Keɣa
33 Yehowa yɔɔ lɛ, ikoo taa leleŋ kogoye, mɩ mba ɩwɛ siɣsiɣ yɔ.+
Pɩmʋnaa se siɣsiɣ tɩnaa ɩsamɩ-ɩ.
2 Ɩma cɩmʋʋ nɛ ɩsɛɛnɩ Yehowa se ɛlabaɣ lɛ;
Ɩtɩŋnɩ cɩmʋʋ wonuu ŋgʋ kɩ-yɔɔ wɛ nimasɩ 10 yɔ kɩ-yɔɔ nɛ itee-i samtʋ hendu.*
3 Itee-i hendu kɩfatʋ;+
Ɩmabɩ-ɩ cɩmʋʋ camɩyɛ nɛ taa leleŋ kogoye.
4 Mbʋ pʋyɔɔ yɔ Yehowa tɔm tʋʋzaa,+
Nɛ mbʋ payɩ ɛlakɩ yɔ, papɩzɩɣ nɛ pataa-pʋ liu.
5 Ɛsɔɔlɩ toovenim nɛ siɣsiɣ wɛtʋ.+
Yehowa sɔɔlɩm siɣsiɣ ñɩmbʋ su tɛtʋ yɔɔ.+
6 Yehowa tɩŋnɩ ɛ-tɔm yɔɔ nɛ ɛlɩzɩ ɛsɔdaa,+
Nɛ ɛtɩŋnɩ ɛ-nɔɔ taa fezuu yɔɔ nɛ ɛlɩzɩ mbʋ payɩ pɩwɛ kɩ-taa yɔ.*
7 Ɛkpaɣ teŋgu taa lɩm ɛzɩ koloŋa ɛkpanɩ-pʋ yɔ;+
Ɛsɩɣ lɩm hola sɔsɔna wondu ɖɩzɩyɛ taa.
8 Tɛtʋ kpeekpe ese Yehowa sɔɔndʋ.+
Tɛtʋ kpeekpe yɔɔ ɛyaa ise-i sɔɔndʋ kpem.
11 Ɛlɛ lɩmaɣza wena Yehowa kpakɩɣ yɔ,* akaɣ wɛʋ tam;+
Ɛ-laŋɩyɛ taa lɩmaɣza wɛ kpaɣ kpaɖʋʋ nɛ piwolo kpaɖʋʋ.
13 Yehowa wɛ ɛsɔdaa nɛ ɛcɔŋnɩ hadɛ;
Ɛnaɣ ɛyaa pɩyalaa tɩŋa.+
14 Ɛwɛ ɛ-ɖɩjaɣyɛ taa,
Nɛ ɛcɔŋnɩ tɛtʋ yɔɔ ɛyaa.
15 Ɛnʋ maɣnɩ ɛyaa tɩŋa laŋa;
Ɛtazɩɣ pa-tʋma tɩŋa taa.+
17 Ye nɔɔyʋ ɛtaɣ kpaŋnʋ liu se ehiɣ ñʋʋ yabʋ* yɔ, pɩkɛnɩ cɛtɩm lidaʋ;+
Kpaŋnʋ ɖoŋ sɔsɔŋ ɛɛwɩlɩɣ se paa pɩɩkpawa nɛ pitii yɔ, ɛkaɣ ɛyʋ ñʋʋ yabʋ.
18 Na! Yehowa ɛsɩyɛ wɛ mba peseɣ-i sɔɔndʋ yɔ pɔ-yɔɔ,+
Mba paɖaŋ ɛ-sɔɔlɩm siɣsiɣ ñɩmbʋ yɔ,
20 Ðɩɖaŋ* Yehowa.
Ɛnʋ lɛ ɖa-sɩnɩyʋ nɛ ɖa-kpayʋʋ.+
21 Ɛ-yɔɔ lɛ, ɖa-laŋa nɩɣ leleŋ,
Mbʋ pʋyɔɔ yɔ ɖɩtaɣ ɛ-hɩɖɛ kiɖeɖeye liu.+