Keɣa
Oo mɛ-Ɛsɔ Yehowa, ŋpaɣlaa pɩdɩɩfɛyɩ.+
4 Ɛpɩsɩɣ e-tiyiyaa feziŋ,
Ɛpɩsɩɣ ɛ-lɩmɖʋyaa miŋ weyi ɛñakɩ yɔ.+
6 Ŋhuuzi tɩ-yɔɔ nɛ lɩm cukaŋ ñɩmbʋ ɛzɩ pɩsaʋ ŋhuuzini tɩ-yɔɔ yɔ.+
Lɩm kaahuuzi pʋŋ yɔɔ.
7 Ŋñazaa lɛ, pise;+
Pɩnɩ ñɔ-nɔɔ tiluu taŋ lɛ, sɔɔndʋ kpa-pʋ nɛ pise nɛ pɩɖɛɛ
8 Ðenɖe ŋɖʋwa se pɩwɛɛ yɔ,
Nɛ pʋŋ kpazɩ ñʋŋ+ nɛ fɛɛŋ tii.
9 Ŋɖʋ kamaɣ ŋga pɩfɛyɩ se pɩtɛzɩ yɔ,+
Se pɩtaatasɩ huuzuu tɛtʋ yɔɔ wiɖiyi kpa.
10 Etiyiɣni lɩm hila fɛɛŋ* taa;
A-lɩm kpeŋ pʋŋ hɛkɩŋ taa.
11 Ana haɣnɩ lɩm tɛtɛgbɩna tɩŋa;
A-taa tɛyɛ kpaŋasɩ kʋʋ sɩ-lɔkɔtʋ.
12 Ɛsɔdaa sumasɩ cakɩ tɩŋ yɔɔ a-cɔlɔ;
Siteɣ hendu hɔtʋ ndʋ tisu kpimm yɔ tɩ-taa.
13 Ɛwɛɣ ɛ-ɛsɔdaa kuduyuŋ tɛɛ nɛ ɛmɩzɩɣ lɩm pʋŋ yɔɔ.+
Tɛtʋ liu sɩbɩnɩ pee wena ña-tʋma lʋlʋʋ yɔ.+
14 Ɛlakɩ nɛ ñɩtʋ ñɔʋ nɛ kpɩna tɔkɩ
Nɛ ɛlakɩ nɛ mbʋ pɩñɔʋnɩ tɛtɛɛ yɔ pɩñɔʋ nɛ pɩwazɩɣ ɛyaa,+
Ɛlakɩ nɛ tɔɔnaɣ ñɔʋnɩ tɛtɛɛ,
15 Ɛhaɣ vɛɛ ŋgʋ kɩlakɩ nɛ ɛyʋ laŋɩyɛ nɩɣ leleŋ yɔ,+
Num mbʋ pɩlakɩ nɛ ɛyʋ ɛsɩndaa ñɩlɩsɩɣ yɔ,
16 Yehowa tɩŋ haɣaa,
Libaŋ sɛɛdrɩ tɩŋ weyi ɛsɔwa yɔ,
17 Weyi ɩ-yɔɔ sumasɩ ɖʋʋ ɖandʋ yɔ.
Alɩŋgbayʋ+ ɖandʋ* wɛ jenevriyee tɩŋ taa.
20 Ŋkɔŋnɩ cɩkpɛndʋʋ, nɛ ɖoo yuu,+
Alɩwaatʋ ndʋ, tɩ-yɔɔ laʋ tɛɛ tɛtɛgbɩna tɩŋa yɛlɩɣ.
22 Wɩsɩ lɩɣ lɛ,
Ɩpɩsɩɣ nɛ ɩhɩnɩɣ ɩ-pɔŋ taa.
23 Ɛyʋ woki ɛ-tʋmɩyɛ taa,
Nɛ ɛlakɩ tʋmɩyɛ nɛ ɖanaɣ kɔɔ nɛ kaɖanɩ.
24 Oo Yehowa, ña-tʋma ɖɔ mbʋ suwe!+
Ŋlabɩ a-tɩŋa nɛ lɔŋsɩnɖɛ.+
Mbʋ ŋlaba yɔ, pisu tɛtʋ yɔɔ.
25 Teŋgu yɔ, kɩ-paɣlɩka nɛ kɩ-walanzɩ fɛyɩ yɔɔdʋʋ,
Wondu ɛsa ñɩndʋ cikpetu nɛ sɔsɔtʋ ndʋ tɩñɩpɩtɩɣ kɩ-taa yɔ, tɩfɛyɩ kalʋʋ.+
27 Pe-kpeekpe, ñɛ-ɛsɩndaa pɔcɔŋna
Se ŋha-wɛ pɔ-tɔɔnaɣ alɩwaatʋ yɔɔ.+
28 Mbʋ ŋhaɣ-wɛ yɔ, pekpeɣliɣ-pʋ.+
Ŋkuluu ñe-nesi lɛ, pahakɩ wondu kɩbandʋ.+
29 Ŋkiziɣ se pataana* ñɛ-ɛsɩndaa lɛ, pisidiɣ-wɛ.
Ye ŋmʋ pe-fezuu yɔ, pasɩkɩ nɛ papɩsɩ mʋzʋʋ.+
30 Ye ŋtiyini ñe-fezuu yɔ, papaɣzɩɣ wɛʋ wezuu,+
Nɛ ŋlakɩ nɛ pɩtɩŋa pɩpɩsɩɣ kɩfam tɛtʋ yɔɔ.
31 Yehowa samtʋ kaɣ wɛʋ tam.
Yehowa kaɣ nɩʋ leleŋ ɛ-tʋma yɔɔ.+
32 Ɛcɔŋnɩ tɛtʋ nɛ tiseliɣ;
Etukuuni pʋŋ nɛ ɩlɩɣ ñɔsɩ.+
33 Mankaɣ teu hendu Yehowa+ me-wezuu kpeekpe;
Mankaɣ teu samtʋ hendu* mɛ-Ɛsɔ alɩwaatʋ ndʋ payɩ mɛwɛɣ wezuu yɔ.+
Yehowa yɔɔ lɛ, mankaɣ nɩʋ leleŋ.
35 Kɩdɛkɛdɩm laɖaa kaɣ mʋʋʋ tɛtʋ yɔɔ,
Nɛ kañatʋ tɩnaa ɩɩkaɣ tasʋʋ wɛʋ.+