Keɣa
Hendu teyaa ñʋʋdʋ. Daviid keɣa. Hendu.
68 Ɛsɔ ɛkʋyɩ, e-koyindinaa ɩmɩzɩ,
Nɛ mba papaɖɩɣ-ɩ yɔ pese ɛ-ɛsɩndaa.+
2 Ðɔɔnɩ-wɛ nɛ ŋɖɛna ɛzɩ helim ɖɛɣʋnʋʋ ñɔsɩ yɔ;
Kañatʋ tɩnaa ɩtɛŋɩlɩ Ɛsɔ ɛsɩndaa,+
Ɛzɩ miŋ yolusuu sɛŋɛlɛtʋ yɔ.
3 Ɛlɛ siɣsiɣ tɩnaa ɩwɛɛ laŋhʋlʋmɩyɛ taa;+
Pɛwɛɛ taa leleŋ sɔsɔŋ taa Ɛsɔ ɛsɩndaa;
Pɛmɛyɩ laŋhʋlʋmɩyɛ taa.
4 Itee hendu Ɛsɔ; itee samtʋ hendu* ɛ-hɩɖɛ.+
Itee hendu Weyi ɛtɛzɩɣ kañɩmbusuu kɛdɛɛnzɩ yɔ.*
Ɛ-hɩɖɛ lɛ Yah!*+ Ɩwɛɛ laŋhʋlʋmɩyɛ taa ɛ-ɛsɩndaa!
Ɛlɛ ñʋʋ taa ɖoŋ tɩnaa* cakɩ tɛtʋ ndʋ tɩwɩlɩ kaŋkaŋ yɔ tɩ-yɔɔ.+
7 Oo Ɛsɔ, alɩwaatʋ ndʋ ŋɖiyi ña-samaɣ yɔ,*+
Alɩwaatʋ ndʋ ŋɖɔm kañɩmbusuu taa yɔ, (Sɛɛla)
8 Tɛtʋ ñamsaa;+
Ɛsɔ yɔɔ lɛ, tɛʋ nɩwa;
Ɛsɔ, Izrayɛɛlɩ tɛ Ɛsɔ yɔɔ lɛ, Sinayii kʋnɛ kɩñamsaa.+
9 Oo Ɛsɔ, ŋyeba nɛ tɛʋ nɩɩ sakɩyɛ;
Ŋkpazɩ ɖoŋ ña-samaɣ ŋga pɩnɩ-kɛ yɔ.
10 Kacaɣ ñe-kizinzikiŋ tɛɛ;+
Oo Ɛsɔ, ña-kɩbandʋ taa, ŋcɔnɩ kʋñɔndʋ kɩcɛyɩm ɖeɖe.
11 Yehowa ɖʋ paɣtʋ;
Halaa mba posusuu tɔm kɩbandʋ yɔ pɛkɛ yoyaa samaɣ sɔsɔɔ.+
12 Yoyaa tɛ awiya seɣ,+ aseɣ!
Halʋ weyi ɛcaɣ ɖɩɣa yɔ, patayɩɣnɩ-ɩ ɖɔɖɔ mbʋ palazɩ you taa yɔ.+
13 Ɩɩhɩnɩ miŋ weyi popuzi maalika cɔlɔ yɔ ɩ-cɔlɔ,*
Paa mbʋ yɔ, ehooye keŋ weyi pɔpɔ ɩ-yɔɔ liidiye ñɩɣtʋ yɔ ɩkaɣ wɛʋ,
Ɩ nɛ keŋ hʋndʋ ndʋ palabɩnɩ sika kɩbaŋa yɔ.*
16 Mɩ pʋŋ weyi ɩwɛnɩ ñʋŋ sakɩyɛ yɔ,
Ɛbɛ yɔɔ ɩcɔŋnɩnɩ ɛsɩsɛmɩyɛ pʋʋ ŋgʋ Ɛsɔ lɩzaa* se kɩkɛ ɛ-ɖɩjaɣyɛ yɔ?+
Toovenim taa lɛ, Yehowa kaɣ wɛʋ peeɖe tam.+
17 Ɛsɔ you kɛɛkɛɛnaa kpɛndɩ kudokiŋ hiŋ sakɩyɛ, kudokiŋ kudokiŋ.+
Yehowa lɩnɩ Sinayii nɛ ɛkɔɔ lone kiɖeɖeye taa.+
Ŋkpɛndɩnɩ yomaa;
Ŋkpaɣ kʋjɔŋ weyi ɩkɛ ɛyaa yɔ,+
Ɛɛɛ, halɩ ŋkpaɣaa pɩkpɛndɩnɩ ñʋʋ taa ɖoŋ tɩnaa,+ se pacaɣ pɛ-hɛkʋ taa, Oo Ɛsɔ Yah.
19 Pasa Yehowa, ɛnʋ weyi ɛkpakɩɣ ɖa-sʋʋtʋ paa kɩyakʋ ŋgʋ yɔ,+
Ɛsɔ toovenim tʋ weyi ɛyakɩ ɖa-ñʋʋ yɔ. (Sɛɛla)
22 Yehowa yɔɔdaa se: «Mankaɣ-wɛ kpaɣʋ Basaanɩ+ nɛ manpɩsɩna;
Mankaɣ-wɛ kpaɣʋ teŋgu cukaŋ taa nɛ manpɩsɩna,
23 Se pɩsa nɛ ña-nɩŋgbaŋaɣ mɩtɩ calɩm taa+
Nɛ ña-hasɩ nzʋlʋma ɖi koyindinaa calɩm.»
24 Panaɣ ña-samaɣ avɛɛ ɖɔnɛ, Oo Ɛsɔ,
Mɛ-Ɛsɔ, me-Wiyaʋ samaɣ avɛɛ ɖɔnɛ, kɛɖɛɣ lone kiɖeɖeye taa.+
25 Hendu teyaa ɖɛ nɔɔ, mba pamakɩ cɩmʋʋ ŋgʋ kɩ-yɔɔ wɛ nimasɩ yɔ patɩŋ pa-wayɩ;+
27 Peeɖe Bɛnjamɛɛ+ weyi ɛkɛ tɩnʋʋ yɔ, eluzuu-wɛ,
Yuuda awumbiya ɖɔɖɔ, pa nɛ pa-samaɣ ŋga kayakɩ kɔkɔɖɛ yɔ,
Zebulɔɔnɩ awumbiya ɖɔɖɔ nɛ Naftalii awumbiya.
28 Ñɛ-Ɛsɔ ɖʋ paɣtʋ se ŋkaɣ wɛʋ ɖoŋ.
Oo Ɛsɔ, wɩlɩ ño-ɖoŋ, ña weyi ŋlʋbɩ ɖɔ-yɔɔ yɔ.+
30 Ñazɩ tɛtɛgbɩna wena awɛ kañɩŋgbayɩsɩ taa yɔ,
Naŋ abalɩñɩŋ ewiɖe+ nɛ i-newee,
Nɛ pɩkɔɔ pɩsɩɩnɩ alɩwaatʋ ndʋ ajɛɛ luŋuu nɛ akɔnɩ liidiye pɔɔyɩsɩ yɔ.*
Ɛlɛ ɛmɩzɩɣ ajɛɛ wena asɔɔlɩ you yɔ.
31 Pakaɣ kɔnʋʋ wondu ndʋ palabɩnɩ brɔɔnzɩ ñɩɣtʋ yɔ nɛ Ejipiti;*+
Kuusi kaɣ kpedesuu se kɩla Ɛsɔ kʋjɔŋ.
33 Itee samtʋ hendu weyi ɛcaɣ caanaʋ taa ɛsɔdaa liɣ liɣ* yɔɔ nɛ ɛɖɛɣ yɔ.+
Ɩna! Ɛ-nɔɔ tiliɣ, ɛ-nɔɔ ɖoŋ ñɩŋga tiliɣ.
34 Pɩwɛɛ se iɖiɣzini Ɛsɔ ɖoŋ.+
Ɛ-paɣlɩka wɛ Izrayɛɛlɩ yɔɔ,
Nɛ e-ɖoŋ wɛ ɛsɔdaa.*
35 Ɛsɔ caɣ sɔɔndʋ ɖooo e-kooka* kiɖeɖeɣa sɔsɔɔ taa.+
Ɛnʋ kɛnɩ Izrayɛɛlɩ tɛ Ɛsɔ,
Ɛnʋ haɣnɩ samaɣ ɖoŋ nɛ hoɖe.+
Pasa Ɛsɔ.