HABAKUUKI
1 Tɔm ndʋ peheyi nayʋ Habakuuki* natʋ natʋyʋ taa yɔ:
2 Hayɩ Yehowa, mamakɩ kubusi se ŋsɩnɩ-m nɛ ŋŋwelisiɣ nɛ pɩkɔɔ pɩsɩɩnɩ ɖooye?+
Mɔnpɔzʋʋ-ŋ se ŋlɩzɩ-m puuyaɣ lakasɩ taa nɛ ŋŋlakɩ nabʋyʋ* nɛ pɩkɔɔ pɩsɩɩnɩ ɖooye?+
3 Ɛbɛ yɔɔ ŋyeki nɛ manaɣ kɩdɛkɛdɩm lakasɩ?
Nɛ ɛbɛ yɔɔ ŋhaɣ nʋmɔʋ se ɛyaa inuuti lalaa?
Ɛbɛ yɔɔ ɖɩzʋʋ nɛ puuyaɣ lakasɩ wɛ mɛ-ɛsɩndaa?
Nɛ ɛbɛ yɔɔ you nɛ ñaɖʋʋ pɩtɔyɩ mbʋ?
4 Pʋyɔɔ lɛ, paɣtʋ fɛyɩnɩ ɖoŋ nɩɩyɩ,
Nɛ paalakɩ siɣsiɣ lakasɩ kaaʋ.
Mbʋ pʋyɔɔ yɔ kañatʋ tɩnaa cɔ siɣsiɣ tɩnaa nɛ pata;
Mbʋ yebina nɛ pɛkɛzɩ siɣsiɣ wɛtʋ tuluŋa.+
5 «Ɩcɔnɩ ajɛɛ taa nɛ ɩna!
Ɩcɔna nɛ pɩɖɩɣzɩ-mɩ nɛ pɩlabɩ-mɩ piti;
Mbʋ pʋyɔɔ yɔ nabʋyʋ kaɣ labʋ mɩ-alɩwaatʋ taa
Nɛ halɩ paa pɛkɛdɩ-mɩ pʋ yɔ, ɩɩkaɣ tisuu.+
Pawadɩɣ tɛtʋ yɔɔ lona wena awalaa yɔ a-yɔɔ
Se pamʋ ɖɩsɩ nzɩ sɩtɩkɛ pa-ñɩnzɩ yɔ.+
7 Pacaɣ sɔɔndʋ nɛ pɔ-yɔɔ lɛ ɛyaa seliɣ.
Paɖʋʋ pa-maɣmaɣ pa-paɣtʋ* nɛ pañazɩɣnɩ po-ɖoŋ.+
Po-you kpaŋnaŋ seɣ nɛ ɩkɔŋ;
Pa-kpaŋnaŋ lɩnɩ ɖooo poliŋ taa.
Itiki ɛzɩ kpeluu tikuu nabʋyʋ yɔɔ fɩɩɩ se kɩkpa-pʋ nɛ kɩtɔɔ yɔ.+
9 Pe-kpeekpe pɔkɔŋ se pala puuyaɣ lakasɩ.+
Pɔñɔtʋʋ pa-ñʋŋ lɛ, pɩwɛ ɛzɩ wɩsɩ ɖɩlɩyɛ taa helim yɔ,+
Nɛ pekpeɣliɣ yomaa ɛzɩ kañɩŋa yɔ.
10 Peniŋ awiya
Nɛ powoŋuu kaɖɩsɩ sɔsɔsɩ.+
Powoŋuu paa lone ɖoŋ ñɩnɖɛ nɖɩ lɛ;+
Pekpeɣliɣ tɛtʋ nɛ pakpazɩɣ huuye nɛ pamʋʋ-ɖɩ.
11 Pʋwayɩ lɛ, pakʋyɩ nɛ patɩŋnɩ ɖɩ-taa nɛ pɛɖɛɛnɩ ɛsɩndaa ɛzɩ helim yɔ,
Ɛlɛ pɔ-tɔm kaɣ sɩbʋ,+
12 Hayɩ Yehowa, ɛzɩ ŋfɛyɩ tam tam yaa we?+
Hayɩ mɛ-Ɛsɔ, man-Kiɖeɖeu, ŋŋsɩkɩ.*+
Ye mbʋ, ɛbɛ yɔɔ ŋhaɣ pɩ-tɛɛ nɛ pɩ-yɔɔ tɩnaa nʋmɔʋ+
Nɛ ŋsuŋ tamɩyɛ alɩwaatʋ ndʋ kañatʋ tʋ liki ɛyʋ weyi ɛwɛ siɣsiɣ nɛ pɩkɩlɩ-ɩ yɔ?+
14 Ɛbɛ yɔɔ ŋlakɩ ɛyʋ ɛzɩ teŋgu taa kpakpasɩ yɔ,
Ɛzɩ kpɩna wena atuu tataa nɛ afɛyɩnɩ ɖiyiyu yɔ?
15 Ɛkpaɣ* pe-kpeekpe nɛ kolaɣ.
Ɛkpaɣ-wɛ e-piyuu taa,
Nɛ ekpeɣliɣ-wɛ ɛ-kpakpasɩ kpaʋ piyuu taa.
Mbʋ yebina nɛ ɛ-taa lakɩ leleŋ siŋŋ.+
16 Pʋyɔɔ ɛlaɣ kɩlaŋ e-piyuu
Nɛ ɛlaɣ kɩlaŋ* ɛ-kpakpasɩ kpaʋ piyuu;
Mbʋ pʋyɔɔ yɔ piyiŋ ɛnɩ ɩ-yɔɔ lɛ, e-ɖeɖe wɛ num camɩyɛ,
Nɛ ɛ-tɔɔnaɣ kɛ kɩbaŋa.
17 Pʋyɔɔ lɛ, ɛkaɣ wɛʋ nɛ ɛlazɩɣ e-piyuu taa wondu na?*
Ɛkaɣ wɛʋ nɛ ɛɖɩzɩɣ ajɛɛ nɛ ɛɛnaɣ a-pʋtɔdɩyɛ na?+
Mankaɣ wɛʋ feŋuu yɔɔ se mana tɔm ndʋ ɛkaɣ tɩŋnʋʋ mɔ-yɔɔ nɛ ɛyɔɔdɩ yɔ
Nɛ ndʋ moncosi alɩwaatʋ ndʋ ɛkalɩɣ-m yɔ.
2 Nɛ Yehowa cosi-m se:
«Ma natʋ, ma-tʋ kpayɩ kpayɩ pɩtaahalanzɩ* yɔɔ,+
Se pɩsa nɛ weyi ɛkalɩɣ-tʋ nɛ nɔɔ kɩkʋyaɣ yɔ, ɛpɩzɩ nɛ ɛkalɩ-tʋ kɛlɛʋ.*+
3 Mbʋ pʋyɔɔ yɔ natʋ nɛ tɩ-alɩwaatʋ ndʋ paɖʋ-tʋ yɔ,
Nɛ tiɖiɣni seu nɛ tiwokini tɩ-ɖɩdɛnɖɛ,* nɛ tɩɩkaɣ cɛtʋʋ.
Paa tɩcaɣ wayɩ yɔ,* wɛɛ tɩ-ɖaŋʋʋ yɔɔ!*+
Mbʋ pʋyɔɔ yɔ paa pɩɩlaba ɛzɩma yɔ tɩkaɣ labʋ.
Tɩɩkaɣ caɣʋ wayɩ!
Ɛlɛ ɛyʋ siɣsiɣ tʋ kaɣ wɛʋ wezuu e-siɣsiɣ wɛtʋ* yɔɔ.+
5 Toovenim, vɛɛ kɛ agutaaku tʋ, pʋyɔɔ lɛ,
Ɛyʋ weyi ɛkpazɩɣ ɛ-tɩ yɔ, ɛɛkaɣ talʋʋ ɛ-kaɖʋwa.
Ɛwɛ ajɛɛ kpeekpe kpeɣluu yɔɔ,
Nɛ ekpeɣliɣ ɛ-tɩ ɛyaa samasɩ tɩŋa.+
6 Pa-tɩŋa payɩ paakaɣ-ɩ nim nɛ potuu-i aduwa nɛ paɖʋ-ɩ ɖimɖimɖanaa na?+
Pakaɣ yɔɔdʋʋ se:
“Pɩtɔɔ weyi ekpeɣliɣ ɛ-tɩ mbʋ pɩtɩkɛ ɛ-ñɩm yɔ
—Nɛ pɩkɔɔ pɩsɩɩnɩ ɖooye?—
Nɛ weyi eyeki nɛ ɛ-kɩmɩyɛ paɣlɩɣ yɔ!
7 Mba ŋtɔɔ-wɛ kɩma yɔ, paakaɣ kʋyʋʋ tuda yɔ?
Pakaɣ kʋyʋʋ nɛ pañamsɩ-ŋ ɖoŋ siŋŋ,
Nɛ ŋkaɣ pɩsʋʋ mbʋ palazɩɣ yɔ.+
8 Ŋlazɩ ajɛɛ sakɩyɛ nɛ pʋyɔɔ lɛ,
Ɛyaa samasɩ nzɩ sɩkazaa payɩ yɔ, sɩkaɣ-ŋ lazʋʋ,+
Mbʋ pʋyɔɔ yɔ ŋkpɛdɩ ɛyaa calɩm
Nɛ ŋla puuyaɣ lakasɩ tɛtʋ yɔɔ wondu,
Tɛtʋ ndɩ ndɩ nɛ ɛyaa mba pɛwɛ tɩ-taa yɔ.+
10 Mbʋ ŋɖʋ ña-ñʋʋ taa yɔ, pɩkɔnɩ fɛyɛ ña-ɖɩɣa yɔɔ.
Ŋhazʋʋ ɛyaa samasɩ sakɩyɛ yɔ, ŋlabɩ ña-tɩ* kɩdɛkɛdɩm.+
11 Mbʋ pʋyɔɔ yɔ pɩyɛ naɖɩyɛ kaɣ kubuka mabʋ nɛ koloŋa taa,
Nɛ lɔbʋtʋ taa ɖaʋ nakʋyʋ kaɣ-ɖɩ cosuu.
12 Pɩtɔɔ weyi ɛtɩŋɩɣnɩ calɩm kpɛdʋʋ yɔɔ nɛ ɛma tɛtʋ natʋyʋ yɔ,
Nɛ weyi ɛtɩŋɩɣnɩ lakasɩ nzɩ sɩfɛyɩ siɣsiɣ yɔ sɩ-yɔɔ nɛ ɛcaɣzɩ tɛtʋ natʋyʋ yɔ!
13 Na! Pɩtɩkɛ yoyaa tɛ Yehowa cɔlɔ pɩlɩnaa nɛ ɛyaa samasɩ lakɩ tʋmɩyɛ ɖoŋ ñɩnɖɛ nɛ pacalɩɣ miŋ,
Nɛ ajɛɛ yɔkʋʋ a-ñʋŋ falaa yem?+
15 Pɩtɔɔ weyi ɛcɛlɩɣ ɛ-taabalaa nabʋyʋ se pɔñɔɔ,
Ɛlɛ ɛɖʋ pɩ-taa pana nɛ hɔpɩsɩyɛ se eyele nɛ pɩkʋ-wɛ,
Nɛ pɩsa nɛ ɛna pa-ndaakpeɖe yɔ!
16 Samtʋ lone taa lɛ, fɛyɛ ŋkaɣ haɣʋ.
Ña ɖɔɖɔ, ñɔɔ nɛ ŋyele nɛ pana se ŋkɛ kɩdɩbɛlʋʋ.*
Kɔpʋ ŋgʋ kɩwɛ Yehowa nɩwaŋ taa yɔ, kɩkaɣ talʋʋ ñɔ-cɔlɔ,+
Nɛ fɛyɛ kaɣ huuzuu ña-samtʋ yɔɔ;
17 Mbʋ pʋyɔɔ yɔ puuyaɣ lakasɩ nzɩ ŋlabɩ Libaŋ yɔ sɩkaɣ ñɔ-yɔɔ huuzuu,
Nɛ ɖɩzʋʋ mbʋ piyeba nɛ sɔɔndʋ kpa kpɩna yɔ, pɩkaɣ kɔm ñɔ-yɔɔ,
Mbʋ pʋyɔɔ yɔ ŋkpɛdɩ ɛyaa calɩm
Nɛ ŋla puuyaɣ lakasɩ tɛtʋ,
Tɛtʋ ndɩ ndɩ nɛ ɛyaa mba pɛwɛ tɩ-taa yɔ.+
18 Sɩʋ kpeliɣa ŋga pasaɣaa yɔ ka-wazaɣ lɛ ŋga
Alɩwaatʋ ndʋ ka-saɣyʋ saɣ-kɛ yɔ?
Ñɩɣtʋ sɩʋ kpeliɣa* nɛ cɛtɩm wɩlɩyʋ wazaɣ lɛ ŋga,
Paa weyi elubi-kɛ yɔ ɛtaɣ-kɛ liu,
Nɛ eluki ɛsɔnaa mba paawazɩɣ pʋyʋ nɛ paayɔɔdʋʋ yɔ?+
19 Pɩtɔɔ weyi eheyiɣ tɩʋ salaɣ se: ‘Fe!’ yɔ,
Yaa weyi eheyiɣ pɩyɛ nɖɩ ɖɩɩyɔɔdʋʋ yɔ se: ‘Kʋyɩ! Wɩlɩ-ɖʋ tɔm!’ yɔ.
20 Ɛlɛ Yehowa wɛ e-templo kiɖeɖeu taa.+
Tɛtʋ kpeekpe esu tamɩyɛ ɛ-ɛsɩndaa!”»+
3 Nayʋ Habakuuki adɩma wena awɛ ɛzɩ kʋñɔwiye hendu* yɔ:
2 Hayɩ Yehowa, manɩ tɔm ndʋ pɛkɛdɩ ñɔ-yɔɔ yɔ.
Hayɩ Yehowa, ña-tʋmɩyɛ yɔɔ lɛ, sɔɔndʋ kpaɣ-m.
Ðaɣnɩ-ɖɩ haʋ wezuu pɩnzɩ taa.*
Yele nɛ patɩlɩ-ɖɩ pɩnzɩ taa.*
Taasɔɔ pʋtɔdɩyɛ naʋ yɔɔ alɩwaatʋ ndʋ pituluu yɔ.+
Ɛ-sɔsɔtʋ huuzi ɛsɔdaa;+
Ɛ-samtʋ kaasu tɛtʋ yɔɔ.
4 Ɛñɩlɩsaɣ ɛzɩ ñalɩmɩyɛ yɔ.+
Mintʋsʋŋ 2 lɩɣaɣnɩ e-nesi tɛɛ,
Ðenɖe e-ɖoŋ kaamɛlaa yɔ.
5 Kʋdɔŋ sɔsɔʋ kaaɖɛ-ɩ nɔɔ,+
Nɛ miŋ saʋ kaŋ kaŋ tɩŋaɣ ɛ-wayɩ.
6 Ɛsɩŋaa nɛ ɛñamsɩ tɛtʋ.+
Ɛcɔnaa nɛ piyele nɛ ajɛɛ seli.+
Tamtam pʋŋ yɔlaa,
Nɛ ɖooo lɔndaa piyisi luzi sɩ-tɩ.+
Ɛnʋ tɩnɩ caanaʋ taa nʋmɔŋ.
7 Mana kʋñɔŋ Kuusaanɩ kizinzikiŋ tɛɛ.
Madiyaŋ ɛjaɖɛ kizinziku pɩsaŋ selaa.+
8 Hayɩ Yehowa, pɔsɩ ña-taa wɩɣna?
Pɔsɩ ŋkɔnɩ pana yaa we?+
Teŋgu ña-taa wɩɣna yaa we?
9 Ŋlɩzɩ ñɔ-tɔʋ nɛ ŋñɔɔzɩ ña-tɩ nɛ ŋɖaŋ.
Patɩŋnɩ ɖuutu natʋyʋ yɔɔ nɛ paɖʋ ɖaŋ* tʋmɩyɛ.* (Sɛɛla)
Ŋkpaɣ pɔsɩ nɛ ŋtayɩnɩ tɛtʋ.
10 Pʋŋ peendini wɩzasɩ alɩwaatʋ ndʋ ɩna-ŋ yɔ.+
Tɛʋ sɔsɔʋ nɩwa nɛ piyele nɛ lɩm kpe.
Lɩm cukaŋ ñɩmbʋ mabɩ kubuka.+
Pɩkpazɩ pi-nesi ɛsɔdaa.
11 Wɩsɩ nɛ fenaɣ pɛwɛ pa-ɖɩjaɣyɛ taa ɖooo ɛsɔdaa.+
Ñɔ-tɔʋ ñɩma lɩ ɛzɩ ñalɩmɩyɛ yɔ.+
Ña-kɩgbɛzɛŋ ñɩlɩsɩ ɛzɩ tɛʋ ñɩlɩsʋʋ yɔ.
12 Ŋyɛlɩ tɛtʋ yɔɔ nɛ hɔpɩsɩyɛ.
Ŋfɛyɩ ajɛɛ ña-pana taa.
13 Ŋlɩwa se ŋya ña-samaɣ ñʋʋ, se ŋya weyi ŋta-ɩ num yɔ ɛ-ñʋʋ.
Ŋtɔyɩtɩ kañatʋ tʋ ɖɩɣa ñʋʋdʋ.*
Pokuli kɔ-yɔɔ kpaɣnɩ tigiɖe nɛ pɩtalɩ ñʋʋ yɔɔ.* (Sɛɛla)
14 Ŋkpaɣ ɛ-maɣmaɣ e-you wondu* nɛ ŋtʋlɩnɩ e-yoyaa ñʋʋ
Alɩwaatʋ ndʋ pɔkɔm mɔ-yɔɔ se pamɩzɩ-m yɔ.
Pa-taa kaalabɩ leleŋ siŋŋ se pacɩyɩɣ kʋñɔndʋ mɛsaɣ tɛɛ.
15 Ŋkpaɣ ña-kpaŋnaŋ nɛ ŋtɛzɩnɩ teŋgu,
Ŋtɛzɩ lɩm sɔsɔm hola.
Ðazɩm sʋ mɔ-mɔɔ taa;+
Ma-nɩŋgbanzɩ kaawɛɛ nɛ sɩpaɣ mɛn-tɛɛ.
Ɛlɛ mancaɣ ɖiɣ ɖiɣ nɛ manɖaŋ kʋñɔŋ kɩyakʋ,+
Mbʋ pʋyɔɔ yɔ kɩkɔŋ ɛyaa mba poyouni-ɖʋ yɔ pɔ-yɔɔ.
17 Paa fiigi tɩʋ ɛtɩkpaɣ hɛtʋ,
Nɛ viiñi tɩŋ ɩtɩlʋlɩ pee yɔ;
Paa patikoyi oliivi pee,
Nɛ hayɩm ɛtɩlʋlɩ tɔɔnaɣ yɔ;
Paa kpɩna ɩmʋʋ kalakʋ taa,
Nɛ nɔ ɛfɛyɩ naŋ kalakʋ taa yɔ;
18 Ma lɛ, Yehowa yɔɔ lɛ, mankaɣ wɛʋ amɛya taa;
Mankaɣ wɛʋ taa leleŋ taa ma-ñʋʋ yabʋ tɛ Ɛsɔ yɔɔ.+
19 Kɩbaɣlʋ Kɩlɩm Yehowa kɛnɩ mon-ɖoŋ;+
Ɛkaɣ labʋ nɛ ma-nɩŋgbanzɩ wɛɛ ɛzɩ nam ñɩnzɩ yɔ
Nɛ ɛlakɩ nɛ mɔnɖɔ lona wena akʋyaa yɔ a-taa.+
Hendu teyaa ñʋʋdʋ: Petee-tʋ nɛ man-cɩmʋʋ mabʋ wondu ndʋ tɩ-yɔɔ wɛ nimasɩ yɔ.
Pʋ-tɔbʋʋ pɩzɩɣ pɩkɛ «Kpiikinuu kpam.»
Yaa «nɛ ŋŋyakɩ ma-ñʋʋ.»
Yaa «menseɣtiɣ.»
Yaa «pe-siɣsiɣ wɛtʋ.»
Ñɩtʋ taa hasɩ kɛ kpɩna wena awɛ patʋ siŋŋ nɛ atɔkɩ kpɩna lɛɛna yɔ.
Pɩpɩzɩɣ pɩkɛ, «se po-ɖoŋ kɛnɩ pɛ-ɛsɔ.»
Pɩpɩzɩɣ pɩkɛ, «ɖɩɩkaɣ sɩbʋ.»
Yaa «se pawɩlɩ ɛsɩndaa niye.»
Pʋ-tɔbʋʋ se koyindu Kalɩdee tʋ.
Yaa «Nɛ ɛkpazɩɣ kɩlaʋ ñɔsɩ.»
Pɩpɩzɩɣ pɩkɛ, «nɛ ɛkpɛɣ ɛ-laɣɖɛ na?»
Yaa «kpenzalasɩ.»
Yaa «kpayɩ kpayɩ.»
Yaa «Nɛ tiɖiɣni labʋ lɔŋ se tɩla.»
Yaa «Paa ye pɩwɛ ɛzɩ tɩcaɣ wayɩ yɔ.»
Yaa «ɖaŋ-tʋ kpam!»
Yaa «Na! Ɛ-kalɩzaɣ huwa.»
Pɩpɩzɩɣ pɩkɛ, «e-tisuu.»
Yaa «ɛ-kalɩzaɣ.»
Yaa «Sewɔɔlɩ,» pʋ-tɔbʋʋ se ɛyaa tɩŋa pɩlaʋ. Cɔnɩ Tɔm pee sɔsɔna tɔbʋʋ lɩzʋʋ.
Piye piye, «ɛ-ɖɩɣa.»
Yaa «ña-kalɩzaɣ.»
Pɩpɩzɩɣ pɩkɛ, «ñɔɔ nɛ ŋɖɔ cɔŋɔ cɔŋɔ.»
Yaa «Sɩʋ kpeliɣa ŋga poyolisi ñɩɣtʋ nɛ polubina yɔ.»
Yaa «ɛzɩ witu hendu.»
Pɩpɩzɩɣ pɩkɛ, «wezuu ɖa-alɩwaatʋ taa.»
Pɩpɩzɩɣ pɩkɛ, «patɩlɩ-ɖɩ ɖa-alɩwaatʋ taa.»
Yaa «kaakɛnɩ ñʋʋ yabʋ.»
Pɩpɩzɩɣ pɩkɛ, «tɔʋ ñɩma.»
Pɩpɩzɩɣ pɩkɛ, «Pɔyɔɔdɩ ɖuutu ndʋ cejewe ɖuwaa yɔ.»
Piye piye, «ñʋʋ.»
Piye piye, «pondone.»
Piye piye, «ɛ-ɖaŋ.»
Piye piye, «nɛ mo-lotu seli.»