HENDU TAA HENDU
1 Hendu taa hendu,* Salomɔɔ hendu:+
2 «Tɛtɛ nɛ ɛmʋzɩ mɔ-nɔɔ,
mbʋ pʋyɔɔ yɔ ñɔ-sɔɔlɩm wɩlʋʋ wɛ ɖeu nɛ pɩkpaɖɩ vɛɛ.+
3 Ño-num sɔzɩŋ wɛ ɖeu.+
Ña-hɩɖɛ wɛ ɛzɩ sɔzɩŋ num mbʋ papɩyaa yɔ.+
Pʋyɔɔ pɛlaa sɔɔlɩ-ŋ.
4 Kpɛndɩnɩ-m;* ɖise.
Wiyaʋ woni-m e-kuduyuŋ pɩ-taa ñɩŋ taa!
Ñɔ-yɔɔ yɔɔ lɛ, ɖɩnɩɩ leleŋ nɛ ɖɩmɛyɩ.
Ðɩyɩɣyɩ ñɔ-sɔɔlɩm wɩlʋʋ* nɛ pɩkpaɖɩ vɛɛ.
Pɩmʋnɩ mbʋ se pɔsɔɔlɩ-ŋ.*
5 Oo Yeruzalɛm pɛlaa, mɛnkɛ ɛyʋ kɩkpɛɛdʋ,* ɛlɛ menɖewa,
mɛwɛ ɛzɩ Kedaarɩ kizinzikiŋ yɔ,+ ɛzɩ Salomɔɔ kizinzikiŋ pɩsaŋ+ yɔ.
6 Ɩtaacɔnɩ-m se mon-tomnaɣ piyaa,
mbʋ pʋyɔɔ yɔ wɩsɩ ñaɣnɩ-m.
Mon-ɖoo pɩyalaa taa wɩnɩ-m;
paɖʋ-m tʋmɩyɛ se mɔncɔnɩ viiñi hayɩm yɔɔ,
ɛlɛ ma-maɣmaɣ men-viiñi hayɩm lɛ, mantɩcɔnɩ pɩ-yɔɔ.
Le ŋwokini-tʋ nɛ tɩhɛzɩɣ wɩsɩ taa?
Ɛbɛ yɔɔ pɩwɛɛ se mɛwɛɛ ɛzɩ halʋ weyi ehuuzi kɛdɛɛka* ɛ-ɛsɩndaa yɔ
ñɛ-ɛgbaɣdɩnaa wondu hɛkʋ taa?»
8 «Hayɩ, ña weyi ŋkpaɖɩ ɖeu halaa taa yɔ, ye ŋŋsɩŋ yɔ,
tɩŋ wondu nɩŋgbanzɩ taa
nɛ ŋwoni ña-pʋŋ* ñɩtʋ ɖɩdɔɔyɛ nɖɩ ɖɩwɛ ninɖiɣyaa kizinzikiŋ cɔlɔ yɔ ɖɩ-taa.»
9 «Man-kʋsɔɔlʋ, ŋwɛ-m ɛzɩ kpaŋnʋ* halɩñɩnʋ Farawɔɔ kɛɛkɛɛnaa hɛkʋ taa yɔ.+
10 Ña-lɩkpaɣzasɩ yɔɔ ajana wondu yeba nɛ siɖe,*
nɛ ñe-liu tɛɛ lɩtʋ yele nɛ ñe-liu ɖe.
11 Ðɩkaɣ-ŋ lubu sika ajana wondu
ndʋ pacanɩ-tʋ nɛ liidiye yɔ.»
12 «Wiyaʋ caɣ ɛ-taabɩlɩ yɔɔ lɛ,
man-tɩlaaɖɩ+ sɔzɩŋ ñɛyɩ fɛmm.
13 Man-kʋsɔɔlʋ wɛ-m ɛzɩ miiri huyuu ŋgʋ kɩlɩɣ sɔzɩŋ yɔ,+
eɖou ma-hɩla hɛkʋ taa ɖoo taa.
15 «Na! Man-kʋsɔɔlʋ, ŋɖewa.
Na! Ŋɖewa. Ñɛ-ɛsa wɛ ɛzɩ ahoo ɛsa yɔ.»+
16 «Na! Man-kʋsɔɔlʋ, ŋɖewa,* nɛ ñɔ-tɔm wɛ ɖeu.+
Ða-ñalʋʋ wɛ tɩŋ hatʋ hɛkʋ taa.
17 Ða-ɖɩɣa* lɔbɩtʋ ɖasɩ kɛ sɛɛdrɩ tɩŋ ɖasɩ,
nɛ jenevriyee tɩŋ ɖasɩ.
2 «Ɛzɩ hɛɖʋʋ wɛɣʋ sɔɔ taa yɔ,
mbʋ man-kʋsɔɔlʋ wɛ pɛlaa hɛkʋ taa.»
3 «Ɛzɩ pɔɔm tɩʋ wɛɣʋ laʋ tɛɛ tɩŋ hɛkʋ taa yɔ,
mbʋ ɖɔɖɔ man-kʋsɔɔlʋ wɛ evebiya hɛkʋ taa.
Me-liu wɛɛ pɩŋŋ se mancaɣ e-kuzotuu tɛɛ,
nɛ ɛ-tɩʋ piye wɛ leleŋ mɔ-nɔɔ taa.
4 Ewoni-m kazandʋ ɖɩɣa taa,*
nɛ ɛ-sɔɔlɩm wɛ mɔ-yɔɔ ɛzɩ kɛdɛɛka yɔ.
5 Ɩha-m viiñi pee kakayɩsɩ nɛ ɩkpazɩnɩ-m ɖoŋ;+
ɩha-m pɔɔm tɩʋ pee nɛ ɩsɔzɩnɩ-m ɖoŋ,
mbʋ pʋyɔɔ yɔ sɔɔlɩm kʋdɔŋ kpa-m.
6 Ɛsaɣyɩ ma-ñʋʋ taa nɛ ɛ-nɩmɩyɛ,
nɛ ekpibi-m nɛ e-nesi kɩbanzɩ.+
7 Oo Yeruzalɛm pɛlaa,
iɖuuni nɛnzɛŋ+ nɛ tɛyɛ namɩŋ se
ɩɩkaɣ fezuu man-taa sɔɔlɩm yaa ɩɩkaɣ-pʋ kʋsʋʋ pɩkɔɔ nɛ pɩsɩɩnɩ alɩwaatʋ ndʋ pɩmaɣ-pʋ yɔ.+
8 Manɩɣ man-kʋsɔɔlʋ taŋ!
Na! Eɖiɣni kɔm,
ɛkpaɣ pʋŋ, ɛmaɣ piyisi yɔɔ.
9 Man-kʋsɔɔlʋ wɛ ɛzɩ nɛnzɛm yɔ, ɛwɛ ɛzɩ cɩyʋʋ* pɩɣa yɔ.+
Ɛnʋ lɛ! Ɛsɩŋ ɖo-koloŋa wayɩ,
ɛwɛɛ nɛ ɛcɔŋnɩnɩ mondoɖebɔʋ,
ɛwɛɛ nɛ elosuuni mondoɖebɔʋ.
10 Man-kʋsɔɔlʋ ɖiɣni yɔɔdʋʋ, eheyiɣ-m se:
“Man-kʋsɔɔlʋ, kʋyɩ,
mɛn-tɛŋga maɣzaɣ, kɔɔ ɖɩɖɛɛ.
11 Na! Tɛʋ* alɩwaatʋ ɖɛwa.
Tɛʋ sɩ tɩnaɣ, kɩtɛma.
13 Kajalaɣ fiigi pee pɩ fiigi tɩʋ yɔɔ;+
viiñi tɩŋ kpaɣ hɛtʋ nɛ tɩ-sɔzɩŋ ñɛyɩ.
Man-kʋsɔɔlʋ, kʋyɩ nɛ ŋkɔɔ.
Mɛn-tɛŋga maɣzaɣ, kɔɔ ɖɩɖɛɛ.
14 Oo me-ehooye, ña weyi ŋwɛ ɛwaɣ pɔŋ taa+
nɛ pʋʋ hɛɛnzɩ taa yɔ,
yele nɛ mana-ŋ nɛ manɩɩ ñɔ-nɔɔ,+
mbʋ pʋyɔɔ yɔ ñɔ-nɔɔ wɛ leleŋ nɛ ŋɖewa pɩdɩɩfɛyɩ.”»+
15 «Ɩkpa-ɖʋ sɔŋgɔlɔ hasɩ,
sɔŋgɔlɔ hasɩ cikpesi nzɩ sɩwɛɛkɩɣ viiñi hayɩm yɔ,
mbʋ pʋyɔɔ yɔ ɖe-viiñi tɩŋ kpaɣ hɛtʋ.»
16 «Matɩnɩ man-kʋsɔɔlʋ, nɛ man-kʋsɔɔlʋ tɩnɩ-m.+
Eɖiɣni ɖiyuu kpɩna+ hɛtʋ hɛkʋ taa.*+
17 Oo man-kʋsɔɔlʋ, pɩsɩ lɔŋ;
tɛzɩ pʋŋ weyi ɩtayɩ ma nɛ ŋ ɖɛ-hɛkʋ taa yɔ,* ɛzɩ nɛnzɛm+ yaa cɩyʋʋ pɩɣa yɔ;+
pʋcɔ nɛ helim paɣzɩ mabʋ, pʋcɔ nɛ kuzotiŋ ɖɛɛ.
Mañɩnɩ-ɩ, ɛlɛ mantɩna-ɩ.+
Mañɩnɩ-ɩ, ɛlɛ mantɩna-ɩ.
3 Feŋiyaa mba pɔcɔwaɣ tɛtʋ taa yɔ pakatɩ-m.+
Mɔnpɔzɩ-wɛ se: “Ɩna man-kʋsɔɔlʋ na?”*
4 Mantɩtɩɩɖɛtɩ pɔ-yɔɔ lɛ
mana man-kʋsɔɔlʋ.*
Mɔñɔɔnɩ-ɩ, mantaañɩnɩɣ se meyebi-i nɛ ɛɖɛɛ
pɩkɔɔ nɛ pɩsɩɩnɩ alɩwaatʋ ndʋ mɔnkɔnɩ-ɩ mon-ɖoo ɖɩɣa taa yɔ,+
pɩkɔɔ nɛ pɩsɩɩnɩ alɩwaatʋ ndʋ mɔnkɔnɩ-ɩ weyi ɛlʋlɩ-m yɔ e-kuduyuu pɩ-taa ñɩŋgʋ taa yɔ.
5 Oo Yeruzalɛm pɛlaa,
iɖuuni nɛnzɛŋ nɛ tɛyɛ namɩŋ se
ɩɩkaɣ fezuu man-taa sɔɔlɩm yaa ɩɩkaɣ-pʋ kʋsʋʋ pɩkɔɔ nɛ pɩsɩɩnɩ alɩwaatʋ ndʋ pɩmaɣ-pʋ yɔ.»+
6 «Ɛbɛ lɩɣnɩ kañɩmbusuu taa nɛ pɩkpaɣ tulutulu ɛzɩ ñɔsɩ
nɛ pɩlɩɣ miiri nɛ tɩlaaɖɩ kʋhʋlʋmʋʋ sɔzɩŋ,
nɛ pɩlɩɣ ɖɔɖɔ tadɩyɛ laɖʋ pɔʋla tɩŋa sɔzɩŋ mbʋ yɔ?»+
7 «Salomɔɔ kaɖʋ pɩkɛnaa.
Abalaa ɖoŋ tɩnaa 60 cɔ-kʋ nɛ pata,
palɩzɩ-wɛ nɛ Izrayɛɛlɩ abalaa ɖoŋ tɩnaa taa,+
8 pa-tɩŋa pɔɖɔkɩ laɣla,
pafalɩsɩ pa-tɩŋa you labʋ taa,
paa weyi ɛ nɛ ɛ-laɣɖɛ ɛ-tɩnaɣ taa
se ɛlʋbɩnɩ mbʋ pɩɖʋʋ sɔɔndʋ ɖoo taa yɔ.»
10 Liidiye ɛlabɩnɩ ke-tilima,
sika ɛlabɩnɩ ke-ɖidesiye.
Heŋ hʋndʋ kɩsɛɛmtʋ yuulee palabɩnɩ ke-kpelaɣ;
Yeruzalɛm pɛlaa
canɩ ka-taa nɛ sɔɔlɩm.»
11 «Oo Siyɔŋ pɛlaa, ɩlɩɩ,
ɩcɔnɩ Wiyaʋ Salomɔɔ,
ɛpam nesi ɖɔkʋʋ hulaɣ* ŋga e-ɖoo+ lʋ-ɩ yɔ
e-nesi ɖɔkʋʋ wiye,
kɩyakʋ ŋgʋ ɛwɛ laŋhʋlʋmɩyɛ taa yɔ.»
4 «Na! Man-kʋsɔɔlʋ, ŋɖewa.
Na! Ŋɖewa.
Ñɛ-ɛsa wɛ ɛzɩ ahoo ɛsa yɔ ñɛ-kɛdɛɛka tɛɛ.
Ñɔ-ñɔsɩ wɛ ɛzɩ pʋŋ ewiɖe
nɖɩ ɖitiki Galaadɩ pʋŋ yɔ.+
2 Ñe-kela wɛ ɛzɩ heŋ ewiɖe nɖɩ pɔkɔ ɖɩ-kpɛm pitileɖi yɔ,
ewiɖe nɖɩ ɖɩlɩnɩ lɩm ɖɩzɔyɛ nɛ ɖɩkpaɣ yɔ,
ɖɩ-taa paa heu weyi lʋlɩ ɖomaa,
nɛ heu nɔɔyʋ tilesi e-heɣa.
3 Ño-ndomee wɛ ɛzɩ nimaɣ kɩsɛɛmaɣ cɩɩɩ yɔ,
nɛ ñɔ-tɔm pee wɛ leleŋ.
Ña-lɩkpaɣzasɩ* wɛ ɛzɩ
girenaadɩ tɩʋ piye hɔɔlasɩ yɔ ñɛ-kɛdɛɛka tɛɛ.
4 Ñe-liu+ wɛ ɛzɩ Daviid tilimiye yɔ,+
tilimiye nɖɩ papɩlɩ pɛɛ nɛ pamanɩ-ɖɩ yɔ,
nɖɩ ɖɩ-yɔɔ posusi kpayɩŋ kudoku yɔ,
ɩ-tɩŋa ɩkɛ abalaa ɖoŋ tɩnaa kpayɩŋ weyi ɩwɛ kulukulu yɔ.+
5 Ña-hɩla ana a-naalɛ awɛ ɛzɩ nɛnzɛm piya naalɛ yɔ,
nzɩ sɩkɛ ɖomaa yɔ,+
nzɩ sɩtɔkɩ ñɩtʋ hɛtʋ* hɛkʋ taa yɔ.»
6 «Pʋcɔ nɛ helifɛtaɣ paɣzɩ mabʋ, pʋcɔ nɛ kuzotiŋ ɖɛɛ lɛ,
mankaɣ ɖɛʋ nɛ mankpa miiri pʋʋ yɔɔ
nɛ tɩlaaɖɩ kʋhʋlʋmʋʋ piyaɣ yɔɔ.»+
7 «Man-kʋsɔɔlʋ, ŋɖe ña-tɩŋa pilim,+
ɛjandʋ natʋyʋ fɛyɩ ñɔ-yɔɔ.
8 Mɛn-tɛŋga, yele nɛ ɖɩkʋyɩ Libaŋ nɛ ɖɩɖɛɛ,
ɖɩkʋyɩ Libaŋ nɛ ɖɩɖɛɛ.+
Kʋyɩnɩ Amanaa* pʋʋ ñʋʋ taa nɛ ŋtii,
kʋyɩnɩ Seniiri pʋʋ ñʋʋ taa nɛ ŋtii, Hɛrɩmɔɔnɩ+ pʋʋ ñʋʋ taa,
kʋyɩnɩ mʋʋzɩŋ ɖɩzʋyɛ taa nɛ ŋtii, tiini kpoŋ pʋŋ taa.
9 Man-kʋsɔɔlʋ, mɛn-tɛŋga, ŋsʋ ma-laŋɩyɛ,+
ŋñɩtaa nɛ ŋyaɣ-m ɛsɩyɛ lɛ, ŋsʋʋ ma-laŋɩyɛ,
mbʋ pisusi ña-lɩyʋʋ yɔɔ yɔ, pɩ-taa kʋɖʋm koŋ yeba nɛ ŋsʋʋ ma-laŋɩyɛ.
10 Man-kʋsɔɔlʋ, mɛn-tɛŋga, ŋwɩlɩɣ sɔɔlɩm wɩlʋʋ mbʋ yɔ pɩwɛ ɖeu kpem!+
Ŋwɩlɩɣ sɔɔlɩm wɩlʋʋ mbʋ yɔ, pɩwɛ ɖeu kpem nɛ pɩkpaɖɩ vɛɛ;+
ña-tɩlaaɖɩ lɩɣ sɔzɩŋ nɛ pɩkpaɖɩ sɔzɩŋ wondu tɩŋa payɩ!+
11 Mɛn-tɛŋga, ño-ndomee luluu tʋŋ num.+
Tʋŋ num nɛ naalɩm wɛ ña-nzʋlʋmɩyɛ tɛɛ,+
nɛ ño-wondu kususutu sɔzɩŋ wɛ ɛzɩ Libaŋ sɔzɩŋ yɔ.
12 Mɛn-tɛŋga nɛ man-kʋsɔɔlʋ wɛ ɛzɩ kaɖaɣ ŋga pakaɖɩ kɔ-nɔnɔɔ yɔ,
ɛɛɛ, kaɖaɣ ŋga pakaɖɩ kɔ-nɔnɔɔ yɔ, hiɖe nɖɩ paɖɩɣ ɖɩ-yɔɔ kpɩɖɩ kpɩɖɩ yɔ.
13 Mbʋ pɩñɔʋ ña-kaɖaɣ taa yɔ pɩkɛ* paradisuu* ŋgʋ kɩ-taa wɛ girenaadɩ tɩŋ pee,
nɛ tɩŋ pee wena akɩlɩ ɖeu, nɛ sɔzɩŋ tɩŋ,* nɛ naarɩ* cɔka yɔ,
14 naarɩ+ nɛ hɛɖʋʋ ŋgʋ payaɣ se safɩraŋ yɔ, sɔzɩŋ kañɩŋgbayaɣ+ nɛ kanɛɛlɩ,+
pɩkpɛndɩnɩ tɩlaaɖɩ kʋhʋlʋmʋʋ tɩŋ ndɩ ndɩ, miiri, nɛ alowɛɛsɩ,+
pɩtasɩnɩ tɩlaaɖɩnaa mba payɩ pakɩlɩ ɖeu yɔ.+
15 Ŋkɛ kaɖaɣ taa hiɖe, lɔkɔ ŋgʋ kɩ-taa nɛ lɩm kɩbam yɔ,
nɛ lemisi nzɩ sɩlɩɣnɩ Libaŋ nɛ sikpeŋ yɔ.+
16 Oo hayo kiŋ helim, fe!
Oo hadɛ kiŋ helim, kɔɔ nɛ ŋsʋʋ!
Fɛtɩ man-kaɖaɣ yɔɔ hɛɛɛ.
Kɔ-sɔzɩŋ ɛñɛyɩ.»
«Man-kʋsɔɔlʋ ɛkɔɔ ɛ-kaɖaɣ taa
nɛ ɛtɔɔ ka-taa tɩŋ pee wena akpaɖɩ ɖeu yɔ.»
5 «Oo man-kʋsɔɔlʋ, mɛn-tɛŋga,
mansʋ man-kaɖaɣ taa.+
Manca me-miiri nɛ mɔn-sɔzɩŋ ñɩtʋ.+
Mɔntɔɔ man-tʋŋ sɛŋɛlɛtʋ nɛ menezi man-tʋŋ num;
mɔñɔ mɛn-vɛɛ nɛ ma-naalɩm.»+
«Man-taabalaa kʋsɔɔlaa, ɩtɔɔ!
Ɩñɔɔ sɔɔlɩm nɛ pɩkʋ-mɩ!»+
2 «Menɖiɣni ɖou, ɛlɛ ma-laŋɩyɛ nɛ ɖɩ-ɛsa.+
Manɩɣ man-kʋsɔɔlʋ ɖiɣni nɔnɔɔ kɔtʋʋ!
“Tʋlɩ-m nɔnɔɔ, Oo mɛn-tɛŋga, man-kʋsɔɔlʋ,
me-ehooye nɖɩ ɖɩfɛyɩnɩ ɛjandʋ natʋyʋ yɔ!
Mbʋ pʋyɔɔ yɔ ɖoluu niɣdi ma-ñʋʋ,
ɖoo taa hulumiye niɣdi mɔ-ñɔsɩ.”+
3 “Mɔhɔzɩ mon-toko kɩɖaɣlʋʋ.
Ɛzɩ pɩwɛɛ se manɖaɣnɩ-kʋ suu na?
Mɔnkɔ ma-nɩŋgbanzɩ lɩm.
Ɛzɩ pɩwɛɛ se mantasɩ-sɩ pisuu na?”
4 Man-kʋsɔɔlʋ lɩzɩ e-nesi pɔɔyʋʋ pɔʋ taa,
nɛ piseɣti sɔɔlɩm mbʋ mɛwɛnɩ ɛ-yɔɔ yɔ.
5 Mankʋyaa se mantʋlɩ pɔɔyʋʋ man-kʋsɔɔlʋ;
miiri lulaɣni me-nesi,
miiri num lulaɣni me-niwee
nɛ pitiki taŋayɩ weyi pɔɖɔkʋʋ nɛ patʋlʋʋ nɔnɔɔ yɔ ɛ-yɔɔ.
6 Mantʋlɩ nɔnɔɔ man-kʋsɔɔlʋ,
ɛlɛ man-kʋsɔɔlʋ pɩsaa, ɛɖɛwa.
Pitibi-m yɔɔɔ* alɩwaatʋ ndʋ man-kʋsɔɔlʋ pɩsaa nɛ ɛɖɛɛ yɔ.*
Mañɩnɩ-ɩ, ɛlɛ mantɩna-ɩ.+
Maya-ɩ, ɛlɛ eticosi-m.
7 Feŋiyaa mba pɔcɔwaɣ tɛtʋ taa yɔ pakatɩ-m.
Pamabɩ-m, paɖʋ-m heŋ.
Koloŋa yɔɔ feŋiyaa kuli mɛn-kɛdɛɛka mɔ-yɔɔ.
8 Oo Yeruzalɛm pɛlaa, iɖuu se
ye ɩna man-kʋsɔɔlʋ yɔ,
iheyiɣ-i se sɔɔlɩm kʋdɔŋ kpa-m.»
9 «Ña weyi ŋkpaɖɩ keɖeɣa halaa taa yɔ,
ɛbɛ kpem ña-kʋsɔɔlʋ kɩlɩnɩ abalaa lalaa?
Ɛbɛ kpem ña-kʋsɔɔlʋ kɩlɩnɩ abalaa lalaa
nɛ ŋpɔzʋʋ-ɖʋ se ɖiɖuu ɖuutu ndʋ?»
10 «Man-kʋsɔɔlʋ ñɩlɩsɩɣ nɛ ɛkɛ ɛyʋ kɩsɛm;
paa ɛwɛ ɛyaa 10 000 hɛkʋ taa kɔyɔ, ɛyʋ tɩlɩɣ-ɩ.
11 Ɛ-ñʋʋ kɛ sika, ɛɛɛ, sika ŋga kakɩlɩ ɖeu yɔ.
Ɛ-ñɔsɩ wɛ ɛzɩ paadɛtʋ ndʋ helim ciɣdiɣ-tʋ yɔ,*
sɩkɛ kɩkpɛɛdɩsɩ ɛzɩ kaŋgaɖɩyɛ yɔ.
12 Ɛ-ɛsa wɛ ɛzɩ ahoo wena awɛ lemisi cɔlɔ yɔ,
wena asɔʋ naalɩm yɔ,
wena atiba nɛ acaɣ lɩŋgamʋʋ ŋgʋ kɩ-taa lɩm suwa yɔ kɩ-cɔlɔ yɔ.*
13 Ɛ-lɩkpaɣzasɩ wɛ ɛzɩ kaɖaɣ ŋga ka-taa pɔsɔ sɔzɩŋ ñɩtʋ yɔ,+
sɩwɛ ɛzɩ piyisi nzɩ sɩ-yɔɔ nɛ sɔzɩŋ ñɩtʋ yɔ.
E-ndomee kɛ hɛtʋ,* aluluu miiri num.+
14 E-niwee kɛ sika, pacanɩ-yɛ nɛ krizooliitɩ pɛɛ.
E-lotu kɛ tukeɖe nɖɩ ɖɩwɛ lozo lozo nɛ pacanɩ-ɖɩ nɛ saafiirɩ pɛɛ yɔ.
15 Ɛ-nɩŋgbanzɩ kɛ maarɩbɩɖɩ tilima, patɩnɩ-yɛ ɖɩdɩnɩyɛ nɖɩ palabɩnɩ sika ŋga kakpaɖɩ ɖeu yɔ ɖɩ-yɔɔ.
Ɛwɛ ɛzɩ Libaŋ yɔ; ɛzɩ sɛɛdrɩ tɩʋ+ ɖɔɖɔ yɔ ɛfɛyɩnɩ ɖaɣʋ.
16 Ɛ-nɔɔ kɛ leleŋ maɣmaɣ,
nɛ pɩtɩŋa pɩwɛ ɖeu ɛ-yɔɔ.+
Oo Yeruzalɛm pɛlaa, mbʋ mɛn-tɛŋga wɛɛ, mbʋ man-kʋsɔɔlʋ wɛɛ.»
6 «Oo ña weyi ŋkpaɖɩ keɖeɣa halaa taa yɔ,
le ña-kʋsɔɔlʋ woba?
Le ña-kʋsɔɔlʋ ɖɛnaa?
Yele nɛ ɖɩsɩnɩ-ŋ ɛ-ñɩnʋʋ.»
2 «Man-kʋsɔɔlʋ tibi ɛ-kaɖaɣ taa,
etibi sɔzɩŋ ñɩtʋ kaɖaɣ taa,
se eɖiyi kpɩna kaɖasɩ taa
3 Man-kʋsɔɔlʋ tɩnɩ-m,
nɛ matɩnɩ man-kʋsɔɔlʋ.+
Eɖiɣni ɖiyuu kpɩna hɛtʋ hɛkʋ taa.»*+
4 «Man-kʋsɔɔlʋ,+ ŋɖewa ɛzɩ Tiriza+ yɔ,*
ŋtʋʋzaa ɛzɩ Yeruzalɛm yɔ,+
ŋwɛ piti ɛzɩ sɔɔjanaa mba pɔcɔ pa-yʋsasɩ kɛdɛɛkasɩ nɛ pata yɔ.+
5 Ðɛnɩ ñɛ-ɛsa+ mɔ-yɔɔ,
mbʋ pʋyɔɔ yɔ asidiɣ ma-lɩmaɣza.
Ñɔ-ñɔsɩ wɛ ɛzɩ pʋŋ ewiɖe
nɖɩ ɖitiki Galaadɩ kajalanzɩ yɔ.+
6 Ñe-kela wɛ ɛzɩ heŋ ewiɖe
nɖɩ ɖɩlɩnɩ lɩm ɖɩzɔyɛ nɛ ɖɩkpaɣ yɔ,
ɖɩ-taa paa heu weyi lʋlɩ ɖomaa,
nɛ heu nɔɔyʋ tilesi e-heɣa.
7 Ña-lɩkpaɣzasɩ* wɛ ɛzɩ
girenaadɩ tɩʋ piye hɔɔlasɩ yɔ ñɛ-kɛdɛɛka tɛɛ.
8 Paa abila ɩtalɩ 60
nɛ ɖaŋnaa* talɩ 80
nɛ pɛlaa fɛyɩ kalʋʋ yɔ,+
9 ɛyʋ kʋɖʋm ɖeke kɛnɩ me-ehooye+ nɖɩ ɖɩfɛyɩnɩ ɛjandʋ natʋyʋ yɔ.
Ɛkɛ e-ɖoo pɛlɛ ɛgbamɩyɛ.
Ɛnʋ e-ɖoo kɩlɩ sɔɔlʋʋ.
Pɛlaa naɣ-ɩ nɛ payaɣ-ɩ se koboyaɣ tʋ;
abila nɛ ɖaŋnaa* naɣ-ɩ nɛ pasaŋɩ-ɩ.
10 “Pɛlɛ weyi ñɩlɩsɩɣ* ɛzɩ tɛbɩyɛ mbʋ yɔ?
Eɖewa ɛzɩ fenaɣ ñalɩmɩyɛ yɔ,
ɛwɛ kele kele ɛzɩ wɩsɩ ñalɩmɩyɛ yɔ,
ɛwɛ piti ɛzɩ sɔɔjanaa mba pɔcɔ pa-yʋsasɩ kɛdɛɛkasɩ nɛ pata yɔ.”»+
11 «Mentibi paŋ kaɖaɣ taa+
se mana tɩŋ weyi ɩhɔ fɛɛʋ* taa yɔ,
se mana se viiñi tɩŋ hɔwa yaa we,
se mana se girenaadɩ tɩŋ kpaɣ hɛtʋ na.
13 «Pɩsɩ nɛ ŋkɔɔ, pɩsɩ nɛ ŋkɔɔ, Oo Sulam pɛlɛ!
Pɩsɩ nɛ ŋkɔɔ, pɩsɩ nɛ ŋkɔɔ
nɛ ɖɩcɔnɩ-ŋ!»
«Ɛbɛ yɔɔ ɩcɔŋnɩ Sulam pɛlɛ mbʋ?»+
«Ɛwɛ ɛzɩ ɛyaa tindima 2 payɛ yɔ!»*
7 «Oo ña pɛlɛ weyi ɛ-yɔɔ wɛ ñamtʋ yɔ,
ña-nɩŋgbanzɩ ɖe ña-naataŋgbala taa mbʋ suwe!
Ña-tala wɛ ɛzɩ ajana wondu ndʋ tɩwɛ kotaa kotaa
nɛ tɩkɛ tʋmlaɖʋ weyi ɛwɛ niye yɔ e-nesi tɛɛ tʋmɩyɛ yɔ.
2 Ño-cuuɖe kɛ ñanaɣ ŋga kɛwɛ kulam yɔ.
Vɛɛ ŋgʋ pesidi-kʋ yɔ, kɩtaatɛɖɩ ka-taa kpa.
3 Ña-hɩla ana a-naalɛ awɛ ɛzɩ nɛnzɛm piya naalɛ yɔ,
nzɩ sɩkɛ ɖomaa yɔ.+
4 Ño-pondone+ wɛ ɛzɩ tukeɖe tilimiye yɔ.+
Ñɔ-mɔɔʋ wɛ ɛzɩ Libaŋ tilimiye
nɖɩ ɖɩha ɛsa nɛ Damaasɩ yɔ.
Ñɔ-ñɔsɩ nzɩ sitibi yɔlɩ yɔlɩ yɔ, sɩ-tɔm kɛdɩnɩ wiyaʋ siŋŋ.*
6 Oo pɛlɛ kʋsɔɔlʋ, ŋtʋʋzɩ mbʋ suwe!
Ŋwɛ ɖeu kpem, ŋcɛzɩ mbʋ payɩ pɩhaɣ ɛyʋ taa leleŋ yɔ.
8 Mɔntɔm se: “Mankaɣ kpaʋ paʋ yɔɔ
nɛ mɔnɖɔkɩ ki-tikiŋ weyi ɩ-yɔɔ nɛ pee yɔ.”
Ña-hɩla ɩwɛɛ ɛzɩ viiñi pee tikiŋ yɔ,
ñe-fezuu ɛlɩɩ sɔzɩŋ ɛzɩ pɔɔm tɩʋ piye yɔ,
9 nɛ ñɔ-nɔɔ ɛwɛɛ ɛzɩ vɛɛ ŋgʋ kɩkɩlɩ ɖeu yɔ.»
«Kitii man-kʋsɔɔlʋ liu tɛɛ hɛɛɛ,
nɛ kikpe mba peɖiɣni ɖou yɔ po-ndomee yɔɔ hɛɛɛ.
10 Man-kʋsɔɔlʋ tɩnɩ-m,+
nɛ ma e-liu wɛɛ.
12 Yele nɛ ɖɩkʋyɩ lɔŋ nɛ ɖiwolo viiñi hayɩm taa
nɛ ɖɩna se viiñi tɩŋ hɔwa yaa we,
nɛ ɖɩna se hɛtʋ yawa yaa we,+
nɛ ɖɩna se girenaadɩ tɩŋ kpaɣ hɛtʋ yaa we.+
Peeɖe mankaɣ-ŋ wɩlʋʋ mɔn-sɔɔlɩm.+
Oo man-kʋsɔɔlʋ, ña mɔñɔɔzɩ-yɛ nɛ mansɩɩ,
tɩŋ pee kɩfana nɛ kɩbɩna.
8 «Ye pɩɩlaba se ŋwɛ ɛzɩ man-ɖalʋ yɔ,
weyi ɛmʋzɩ mon-ɖoo hɩla yɔ!
Ðɩnɛ ɛlɛ maamʋzɩ ñɔ-nɔɔ alɩwaatʋ ndʋ mankatɩɣ-ŋ awayɩ yɔ,+
nɛ nɔɔyʋ eeniŋi-m.
Maaha-ŋ vɛɛ sɔzɩŋ ñɩŋgʋ nɛ ŋñɔɔ,
maaha-ŋ girenaadɩ tɩŋ pee lɩm kɩbam nɛ ŋñɔɔ.
3 Ðɩnɛ ɛlɛ ɛɛsaɣyɩ ma-ñʋʋ taa nɛ ɛ-nɩmɩyɛ,
nɛ eekpibi-m nɛ e-nesi kɩbanzɩ.+
4 Oo Yeruzalɛm pɛlaa, iɖuu se
ɩɩkaɣ fezuu man-taa sɔɔlɩm yaa ɩɩkaɣ-pʋ kʋsʋʋ pɩkɔɔ nɛ pɩsɩɩnɩ alɩwaatʋ ndʋ pɩmaɣ-pʋ yɔ.»+
5 «Pɛlɛ weyi lɩnɩ kañɩmbusuu taa nɛ ɛkpaɣ mbʋ yɔ,
nɛ ɛtɩlɩsɩnɩ ɛ-kʋsɔɔlʋ?»
«Pɔɔm tɩʋ tɛɛ menfezi-ŋ.
Peeɖe ño-ɖoo nɩ ña-lʋlʋʋ wɩzasɩ.
Peeɖe weyi ɛlʋlɩ-ŋ yɔ, ɛnɩ lʋlʋʋ wɩzasɩ.
6 Sɩ-m ña-laŋɩyɛ yɔɔ ɛzɩ niye ñɩɣʋ kokooye yɔ,
sɩ-m ñe-nesi yɔɔ ɛzɩ niye ñɩɣʋ kokooye yɔ,
mbʋ pʋyɔɔ yɔ sɔɔlɩm wɛ ɖoŋ ɛzɩ sɩm yɔ,+
nɛ ɛyʋ ñɔnʋʋ cɩŋ cɩŋ wɛ ɖoŋ ɛzɩ Pɩlaʋ* yɔ.
Pi-miŋ nzʋlʋma kɛ miŋ weyi ɛmʋʋ pelu pelu yɔ, Yah* miŋ nzʋlʋmɩyɛ.+
Nɛ paa ɛyʋ ɛkpaɣ ɛ-ɖɩɣa taa ñɩm tɩŋa payɩ nɛ ɛcɛlɩ sɔɔlɩm yɔɔ yɔ,
pakaɣ-pʋ* nim siŋŋ.»
8 «Ðɩwɛnɩ neu halɩñɩnʋ nɔɔyʋ,+
ɛtɩñɔtɩ hɩla.
Ɛbɛ ɖɩkaɣ-ɩ labʋ
kɩyakʋ ŋgʋ pakaɣ ɛ-yɔɔ pɔzʋʋ yɔ?»
9 «Ye ɛkɛ koloŋa yɔ,
ɖɩkaɣ maʋ ɛ-yɔɔ liidiye tilimiye,*
ɛlɛ ye ɛkɛ pɔɔyʋʋ yɔ,
ɖɩkaɣ-ɩ ɖɩɣʋ nɛ sɛɛdrɩ kpoŋgbolo.»
10 «Mɛnkɛ koloŋa,
nɛ ma-hɩla wɛ ɛzɩ tilima yɔ.
Pʋyɔɔ ɛ-ɛsɩndaa lɛ,
manpɩsɩ weyi ehiɣ laŋhɛzɩyɛ yɔ.
11 Salomɔɔ kaawɛnɩ viiñi hayɩm+ nabʋyʋ Baalɩ-Hamɔɔnɩ.
Ɛɖʋzɩ-pʋ nabɛyɛ nesi tɛɛ se pɔcɔnɩ pɩ-yɔɔ.
Pa-taa paa weyi kɔŋnaɣ liidiye pɔɔyɩsɩ 1 000 viiñi pee yɔɔ.
12 Ɛlɛ ma-maɣmaɣ mɛwɛnɩ viiñi hayɩm, men-ɖeke mantɩnɩ-pʋ.
Oo Salomɔɔ, ñe-liidiye pɔɔyɩsɩ 1 000* ɩcaɣ ñɔ-cɔlɔ,
nɛ 200 ɩcaɣ mba pɔcɔŋnɩ viiñi pee yɔɔ yɔ pɔ-cɔlɔ.»
13 «Oo ña weyi ŋcakɩ kaɖasɩ taa yɔ,+
taabalaa ñɩnɩɣ se panɩɩ ñɔ-nɔɔ.
Yele nɛ manɩɩ-kɛ.»+
Yaa «Hendu ndʋ tɩkpaɖaa yɔ.»
Piye piye, «Hɔmɩ-m.»
Yaa «Ðɩkɛdɩ ñɔ-sɔɔlɩm wɩlʋʋ tɔm.»
Pɛlaa tɔm pɔyɔɔdʋʋ.
Yaa «mɔn-tɔnʋʋ tɩsɛɛ kpaŋ kpaŋ.»
Yaa «man-kalɩzaɣ sɔɔlɩ.»
Yaa «kʋñɔwiye kɛdɛɛka.»
Yaa «ñe-mbesi.»
Yaa «man-kpaŋnʋ.»
Pɩpɩzɩɣ pɩkɛ, «Ña-lɩkpaɣzasɩ ɖe ñɔsɩ nzɩ palʋwa yɔ sɩ-hɛkʋ taa.»
Piye piye, «enee tɩʋ.» Cɔnɩ Tɔm pee sɔsɔna tɔbʋʋ lɩzʋʋ.
Yaa «ŋtʋʋzaa.»
Yaa «Ða-ɖɩɣa sɔsɔɔ.»
Piye piye, «Mɛnkɛ safɩraŋ.»
Yaa «hɛɖʋʋ ŋgʋ payaɣ se lii yɔ.»
Piye piye, «vɛɛ ɖɩɣa taa.»
Cɩyʋʋ kɛ kpɩnɛ nɖɩ ɖɩwɛnɩ hɩŋ ñɔɔɔ yɔ.
Yaa «nikaɣ.»
Yaa «hɛtʋ ndʋ payaɣ se liinaa yɔ tɩ-hɛkʋ taa.»
Pɩpɩzɩɣ pɩkɛ, «pʋŋ kajalanzɩ.» Yaa «Betɛɛrɩ pʋŋ.»
Yaa «weyi man-kalɩzaɣ sɔɔlɩ-ɩ yɔ.»
Yaa «weyi man-kalɩzaɣ sɔɔlɩ-ɩ yɔ.»
Yaa «weyi man-kalɩzaɣ sɔɔlɩ-ɩ yɔ.»
Yaa «weyi man-kalɩzaɣ sɔɔlɩ-ɩ yɔ.»
Pɩkɛnɩ kaɖʋ ŋgʋ pohuuzi kɩ-ñʋʋ taa nɛ pakpakɩɣ sɔsaa kɩ-taa yɔ.
Yaa «Ɛpam hulaɣ ŋga palʋ-kɛ nɛ hɛtʋ yɔ.»
Yaa «Ña-nakpaaŋ.»
Yaa «hɛtʋ ndʋ payaɣ se liinaa yɔ.»
Yaa «Anti-Libaŋ.»
Pɩpɩzɩɣ pɩkɛ, «Ñɔ-tɔnʋʋ kɛ.»
Yaa «kaɖaɣ.»
Piye piye, «enee tɩŋ.» Cɔnɩ Tɔm pee sɔsɔna tɔbʋʋ lɩzʋʋ.
Naarɩ kɛ cɔkɔyɛ nɖɩ ɖɩlɩɣ sɔzɩŋ camɩyɛ yɔ.
Yaa «Man-kalɩzaɣ lɩ.»
Pɩpɩzɩɣ pɩkɛ, «Man-kalɩzaɣ yebi-m alɩwaatʋ ndʋ ɛyɔɔdaa yɔ.»
Pɩpɩzɩɣ pɩkɛ, «ɛzɩ daatɩ tikiŋ yɔ.»
Pɩpɩzɩɣ pɩkɛ, «acaɣ hiɖe nɔɔ yɔ.»
Yaa «hɛtʋ ndʋ payaɣ se lii yɔ.»
Yaa «hɛtʋ ndʋ payaɣ se lii yɔ.»
Yaa «hɛtʋ ndʋ payaɣ se liinaa yɔ tɩ-hɛkʋ taa.»
Yaa «ɛzɩ tɛtʋ ndʋ tɩwɛ cɔnʋʋ yɔ.»
Yaa «Ña-nakpaaŋ.»
Piye piye, «weyi cɔŋnɩnɩ hadɛ.»
Yaa «lemeɣa.»
Yaa «Man-kalɩzaɣ.»
Yaa «mba pahaɣ pa-tɩ faaa yɔ.»
Yaa «ɛzɩ Mahanayim payɛ yɔ.»
Blee kɛ tɔɔnaɣ pee naayɛ.
Yaa «hɛtʋ ndʋ payaɣ se liinaa yɔ tɩcɔ-ɖɩ.»
Piye piye, «ña-ñʋʋ taa ñɔsɩ.»
Yaa «sɩkpa wiyaʋ yomiye.»
Yaa «kijimiŋ.»
Piye piye, «enee tɩŋ.» Cɔnɩ Tɔm pee sɔsɔna tɔbʋʋ lɩzʋʋ.
Mandɩragɔɔrɩ kɛ ñɩyʋʋ ŋgʋ kɩsʋʋ awiihɛyɛ tɩyɛ nɛ kɩlʋlʋʋ ɖɔɖɔ yɔ.
Yaa «Sewɔɔlɩ,» pʋ-tɔbʋʋ se ɛyaa tɩŋa pɩlaʋ. Cɔnɩ Tɔm pee sɔsɔna tɔbʋʋ lɩzʋʋ.
Hɩɖɛ «Yehowa» potobiyaa nɛ pɩkɛ «Yah.»
Pɩpɩzɩɣ pɩkɛ, «Pakaɣ-ɩ.»
Yaa «liidiye koloŋa kpɛɛɛ.»
Piye piye, «Oo Salomɔɔ, 1 000.»