Hendu teyaa ñʋʋdʋ: Petee-tʋ nɛ cɩmʋʋ wondu ndʋ tɩ-yɔɔ wɛ nimasɩ yɔ. Masɩkili. Daviid hendu, alɩwaatʋ ndʋ Ziifʋ mba kɔm nɛ peheyi Sɔɔlɩ se: «Daviid mɛlɩ ɖɛ-hɛkʋ taa» yɔ.+
54 Hayɩ Ɛsɔ, tɩŋnɩ ña-hɩɖɛ yɔɔ nɛ ŋya ma-ñʋʋ,+
Tɩŋnɩ ño-ɖoŋ yɔɔ nɛ ŋlʋ mɔ-yɔɔ.+
2 Hayɩ Ɛsɔ, welisi ma-adɩma;+
Kemsi mɔ-nɔɔ taa tɔm.
3 Mbʋ pʋyɔɔ yɔ agɔma kʋyɩ mɔ-yɔɔ,
Nɛ kañatʋ tɩnaa ñɩnɩɣ me-wezuu.+
Paañaŋ Ɛsɔ paa ññɩɩ.+ (Sɛɛla)
4 Ɩna! Ɛsɔ kɛnɩ man-sɩnɩyʋ;+
Yehowa wɛ mba pasɩɣnɩ-m yɔ pɔ-cɔlɔ.
5 Ɛkaɣ hɛyʋʋ mon-koyindinaa+ nɛ pa-maɣmaɣ pa-kañatʋ lakasɩ;
Ðɩzɩ-wɛ, mbʋ pʋyɔɔ yɔ ŋwɛ siɣsiɣ.+
6 Mankaɣ-ŋ laʋ kɩlaŋ+ faaa.
Oo Yehowa, mankaɣ sam ña-hɩɖɛ, mbʋ pʋyɔɔ yɔ ɖɩwɛ ɖeu.+
7 Mbʋ pʋyɔɔ yɔ ɛyakɩ ma-ñʋʋ kʋñɔmɩŋ tɩŋa taa,+
Nɛ mankaɣ cɔnʋʋ mon-koyindinaa nɛ taa leleŋ alɩwaatʋ ndʋ pɔtɔlʋʋ yɔ.+