Keɣa
Hendu. Kora+ pɩyalaa keɣa. Hendu teyaa ñʋʋdʋ; petee-tʋ nɛ pɩla nɔɔ kʋɖʋmaɣ nɛ Maalatɩ,* petee-tʋ nɛ pocuuzuu. Ezra tʋ Hemaanɩ+ tɛ Masɩkili.*
88 Hayɩ Yehowa, ma-ñʋʋ yabʋ tɛ Ɛsɔ,+
Wɩsɩ taa lɛ, mamakɩ kubusi nɛ ñɔ-cɔlɔ kiŋ,
Nɛ ɖoo taa lɛ, mɔnkɔŋ ñɛ-ɛsɩndaa.+
4 Pɛtɛmɩ-m kalʋʋ mba petiki pɔʋ* taa yɔ pa-taa;+
5 Weyi peyebi-i sɩɖaa taa
Ɛzɩ mba pakʋ-wɛ nɛ pahɩzɩ-wɛ pɩlaʋ taa yɔ,
Mba ŋŋtasɩɣ pɔ-yɔɔ tɔzʋʋ
Nɛ ŋŋtasɩɣ pɔ-yɔɔ cɔnʋʋ yɔ.
6 Ŋtisi-m pɔʋ ŋgʋ kɩkɩlɩ limuu yɔ kɩ-taa,
Ŋtisi-m cɩkpɛndʋʋ lona taa, pɔʋ sɔsɔʋ nakʋyʋ taa.
7 Ña-pana wɛ yuŋ mɔ-yɔɔ siŋŋ,+
Nɛ ŋlakɩ nɛ ña-lɩm hola ɖoŋ ñɩna huu mɔ-yɔɔ. (Sɛɛla)
8 Ŋɖɔɔnɩ mɛ-ɛyɩsɩmaa nɛ pɛɖɛɛ ɖooo poliŋ nɛ poposini-m;+
Ŋlaba nɛ manpɩsɩ kʋzɔɔtʋ pʋyʋ pɛ-ɛsɩndaa.
Kpaca kpa-m nɛ maapɩzɩɣ lɩʋ.
9 Man-kʋñɔŋ yeba nɛ pɩnɩɩ mɛ-ɛsɩyɛ.+
Hayɩ Yehowa, mayaɣ-ŋ evemiye kpeekpe;+
Monposuu me-nesi nɛ ñɔ-yɔɔ kiŋ.
10 Ŋkaɣ labʋ piti lakasɩ sɩɖaa na?
Ɛzɩ mba pasɩba nɛ pɛfɛyɩnɩ ɖoŋ nɩɩyɩ yɔ, papɩzɩɣ nɛ pakʋyɩ nɛ pasamɩ-ŋ?+ (Sɛɛla)
11 Ɛzɩ pakaɣ susuu ñɔ-sɔɔlɩm siɣsiɣ ñɩmbʋ pɩlaʋ taa?
Pakaɣ susuu ñe-siɣsiɣ wɛtʋ ɖɩzʋʋ lone taa?*
12 Ɛzɩ pakaɣ tɩlʋʋ ñe-piti lakasɩ cɩkpɛndʋʋ taa?
Yaa pakaɣ tɩlʋʋ ñe-siɣsiɣ wɛtʋ lizɔʋ ɛjaɖɛ taa?+
14 Hayɩ Yehowa, ɛbɛ yɔɔ ŋlɔʋ-m?*+
Ɛbɛ yɔɔ ŋkiziɣ se mantaana* ñɛ-ɛsɩndaa?+
15 Kpaɣnɩ me-evebitu taa,
Mɛwɛ kʋñɔŋ tɔɔʋ yɔɔ, nɛ manɩ sɩm sɔŋ;+
Kʋñɔmɩŋ weyi ŋyeba nɛ ɩtalɩ-m yɔ, ɩlaba nɛ pɩkɩlɩ-m siŋŋ.
16 Ña-pana sɔsɔna hu mɔ-yɔɔ;+
Sɔɔndʋ ndʋ tɩlɩnɩ ñɔ-cɔlɔ yɔ, tɩɖɩzɩɣ-m.
17 Tɩcɔ-m nɛ tɩta ɛzɩ lɩm yɔ evemiye kpeekpe;
Tɩñɛyɩ-m nɛ hɔɔlɩŋ tɩŋa taa.*
18 Ŋɖɔɔnɩ man-taabalaa nɛ mɛ-ɛgbaɣdɩnaa nɛ poposini-m;+
Cɩkpɛndʋʋ pɩsɩnɩ mɛ-ɛgbaɣdʋ.