: «Paa Izrayɛɛlɩ piya ɩɖɔwa ɛzɩ teŋgu nɔɔ kañɩŋa yɔ, mba pɩkazaa yɔ pe-ɖeke pakaɣnɩ hiɣu ñʋʋ yabʋ.+ 28 Mbʋ pʋyɔɔ yɔ Yehowa* kaɣ pɔzʋʋ akɔnta tɛtʋ yɔɔ, ɛpɔzʋʋ-kʋ tete nɛ ɛpɔzʋʋ-kʋ lɛɛ lɛɛ.»+ 29 Pɩtasɩ lɛ, ɛzɩ Izaayii kaayɔɔdʋʋ yɔ: «Ye yoyaa tɛ Yehowa* etaayele nɛ pɩkazɩ-ɖʋ lʋlʋʋ taa mba nabɛyɛ* yɔ, ɖɩɩpɩsɩ ɖeyi ɖeyi ɛzɩ Sodom yɔ, nɛ ɖɩɩwɛ ɛzɩ Gomɔɔrɩ yɔ.»+
30 Ye mbʋ, ɖɩyɔɔdɩ suwe yɔ? Se paa ajɛɛ taa mba ɩtaañɩnɩɣ siɣsiɣ wɛtʋ yɔ, pehiɣ siɣsiɣ wɛtʋ,+ siɣsiɣ wɛtʋ ndʋ tɩlɩɣnɩ tisuu taa yɔ;+ 31 ɛlɛ Izrayɛɛlɩ mba lɛ, paa pañɩnaɣ siɣsiɣ wɛtʋ paɣtʋ yɔ, patihiɣ paɣtʋ ndʋ. 32 Ɛbɛ yɔɔ? Mbʋ pʋyɔɔ yɔ patɩñɩnɩ-tʋ nɛ tisuu, ɛlɛ tʋma pañɩnɩnɩ-tʋ. «Pɩyɛ nɖɩ ɖituuluu yɔ,»+ ɖituuli-wɛ; 33 ɛzɩ pamaʋ yɔ se: «Ɩna! Menɖiɣni sɩʋ Siyɔŋ taa pɩyɛ+ nɖɩ ɖituuluu yɔ nɛ kaaʋ ŋgʋ kɩpadɩɣ yɔ; ɛlɛ weyi ɛwɛɣnɩ tisuu kɩ-yɔɔ yɔ,* fɛyɛ ɛɛkaɣ-ɩ kpaʋ.»*+