YOWƐƐLƖ
1 Tɔm tʋnɛ Yehowa heyi Petuwɛɛlɩ pɩyalʋ Yowɛɛlɩ:*
2 «Ɛzʋtʋyaa mɩ, iwelisi tɔm tʋnɛ,
Nɛ ɛjaɖɛ taa* mba tɩŋa mɩ, ɩkʋ nɩŋgbaŋʋʋ camɩyɛ.
Ɛzɩ nabʋyʋ tɛm labʋ ɛzʋnɔ mɩ-alɩwaatʋ taa
Yaa mɩ-cɔzɔnaa alɩwaatʋ taa?+
3 Ɩkɛdɩ pɩ-tɔm mɩ-pɩyalaa,
Nɛ mɩ-pɩyalaa kɛdɩ pɩ-tɔm pa-pɩyalaa,
Nɛ pa-pɩyalaa kɛdɩ-tʋ kpaɖʋʋ ŋgʋ kɩkɔŋ pʋwayɩ yɔ.
4 Mbʋ nakaŋ tɔwaa nɛ pɩkazɩ yɔ, kudoloŋ tɔɔ-pʋ;+
Nɛ mbʋ kudoloŋ yeba yɔ, nakaŋ weyi ɩfɛyɩ keŋ yɔ ɩtɔɔ-pʋ;
Nɛ mbʋ nakaŋ weyi ɩfɛyɩ keŋ yɔ iyeba yɔ, nakaŋ weyi ɩɩhakɩ yɔ, ɩtɔɔ-pʋ.+
5 Sʋlʋm kpaŋɩyaa+ mɩ, ife nɛ iwii!
Vɛɛ ñɔyaa tɩŋa mɩ, ipeendi,
Mbʋ pʋyɔɔ yɔ pamʋ vɛɛ leleŋ ñɩŋgʋ mɩ-nɔsɩ taa.+
6 Mbʋ pʋyɔɔ yɔ samaɣ nakɛyɛ kpa mɛ-ɛjaɖɛ wayɩ, kɛwɛ ɖoŋ nɛ kɛfɛyɩ kalʋʋ.+
Ke-kela kɛ mʋʋzʋʋ kela,+ nɛ ka-tamaɣ mɔɔ kɛ mʋʋzʋʋ tamaɣ mɔɔ.
7 Kɛwɛɛkɩ men-viiñi tɩŋ nɛ kala nɛ pɩkazɩ men-fiigi tɩʋ kiɖe ɖeke,
Kakayɩ ɩ-pɔɔyɛɛ tɩŋa nɛ kɛkɛzɩ-ɩ nɛ kɔlɔ,
Nɛ piyele nɛ i-pilinzi hʋlʋmɩ.
9 Peyebi labʋ tɔɔnaɣ pee kɩlaʋ+ nɛ kilizaɣ+ Yehowa ɖɩɣa taa;
Cɔjɔnaa mba pɛkɛ Yehowa tʋmlaɖaa yɔ, pɛwɛ kʋñɔwiye taa.
11 Haɖaa nɩɣzɩɣ, viiñi hayɩm tɩnaa wiɣ
Blee nɛ orjɩ* pɔ-yɔɔ;
Mbʋ pʋyɔɔ yɔ hayɩm taa tɔɔnaɣ kʋkʋmaɣ wɛɛkaa.
12 Viiñi tɩŋ wɩlaa,
Fiigi tɩʋ lowa.
Mɛ-Ɛsɔ tʋmlaɖaa mɩ, ɩsʋʋ nɛ isuu fɔlɔtɔ nɛ ɩhɩnɩnɩ-kʋ ɖoo taa;
Mbʋ pʋyɔɔ yɔ peyebi wonuu tɔɔnaɣ pee kɩlaʋ+ nɛ kilizaɣ+ mɩ-Ɛsɔ ɖɩɣa taa.
14 Isusi nɔɔ hɔkʋʋ; ɩyaa ɛyaa ŋgee kigbeɣluu.+
Ikpeɣli ɛzʋtʋyaa, nɛ ɛjaɖɛ taa mba kpeekpe
Mɩ-Ɛsɔ Yehowa ɖɩɣa taa,+ nɛ ɩma kubuka nɛ Yehowa cɔlɔ nɛ ɩpɔzɩ sɩnʋʋ.
15 Asɛyʋʋ kɩyakʋ pɩkaɣ kɛnʋʋ!
Mbʋ pʋyɔɔ yɔ Yehowa kɩyakʋ ñɔtaa,+
Nɛ kɩkaɣ kɔm ɛzɩ ɖɩzʋʋ mbʋ pɩlɩnɩ Ðoŋ Tɩŋa Tʋ cɔlɔ yɔ!
16 Pɩtɩkɛ ɖɛ-ɛsɩndaa pakpaɣ tɔɔnaɣ nɛ pɛɖɛna?
Nɛ amɛya nɛ taa leleŋ patɩsɩɩ tɩnaɣ ɖɛ-Ɛsɔ ɖɩɣa taa?
17 Ðomaɣ* ɖazɩ pa-hakiŋ tɛɛ.
Kpoŋ wɛ ndaakpasɩ.
Pɛkpɛzɩ laŋasɩ, mbʋ pʋyɔɔ yɔ tɔɔnaɣ pee ñaɣaa.
18 Halɩ kpɩna maɣmaɣ wɛ mɔla yɔɔ!
Pisidi naŋ nɛ iyotuu yem, mbʋ pʋyɔɔ yɔ ɩfɛyɩnɩ ñɩtʋ ɖɩdɔɔyɛ!
Nɛ heŋ lakɩ kʋñɔŋ.
19 Hayɩ Yehowa, ña mankaɣ yaʋ;+
Mbʋ pʋyɔɔ yɔ miŋ ñaɣ ñɩtʋ ɖɩdɔɔyɛ lakʋ taa,
Nɛ miŋ nzʋlʋmɩyɛ ñaɣ tɩŋ tɩŋa hayɩm taa.
20 Halɩ tɛyɛ kpɩna maɣmaɣ tekiɣ-ŋ nɛ ɛsa,
Mbʋ pʋyɔɔ yɔ lemisi sɔwa
Nɛ miŋ ñaɣ lakʋ taa ñɩtʋ ɖɩdɔɔyɛ.»
2 «Ɩyaa nɔndɔʋ Siyɔŋ taa!+
Ɩma you kubuka man-pʋʋ kiɖeɖeu yɔɔ.
2 Pɩkɛ cɩkpɛndʋʋ kɩyakʋ nɛ kɩyakʋ ŋgʋ pɩkaɣ yuu kpimm yɔ,+
Pɩkɛ mɩndʋ nɛ cɩkpɛndʋʋ sɔsɔʋ kpimm kɩyakʋ,+
Ɛzɩ tɛbɩyɛ tɛɛ ñalɩmɩyɛ kpaʋ pʋŋ yɔɔ yɔ.
Samaɣ nakɛyɛ wɛɛ, kɔɖɔwa nɛ kɛwɛɛ ɖoŋ;+
Samaɣ nakɛyɛ taawɛɛ mbʋ wiɖiyi kpa,
Nɛ nakɛyɛ ɛɛkaɣ wɛʋ mbʋ wiɖiyi kaaʋ
Kpaɖɩŋ weyi payɩ ɩwɛnɩ ɛsɩndaa yɔ ɩ-taa.
3 Mbʋ pɩwɛnɩ kɛ-ɛsɩndaa yɔ, pɩtɩŋa pɩmʋʋ miŋ,
Nɛ mbʋ pɩwɛnɩ ka-wayɩ yɔ, miŋ nzʋlʋmɩyɛ ñakɩ pɩtɩŋa.+
Ɛjaɖɛ nɖɩ ɖɩwɛnɩ kɛ-ɛsɩndaa yɔ, ɖɩwɛ ɛzɩ Edɛɛnɩ kaɖaɣ+ yɔ,
Ɛlɛ ka-wayɩ lɛ, njɛyɛ nɛ kañɩmbusuu wɛna,
Nɛ nabʋyʋ ɛɛpɩzɩɣ nɛ pɩtʋlɩ.
4 Kɛ-wɛtʋ wɛ ɛzɩ kpaŋnaŋ wɛtʋ yɔ,
Nɛ keseɣ ɛzɩ you kpaŋnaŋ+ yɔ.
5 Kamaɣ pʋŋ ñʋŋ taa nɛ panɩɣ ka-taŋ ɛzɩ you kɛɛkɛɛnaa yɔ,+
Panɩɣ ka-taŋ ɛzɩ miŋ sɔsɔŋ ñakʋʋ ñɩtʋ kɩwɩtʋ nɛ tɩhɔʋ yɔ.
Kɛwɛ ɛzɩ samaɣ ɖoŋ ñɩŋga ŋga ka-taa ɛyaa ñɔɔzɩ pa-tɩ nɛ pasɩŋ po-lona taa se pala you yɔ.+
6 Kɔ-yɔɔ lɛ, ɛyaa kaɣ seluu.
Sɔɔndʋ kaɣ wɛʋ ɛyaa tɩŋa ɛsɩndaa.
7 Kowoki koyindu wayɩ ɛzɩ you laɖaa yɔ,
Kakpaɣ koloŋa ɛzɩ sɔɔjanaa yɔ,
Paa weyi lɛ, ɛ-ɛsa wɛ ɛ-nʋmɔʋ taa,
Nɛ paalɩɣ pa-nʋmɔŋ taa.
Ye tɔʋ ñɩma* ɩmʋ nabɛyɛ nɛ pɔtɔlɩ yɔ,
Lalaa iikitiɣni pa-wayɩ.
9 Pasʋʋ tɛtʋ taa lɛɛ lɛɛ, peseɣ koloŋa yɔɔ.
Pakpaɣ ɖɩsɩ yɔɔ, pasʋʋnɩ mondoɖebɔŋ ɛzɩ mɩlʋ yɔ.
10 Ɛjaɖɛ seliɣ nɛ ɛsɔdaa ñamsɩɣ pɛ-ɛsɩndaa.
Wɩsɩ nɛ fenaɣ poyu cɩkpɛndʋʋ,+
Nɛ tɩɩnzɩ lesi sɩ-ñalɩmɩyɛ.
11 Yehowa kaɣ yebu nɛ ɛ-nɔɔ tili e-you laɖaa+ ɛsɩndaa, mbʋ pʋyɔɔ yɔ pɔɖɔ sakɩyɛ.+
Weyi ɛɖɔŋ Ɛsɔ tɔm yɔɔ yɔ, ɛkɛ ɖoŋ tʋ;
Mbʋ pʋyɔɔ yɔ Yehowa kɩyakʋ kɛ sɔsɔʋ nɛ kɩcaɣ sɔɔndʋ.+
Apɩzɩɣ nɛ ɛsɩŋ kɩ-ɛsɩndaa?»+
12 Yehowa yɔɔdʋʋ se: «Ɛlɛ pɩtɩcaɣtɩ wayɩ, ɩpɩsɩ mɔn-cɔlɔ nɛ mɩ-laŋɩyɛ pilim,+
Ɩhɔkɩ nɔɔ+ nɛ iwii nɛ ipeendi.
13 Ɩcɩyɩ mɩ-laŋa,+ pɩtaakɛnɩ mi-tokonaa,+
Nɛ ɩpɩsɩ mɩ-Ɛsɔ Yehowa cɔlɔ,
Mbʋ pʋyɔɔ yɔ ɛnɩɣ ɛyaa wɩzasɩ nɛ ɛnaɣ pʋtɔdɩyɛ, ɛɛkɔʋ pana lɛɛ lɛɛ,+ nɛ ɛ-sɔɔlɩm siɣsiɣ ñɩmbʋ ɖɔ pɩdɩɩfɛyɩ,+
Ðɩnɛ ɛlɛ, ɛkaɣ ɛ-lɩmaɣza lɛɣzʋʋ nɛ ɛɛkɔŋnɩ asɛyʋʋ.*
14 Asɩma? Pɩtɩla ɛkaɣ ɖaɣnʋʋ maɣzʋʋ nɛ ɛlɛɣzɩ ɛ-lɩmaɣza*+
Nɛ ɛkaɣ-mɩ wazʋʋ,
Nɛ ɩlaa tɔɔnaɣ pee kɩlaʋ nɛ ilizi kilizaɣ mɩ-Ɛsɔ Yehowa.
15 Ɩyaa nɔndɔʋ Siyɔŋ taa!
Isusi nɔɔ hɔkʋʋ; ɩyaa ɛyaa se pɔkɔɔ ŋgee kigbeɣluu.+
16 Ikpeɣli ɛyaa; iyele nɛ samaɣ wɛɛ kele kele.+
Ikpeɣli akpadɩyaa;* ikpeɣli piya nɛ hɩla yɔɔ piya.+
Walʋ ɛlɩɩnɩ pɩ-taa kuduyuu tɛɛ, nɛ asɛyʋ lɩɩnɩ e-kuduyuu kʋsʋsʋʋ tɛɛ.
17 Cɔjɔnaa mba pɛkɛ Yehowa tʋmlaɖaa yɔ pewii
Kʋjɔŋ nɛ altaaru+ pɛ-hɛkʋ taa nɛ pɔyɔɔdɩ se:
“Owu Yehowa, na ña-samaɣ pʋtɔdɩyɛ;
Taayele nɛ ña-ñɩm pɩsɩ woŋa pʋyʋ,
Taayele nɛ ajɛɛ tɔɔ kewiyitu pɔ-yɔɔ.
Taayele nɛ ɛyaa yɔɔdɩ se: ‘Le pɛ-Ɛsɔ wɛɛ?’”+
18 Ðɩnɛ ɛlɛ Yehowa kaɣ wɛʋ kpekpeka ɛ-ɛjaɖɛ yɔɔ
Nɛ ɛna ɛ-samaɣ pʋtɔdɩyɛ.+
19 Yehowa kaɣ cosuu ɛ-samaɣ se:
“Mentiyiɣni-mɩ tɔɔnaɣ nɛ vɛɛ kɩfalʋʋ nɛ num,
Nɛ ɩkaɣ tɔɔʋ nɛ ɩhaɣ;+
Maakaɣ tasʋʋ yebu nɛ paɖʋ-mɩ fɛyɛ ajɛɛ hɛkʋ taa.+
20 Mankaɣ ɖɔɔnʋʋ hayo kiŋ tʋ nɛ eposini-mɩ;
Mankaɣ-ɩ mɩzʋʋ kañɩmbusuu ŋgʋ kɩwɩlaa nɛ nɔɔyʋ fɛyɩ kɩ-taa yɔ kɩ-taa,
Ɛkaɣ kɛzʋʋ ɛ-ɛsa nɛ wɩsɩ ɖɩlɩyɛ taa teŋgu* yɔɔ kiŋ
Nɛ ɛkaɣ siɣye haʋ nɛ wɩsɩ ɖɩɖʋyɛ taa teŋgu* yɔɔ kiŋ.
E-tomnaɣ sɔŋ kaɣ kpaʋ,
E-tomnaɣ lɩɣ sɔŋ kɩdɛkɛdɩŋ weyi yɔ, ɩkaɣ wɛʋ nɛ ɩkpaɣ;+
Mbʋ pʋyɔɔ yɔ Ɛsɔ kaɣ labʋ lakasɩ sɔsɔsɩ.”
21 Hayɩ ɛjaɖɛ, sɔɔndʋ ɛtaakpa-ŋ.
Ña-taa ɛla leleŋ nɛ ŋmɛyɩ, mbʋ pʋyɔɔ yɔ Yehowa kaɣ labʋ lakasɩ sɔsɔsɩ.
22 Ñɩtʋ taa kpɩna, sɔɔndʋ ɛtaakpa-mɩ,
Mbʋ pʋyɔɔ yɔ ñɩtʋ kaɣ nɛɣdʋʋ ñɩtʋ ɖɩdɔɔyɛ taa lakʋ taa,+
Nɛ tɩŋ kaɣ pee lʋlʋʋ;+
Fiigi tɩʋ nɛ viiñi tɩʋ pakaɣ pee lʋlʋʋ cɔdɔlɔɔɔ.+
23 Mɩ Siyɔŋ pɩyalaa, mɩ-Ɛsɔ Yehowa yɔɔ lɛ, mɩ-taa ɛla leleŋ nɛ ɩmɛyɩ;+
Mbʋ pʋyɔɔ yɔ ɛkaɣ-mɩ haʋ kajalaɣ tɛŋ* ɛzɩ pɩpɔzʋʋ ɖeyi ɖeyi yɔ,
Nɛ ɛkaɣ tisuu tɛʋ sɔsɔʋ mɩ-yɔɔ,
24 Tɔɔnaɣ pee kɩbana kaɣ suu tɔɔnasɩ ɖɩmaɖɛ yem,
Vɛɛ kɩfalʋʋ kaɣ wadʋʋ tɩŋ pee ɖɩñazɩyɛ nɛ num kaɣ wadʋʋ num ɖɩlaɖɛ.+
25 Nɛ mankaɣ-mɩ hɛyʋʋ
Pɩnzɩ nzɩ sɩ-taa nakaŋ, kudoloŋ nɛ nakaŋ weyi ɩfɛyɩ keŋ yɔ ɩtɔɔ mɩ-tɔɔnaɣ yɔ sɩ-yɔɔ, nzɩ sɩ-taa nakaŋ weyi ɩwɛ hiluu yɔ ɩtɔɔ pɩtɩŋa yɔ,
Mo-yoyaa samaɣ sɔsɔɔ ŋga maatiyi mɩ-hɛkʋ taa yɔ.+
26 Pɩtʋʋ fɛyɩ se ɩkaɣ tɔɔʋ nɛ ɩhaɣ,+
Nɛ ɩkaɣ mɩ-Ɛsɔ Yehowa hɩɖɛ sam,+
Ɛnʋ weyi ɛlabɩ piti lakasɩ mɩ-yɔɔ yɔ;
Paakaɣ tasʋʋ man-samaɣ fɛyɛ ɖʋʋ wiɖiyi kaaʋ.+
27 Nɛ ɩkaɣ naʋ se mɛwɛ Izrayɛɛlɩ hɛkʋ taa,+
Nɛ ɩkaɣ naʋ se mɛkɛnɩ mɩ-Ɛsɔ Yehowa,+ nɛ ma-wayɩ lɛ, nɔɔyʋ fɛyɩ!
Paakaɣ tasʋʋ man-samaɣ fɛyɛ ɖʋʋ wiɖiyi kaaʋ.
28 Pʋwayɩ lɛ, mankaɣ pɩyʋʋ men-fezuu+ tomnasɩ ndɩ ndɩ yɔɔ,
Nɛ mɩ-pɩyalaa nɛ mɩ-pɛlaa pakaɣ yɔɔdʋʋ natʋ tɔm,
Mɩ-akpadɩyaa kaɣ ɖozuu ɖoza,
Nɛ mi-evebiya kaɣ naʋ natʋ.+
29 Nɛ halɩ kɩyakɩŋ ɛnɩ ɩ-taa,
Mankaɣ pɩyʋʋ men-fezuu mo-yomaa abalɩñɩma nɛ mo-yomaa halɩñɩma yɔɔ.
30 Nɛ mankaɣ labʋ piti lakasɩ ɛsɔdaa nɛ tɛtʋ yɔɔ:
Calɩm, miŋ nɛ ñɔsɩ tulutulu kaɣ wɛʋ.+
31 Wɩsɩ kaɣ pɩsʋʋ cɩkpɛndʋʋ nɛ fenaɣ kaɣ pɩsʋʋ calɩm+
Pʋcɔ nɛ Yehowa kɩyakʋ sɔsɔʋ ŋgʋ kɩcaɣ sɔɔndʋ yɔ kɩtalɩ.+
32 Nɛ weyi ɛyaɣ Yehowa hɩɖɛ yɔ, pakaɣ ɛ-ñʋʋ yabʋ;+
Mbʋ pʋyɔɔ yɔ, ɛzɩ Yehowa yɔɔdʋʋ yɔ, nabɛyɛ kaɣ tʋlʋʋ+ Siyɔŋ Pʋʋ yɔɔ nɛ Yeruzalɛm taa,
Mba Yehowa ya-wɛ nɛ pakaɣ hiɣu ñʋʋ yabʋ yɔ.»
3 «Iwelisi! Kɩyakɩŋ ɛnɩ ɩ-taa nɛ alɩwaatʋ ndʋ tɩ-taa,
Manpɩsɩɣnɩ Yuuda mba nɛ Yeruzalɛm ñɩma mba paawoni yomiye taa yɔ lɛ,+
2 Mankaɣ kpeɣluu ɖɔɖɔ ajɛɛ tɩŋa
Nɛ mentini-yɛ Yozafaatɩ* Fɛɛʋ taa.
Mankaɣ-yɛ tɔm hʋnʋʋ peeɖe+
Man-samaɣ nɛ ma-ñɩm Izrayɛɛlɩ yɔɔ,
Mbʋ pʋyɔɔ yɔ amɩzɩ-wɛ ajɛɛ taa,
Nɛ atayɩ ɖama mɛ-ɛjaɖɛ.+
3 Pɔtɔ piye mɛ-ɛyaa yɔɔ;+
Pɛpɛdaɣ abalɩbɩɣa se pɛhɛyɩnɩ halʋ hayitu laɖʋ
Nɛ pɛpɛdaɣ halɩbɩɣa se pɛcɛbɩnɩ vɛɛ nɛ pɔñɔɔ.
4 Piyele mɩ Tiirɩ, Siidɔɔ nɛ Filistii ageeta kpeekpe,
Ma nɛ mɩ suwe?
Nabʋyʋ kɩmɩyɛ iɖiɣni-m kpaʋ na?
Ye kɩmɩyɛ naɖɩyɛ ɩkpaɣ-m yɔ,
Mankaɣ labʋ lɔŋ nɛ manpɩsɩnɩ mɩ-kɩmɩyɛ kpaʋ mbʋ lɛɛ lɛɛ mɩ-ñʋŋ taa.+
5 Mbʋ pʋyɔɔ yɔ ɩkpaɣ me-liidiye nɛ men-sika,+
Nɛ ɩsʋnɩ ma-ñɩm mbʋ pɩkɩlɩ ɖeu yɔ mi-templonaa taa;
6 Nɛ ɩkpaɣ Yuuda mba nɛ Yeruzalɛm mba nɛ ɩpɛdɩnɩ Grɛɛkɩ mba,+
Se pɩsa nɛ iposi-wɛ ɖooo poliŋ nɛ pe-egeetiye;
7 Mankʋsʋʋ-wɛ nɛ pakʋyɩnɩ ɖenɖe ɩpɛdɩ-wɛ yɔ nɛ pɔkɔɔ,+
Nɛ mankaɣ kɔnʋʋ mɩ-kɩmɩyɛ kpaʋ mɩ-ñʋŋ taa.
8 Mankaɣ kpaɣʋ mɩ-pɩyalaa nɛ mɩ-pɛlaa nɛ mɛnpɛdɩnɩ Yuuda mba,+
Nɛ paba kaɣ-wɛ kpaɣʋ nɛ pɛpɛdɩnɩ Seeba ɛjaɖɛ taa mba, ɛjaɖɛ nɖɩ ɖɩwɛ poliŋ taa yɔ;
Mbʋ pʋyɔɔ yɔ Yehowa maɣmaɣ yɔɔdɩnɩ-tʋ.
9 Isusi tɔm tʋnɛ ajɛɛ taa:+
“Ɩñɔɔzɩ mɩ-tɩ nɛ ɩla you! Iseɣti sɔdɩŋ!
Sɔɔjanaa tɩŋa ɩñɔtɩ, pakʋyɩ nɛ pɔkɔɔ!+
10 Ɩkpaɣ mi-hakiŋ nɛ ilubini laɣla nɛ ɩkpaɣ mi-loozonaa nɛ ilubini kɩgbɛzɛmɩŋ.
Ɛjam ɛyɔɔdɩ se: ‘Mɛwɛ ɖoŋ.’
11 Pɩ-cɔlɔ ajɛɛ mɩ, mi-kpeekpe ɩkɔɔ nɛ ɩsɩna, ikpeɣli ɖama!”»+
Hayɩ Yehowa, tini ño-ɖoŋ tɩnaa* lone nɖɩ ɖɩ-taa.
12 «Ajɛɛ ɩkʋyɩ nɛ awolo Yozafaatɩ Fɛɛʋ taa;
Mbʋ pʋyɔɔ yɔ, peeɖe mankaɣ caɣʋ nɛ mahʋʋnɩ tɔm pɩ-cɔlɔ ajɛɛ tɩŋa.+
13 Ɩkpaɣ loozo nɛ iwolo ɩkʋ, mbʋ pʋyɔɔ yɔ tɔɔnaɣ kʋkʋmaɣ pɩwa.
Itii nɛ ɩfɛyɩ, mbʋ pʋyɔɔ yɔ viiñi ɖɩfɛyɩyɛ suwa.+
Vɛɛ su wondu taa nɛ pɩwadɩɣ, mbʋ pʋyɔɔ yɔ pa-kɩwɛɛkɩm fɛyɩ kalʋʋ.
14 Ɛyaa samasɩ, ɛyaa samasɩ wɛ lɩmaɣza kpaɣʋ fɛɛʋ taa,
Mbʋ pʋyɔɔ yɔ Yehowa kɩyakʋ ñɔtaa, lɩmaɣza kpaɣʋ fɛɛʋ taa.+
15 Wɩsɩ nɛ fenaɣ pakaɣ pɩsʋʋ cɩkpɛndʋʋ,
Nɛ tɩɩnzɩ kaɣ lesuu sɩ-ñalɩmɩyɛ.
16 Nɛ Yehowa nɔɔ kaɣ tiluu nɛ Siyɔŋ kiŋ,
Pakaɣ ɛ-nɔɔ nɩʋ nɛ Yeruzalɛm kiŋ.
17 Nɛ ɩkaɣ naʋ se mɛkɛnɩ mɩ-Ɛsɔ Yehowa, mɛwɛ Siyɔŋ, man-pʋʋ kiɖeɖeu yɔɔ.+
18 Kɩyakʋ ŋgʋ lɛ, vɛɛ leleŋ ñɩŋgʋ kaɣ catʋʋ pʋŋ yɔɔ,+
Naalɩm kaɣ kpem piyisi yɔɔ,
Nɛ lɩm kaɣ kpem Yuuda lemisi kpeekpe taa.
Lɩm nabʋyʋ kaɣ lɩnʋʋ Yehowa ɖɩɣa taa nɛ pikpeŋ,+
Nɛ pɩkaɣ niɣduu Akasɩya Tɩŋ Fɛɛʋ.
19 Ɛlɛ Ejipiti kaɣ pɩsʋʋ njɛyɛ,+
Nɛ Edom kaɣ pɩsʋʋ kañɩmbusuu ŋgʋ kɩ-taa nɔɔyʋ fɛyɩ yɔ,+
Mbʋ pʋyɔɔ yɔ palabɩ Yuuda samaɣ kañatʋ lakasɩ,+
Pɛkpɛdɩ calɩm ɖulum Yuuda ɛjaɖɛ taa.+
20 Ɛlɛ ɛyaa kaɣ wɛʋ Yuuda taa tam,
Nɛ Yeruzalɛm taa pɩnzɩ nɛ pɩnzɩ.+
21 Pa-calɩm mbʋ pɩlabɩ kɩwɛɛkɩm yɔ,* maatasɩɣ-pʋ kpaɣʋ se pɩlabɩ kɩwɛɛkɩm;+
Nɛ Yehowa kaɣ wɛʋ Siyɔŋ taa.»+
Pʋ-tɔbʋʋ se «Yehowa kɛ Ɛsɔ.»
Yaa «tɛtʋ yɔɔ.»
Piye piye, «ɛzɩ halʋ yɔ.»
Yaa «walʋ.»
Blee nɛ orjɩ pɛkɛ tɔɔnaɣ pee naayɛ.
Piye piye, «ɩta mɩ-tɩnzɩ taa.»
Yaa «nɛ ɩma mɩ-laŋa taa.»
Pɩpɩzɩɣ pɩkɛ, «Fiigi pee kɩwɩlɛɛ.»
Yaa «Tɛtʋ yɔɔ.»
Piye piye, «abalʋ weyi.»
Yaa «you wondu ndʋ pɔtɔʋ yɔ.»
Yaa «ɛkaɣ kpiɖuu asɛyʋʋ yɔɔ.»
Yaa «nɛ ekpiɖi.»
Yaa «ɛzʋtʋyaa.»
Pʋ-tɔbʋʋ se Teŋgu Kɩsɩbʋʋ.
Pʋ-tɔbʋʋ se Mediiteraanee Teŋgu.
Kajalaɣ tɛŋ paɣzaɣ Aloma fenaɣ hɛkʋ taa mbʋ yɔ. Cɔnɩ Tɔm kɩsɔzɩtʋ B15.
Wayɩ wayɩ tɛŋ paɣzaɣ Ðomaɣ fenaɣ hɛkʋ taa mbʋ yɔ. Cɔnɩ Tɔm kɩsɔzɩtʋ B15.
Pʋ-tɔbʋʋ se «Yehowa kɛ tɔm hʋyʋ.»
Yaa «ño-you laɖaa.»
Yaa «lone ɖoŋ ñɩnɖɛ.»
Yaa «Nɛ agɔma.»
Yaa «Calɩm mbʋ pɛkpɛdaa yɔ.»