Keɣa
74 Hayɩ Ɛsɔ, ɛbɛ yɔɔ ŋlɔ-ɖʋ kpaagbaa lɔʋ?+
Ɛbɛ yɔɔ ŋkɔ pana nɛ ña-kpɩna ñɩtʋ ɖɩdɔɔyɛ taa ewiɖe?+
Tɔzɩ Siyɔŋ Pʋʋ yɔɔ, ɖenɖe ŋŋwɛɛ yɔ.+
3 Wolo tamtam njaa taa.+
Koyindu ɖɩzɩ mbʋ payɩ pɩwɛ lone kiɖeɖeye taa yɔ.+
4 Ño-koyindinaa mʋdɩ ñe-kediɣzaɣ* lone taa.+
Pesiɣ pa-maɣmaɣ pa-wabɩtʋ yʋsasɩ peeɖe.
5 Paawɛ ɛzɩ ɛyaa mba pakpazɩɣ laɖa nɛ petiŋ laʋ sɔsɔʋ yɔ.
6 Pakpaɣ laɖa nɛ ñɩɣtʋ nɛ pɔyɔkɩnɩ kɩlɛmɩŋ weyi pacanɩnɩ-ɖɩ yɔ ɩ-tɩŋa.+
7 Pɔsɔbɩ ño-kooka kiɖeɖeɣa miŋ.+
Pepisi ña-kɩɖanɖʋʋ ŋgʋ ña-hɩɖɛ wɛ kɩ-yɔɔ yɔ, potuzi-kʋ nɛ pɛpɛɖɩ tataa.
8 Pa nɛ pa-lʋlʋʋ taa mba pɔyɔɔdɩ pa-laŋa taa se:
«Pɩwɛɛ se pañaɣzɩ miŋ Ɛsɔ kediɣzisi lona tɩŋa* ɛjaɖɛ taa.»
9 Ðɩɩnaɣ ɖa-yʋsaɣ nakɛyɛ;
Nayʋ nɔɔyʋ tɩtasɩ wɛʋ,
Nɛ ɖa-taa nɔɔyʋ ɛɛsɩŋ se pɩwɛɣ mbʋ nɛ pɩsɩɩnɩ ɖooye.
10 Hayɩ Ɛsɔ, koyindu kaɣ wɛʋ nɛ ehoŋuu-ŋ nɛ pɩkɔɔ nɛ pɩsɩɩnɩ ɖooye?+
Koyindu kaɣ wɛnʋʋ kaañamtʋ ña-hɩɖɛ yɔɔ tam?+
11 Ɛbɛ yɔɔ ŋkpaɣ ñe-nesi, ñe-nesi kɩbanzɩ?+
Lɩzɩ-sɩ ñɔ-nɔkɔyʋʋ* taa nɛ ŋɖɩzɩ-wɛ.
12 Ɛlɛ Ɛsɔ kɛnɩ me-Wiyaʋ ɖooo lɔŋ,
Ɛnʋ weyi ɛlakɩ ñʋʋ yabʋ tʋma tɛtʋ yɔɔ yɔ.+
13 Ŋcʋʋdɩ teŋgu nɛ ño-ɖoŋ;+
Ŋtɔyɩtɩ teŋgu taa coojonaa ñʋŋ lɩm taa.
16 Ñatɩnɩ evemiye, ñatɩnɩ ɖɔɖɔ ɖoo.
18 Hayɩ Yehowa, tɔzɩ koyindu hoŋuu-ŋ hoŋuu mbʋ yɔ pɩ-yɔɔ,
Tɔzɩ ɛzɩma samaɣ ŋga kɛkɛ kɩmɛlɛŋ yɔ, kaañaŋ ña-hɩɖɛ yɔ pɩ-yɔɔ.+
19 Taaɖʋzɩ ñe-ehooye wezuu* tɛtɛgbɩna nesi tɛɛ.
Taasɔɔ ña-samaɣ ŋga kɛwɛ kʋñɔŋ taa yɔ ke-wezuu yɔɔ tam.
20 Tɔzɩ ɛgbɛyɛ nɖɩ ɖa nɛ ŋ ɖɩɖʋwa yɔ ɖɩ-yɔɔ,
Mbʋ pʋyɔɔ yɔ puuyaɣ lakasɩ su tɛtʋ yɔɔ cɩkpɛndʋʋ lona taa.
22 Hayɩ Ɛsɔ, kʋyɩ nɛ ŋlʋ ña-tɩ yɔɔ tɔm hʋʋ taa.
Tɔzɩ ɛzɩma kɩmɛlɛŋ hoŋuu-ŋ evemiye kpeekpe yɔ pɩ-yɔɔ.+
23 Taasɔɔ tɔm ndʋ ño-koyindinaa yɔɔdʋʋ yɔ tɩ-yɔɔ.
Mba pakaɖɩɣnɩ-ŋ yɔ, pɔ-kɔkɔɖɛ wɛ kpaʋ yɔɔ tam.