SOFONII
1 Yehowa tɔm tʋnɛ tɩtalɩnɩ Sofonii* weyi ɛkɛ Kuusii pɩyalʋ, Gedaliya pɩyalʋ, Amariya pɩyalʋ, Ezekiyaasɩ pɩyalʋ yɔ; tɩtalɩ-ɩ Yuuda wiyaʋ Yoziyaasɩ+ weyi ɛkɛ Amɔɔnɩ+ pɩyalʋ yɔ ɛ-alɩwaatʋ taa:
2 «Mankaɣ ɖɩzʋʋ mbʋ payɩ pɩwɛ tɛtʋ yɔɔ yɔ caɣ caɣ, Yehowa yɔɔdʋʋna.+
3 Mankaɣ ɖɩzʋʋ ɛyʋ nɛ kpɩnɛ.
Mankaɣ ɖɩzʋʋ ɛsɔdaa sumasɩ nɛ teŋgu taa kpakpasɩ,+
Nɛ mbʋ pituuluu yɔ*+ nɛ pɩkpɛndɩnɩ ɛyaa kɩdɛkɛdaa;
Nɛ mankaɣ kʋsʋʋ ɛyaa tɛtʋ yɔɔ, Yehowa yɔɔdʋʋna.
4 Mankaɣ sezuu me-nesi Yuuda yɔɔ
Nɛ mba payɩ pɛwɛ Yeruzalɛm yɔ pɔ-yɔɔ,
Nɛ mankaɣ hɩzʋʋ lone ɖɩnɛ ɖɩ-taa mbʋ payɩ pɩkazɩ Baalɩ+ yɔ,
Agbaaɣdaa ɛsɔnaa cɔjɔnaa hɩla nɛ pɩkpɛndɩnɩ cɛtɩm cɔjɔnaa,+
5 Nɛ mba poluŋuu kuduyuŋ ñʋŋ taa se pɛsɛɛ ɛsɔdaa yoyaa yɔ,+
Nɛ mba poluŋuu nɛ poɖukini Yehowa se pɛwɛɣ siɣsiɣ ɛ-ɛsɩndaa+
Ɛlɛ peɖiɣni ɖuunuu Malɩkam se pɛwɛɣ siɣsiɣ ɛ-ɛsɩndaa yɔ;+
6 Nɛ mba peyebi Yehowa wayɩ tɩŋʋʋ yɔ+
Nɛ mba paañɩnɩɣ Yehowa yaa paapɔzʋʋ se patɩlɩ ɛ-lɩmaɣza yɔ.»+
7 Isu ɖiɣ ɖiɣ Kɩbaɣlʋ Kɩlɩm Yehowa ɛsɩndaa, mbʋ pʋyɔɔ yɔ Yehowa kɩyakʋ ñɔtaa.+
Yehowa ñɔɔzɩ kɩlaʋ nakʋyʋ; ɛpɩsɩ mba ɛya-wɛ yɔ kiɖeɖema.
8 «Yehowa kɩlaʋ kɩyakʋ wiye lɛ, mankaɣ pɔzʋʋ akɔnta awumbiya,
Wiyaʋ pɩyalaa,+ nɛ mba payɩ posu agbaaɣdaa wondu yɔ.
9 Kɩyakʋ ŋgʋ ki-wiye lɛ, mankaɣ pɔzʋʋ akɔnta mba payɩ pakpaɣ tendene* yɔɔ yɔ,
Mba peyeki nɛ puuyaɣ lakasɩ nɛ cɛtɩm suu pa-ñʋʋdʋ ɖɩɣa taa yɔ.
10 Kɩyakʋ ŋgʋ ki-wiye lɛ,
Pakaɣ nɩʋ kubuka nakɛyɛ taŋ, kalɩnɩ Kpakpasɩ Nɔnɔɔ+ cɔlɔ,
Peenduu kubusi kaɣ lɩnʋʋ tɛtʋ Kooka Naalɛ ñɩŋga+ taa,
Nɛ pakaɣ nɩʋ yɔkʋʋ sɔsɔm taŋ piyisi yɔɔ, Yehowa yɔɔdʋʋna.
11 Ipeendi, mɩ Makɩtɛɛsɩ* mba,
Mbʋ pʋyɔɔ yɔ pakʋ tadɩyɛ laɖaa tɩŋa;*
Mba payɩ pamaɣzɩɣ liidiye yɔ, paɖɩzɩ-wɛ.
12 Alɩwaatʋ ndʋ tɩ-taa lɛ, mankaɣ kpaɣʋ kanɖʋnaa nɛ mañɩnɩ camɩyɛ Yeruzalɛm taa,
Nɛ mankaɣ pɔzʋʋ akɔnta mba pacaɣ yem kaalɛyɩtʋ* nɛ pɔyɔɔdʋʋ pa-laŋa taa se:
“Yehowa ɛɛkaɣ labʋ kɩbandʋ, nɛ ɛɛkaɣ labʋ kɩdɛkɛdɩm” yɔ.+
13 Pakaɣ lazʋʋ pa-ñɩm nɛ pakaɣ yɔkʋʋ pa-ɖɩsɩ.+
Pakaɣ maʋ ɖɩsɩ, ɛlɛ paakaɣ sʋʋ sɩ-taa;
Pakaɣ sɔʋ viiñi tɩŋ, ɛlɛ paakaɣ ñɔʋ ɩ-tɛ vɛɛ.+
14 Yehowa kɩyakʋ sɔsɔʋ ñɔtaa!+
Kɩñɔtaa nɛ kɩwɛɛ nɛ kɩkɔŋ lɛɛ lɛɛ siŋŋ!*+
Yehowa kɩyakʋ kɔkɔɖɛ wɛ ñaŋ.+
Ki-wiye lɛ, you laɖʋ makɩ kubusi.+
15 Kɩyakʋ ŋgʋ kɩkɛ pana sɔsɔna kɩyakʋ,+
Siziŋ nɩʋ nɛ laŋwɛɛkɩyɛ kɩyakʋ,+
Tɛʋ sɔsɔʋ ŋgʋ kɩnɩɣnɩ helim yɔ nɛ ɖɩzʋʋ kɩyakʋ,
Cɩkpɛndʋʋ kɩyakʋ nɛ kɩyakʋ ŋgʋ pɩkaɣ yuu kpimm yɔ,+
Mɩndʋ nɛ cɩkpɛndʋʋ sɔsɔʋ kpimm kɩyakʋ,+
16 Nɔndɔʋ yaʋ nɛ you kubuka mabʋ kɩyakʋ,+
Se poyooni tɛtʋ ɖoŋ ñɩndʋ nɛ kɔnanaa yɔɔ tilima kʋkʋya.+
18 Pe-liidiye yaa pe-sika ɛɛkaɣ pɩzʋʋ nɛ pɩya pa-ñʋʋ Yehowa pana sɔsɔna kɩyakʋ wiye;+
Mbʋ pʋyɔɔ yɔ e-kpekpeka miŋ kaɣ ñaɣʋ tɛtʋ kpeekpe,+
Mbʋ pʋyɔɔ yɔ ɛkaɣ kɔnʋʋ ɖɩzʋʋ, ɖɩzʋʋ mbʋ pɩcaɣ sɔɔndʋ kpem yɔ, tɛtʋ yɔɔ ɛyaa kpeekpe yɔɔ.»+
2 Pʋcɔ nɛ mbʋ paɖʋwa yɔ pɩla lɛ,
Pʋcɔ nɛ kɩyakʋ ŋgʋ kɩɖɛɛ ɛzɩ hutu yɔ lɛ,
Pʋcɔ nɛ Yehowa pana wena amʋʋ miŋ yɔ akɔɔ mɩ-yɔɔ lɛ,+
Pʋcɔ nɛ Yehowa pana kɩyakʋ kɔɔ mɩ-yɔɔ lɛ,
3 Ɩñɩnɩ Yehowa,+ mɩ tɛtʋ yɔɔ hɛɛɛ tɩnaa* kpeekpe,
Mba pɔɖɔŋ ɛ-paɣtʋ siɣsiɣ ñɩndʋ* yɔɔ yɔ.
Ɩñɩnɩ siɣsiɣ wɛtʋ, ɩñɩnɩ hɛɛɛ wɛtʋ.*
Pɩtɩla, pakaɣ-mɩ mɛsʋʋ Yehowa pana kɩyakʋ wiye.+
4 Mbʋ pʋyɔɔ yɔ Gaazaa kaɣ kɛʋ tɛtʋ ndʋ pɔlɔ-tʋ yɔ;
Nɛ Askelɔɔnɩ kaɣ pɩsʋʋ njɛyɛ.+
5 «Pɩtɔɔ mba pɛwɛ teŋgu nɔɔ yɔ, Kereti mba ɛjaɖɛ!+
Yehowa tɔm kaɖɩɣnɩ-mɩ.
Oo Kanaŋ, Filistii mba ɛjaɖɛ, mankaɣ-ŋ ɖɩzʋʋ,
Nɛ pɩɩkaɣ kazʋʋ nɔɔyʋ ña-taa.
6 Nɛ teŋgu nɔɔ kaɣ pɩsʋʋ tɛtʋ ndʋ tɩ-yɔɔ kpɩna tɔkɩ ñɩtʋ yɔ,
Ðenɖe ninɖiɣyaa lɔkɔnaa nɛ heŋ kalakɩŋ kaɣ wɛʋ yɔ.
7 Pɩkaɣ pɩsʋʋ mba pɩkazɩ Yuuda ɖɩɣa taa yɔ pe-egeetiye;+
Peeɖe pakaɣ tɔɔʋ.
Pakaɣ hɩnʋʋ Askelɔɔnɩ ɖɩsɩ taa ɖanaɣ yɔɔ.
8 «Manɩ fɛyɛ ɖʋʋ tɔm ndʋ Mowaabʋ yɔɔdaa yɔ+ nɛ manɩ ɖɔɖɔ Amooni mba tʋtʋ,+
Mba paca man-samaɣ tɔm nɛ pakpazɩ pa-tɩ se pamʋʋ kɛ-tɛtʋ yɔ.+
9 Pʋyɔɔ lɛ, mañɩtʋʋ nɛ mɛwɛɛ wezuu yɔ,» yoyaa tɛ Yehowa, Izrayɛɛlɩ tɛ Ɛsɔ, yɔɔdʋʋna,
«Mowaabʋ kaɣ pɩsʋʋ ɛzɩ Sodom yɔ,+
Nɛ Amooni mba pɩsɩ ɛzɩ Gomɔɔrɩ yɔ,+
Lone nɖɩ ɖɩ-taa sɔɔ ñɩtʋ wɛɛ yɔ, ɖɔm lɔkɔ, nɛ tamtam kañɩmbusuu.+
Mba pɩkazɩ man-samaɣ taa yɔ pakaɣ lazʋʋ ajɛɛ ana a-wondu,
Nɛ mba pɩkazɩ mɛ-ɛjaɖɛ taa yɔ mba kaɣnɩ-yɛ tɩɣyʋʋ.
10 Pa-agʋnda lone taa lɛ,+ mbʋ pakaɣ wɛnʋʋ,
Mbʋ pʋyɔɔ yɔ paca tɔm nɛ pakpazɩ pa-tɩ yoyaa tɛ Yehowa samaɣ yɔɔ.
11 Yehowa tɔm kaɣ-wɛ kpaʋ sɔɔndʋ siŋŋ;
Mbʋ pʋyɔɔ yɔ ɛkaɣ ɖɩzʋʋ tɛtʋ yɔɔ ɛsɔnaa tɩŋa,*
Nɛ ajɛɛ lɩm hɛkʋ taa tɛtʋ tɩŋa kaɣ ɛ-tɛɛ luŋuu,*+
Paa ndʋ lɛ tɩwɛɣ ɖooo ti-lone taa.
12 Mɩ Etiyoopii mba, ma-laɣɖɛ kaɣ-mɩ kʋʋ ɖɔɖɔ.+
13 Ɛkaɣ sezuu e-nesi nɛ hayo kiŋ nɛ ɛɖɩzɩ Asiirii,
Nɛ ɛkaɣ yebu nɛ Niniivi pɩsɩ njɛyɛ,+ ɖɩkaɣ wɩlʋʋ ɛzɩ kañɩmbusuu yɔ.
14 Kpɩna tindima kaɣ hɩnʋʋ kɩ-taa, tɛtɛgbɩna ndɩ ndɩ.*
Kpakpalikiyaɣ sɔsɔɔ nɛ samɩyɛsama pa-naalɛ pakaɣ hɩnʋʋ ɖoo taa ki-tilima ñʋŋ taa.
Nɔɔ nakɛyɛ kaɣ teu hendu mondoɖebɔʋ taa.
Asɛyʋʋ kaɣ labʋ nɔnɔɔ taa;
Mbʋ pʋyɔɔ yɔ ɛkaɣ kuluu sɛɛdrɩ kpoŋgbolonaa yɔɔ.
15 Tɛtʋ ndʋ tɩkpazaɣ tɩ-tɩ, ndʋ tɩɩcaɣ pɛɛyɛ taa yɔ, ndʋ lɛ,
Tɩyɔɔdaɣ tɩ-laŋɩyɛ taa se: “Makpaɖɩna, nɛ ma-wayɩ lɛ nɔɔyʋ fɛyɩ.”
Tɩpɩsɩ sɔɔndʋ wonuu kpem,
Lone nɖɩ ɖɩ-taa tɛtɛgbɩna hɩnɩɣ yɔ!
Weyi ɛtɩŋɩɣnɩ tɩ-cɔlɔ yɔ, ɛkaɣ hʋlʋʋ kancʋʋlaɣ nɛ ɛmɩsɩ e-ŋgulumiye.»+
3 Pɩtɔɔ kaañamtʋ, azuluma nɛ kañatʋ tɛtʋ!+
2 Tɩtɩña nɔɔyʋ nɔɔ,+ tititisi lɔŋ sɩɣzʋʋ.+ Tɩtɩtaa liu Yehowa;+ tɩtɩñɔtɩnɩ tɩ-Ɛsɔ.+
3 Tɩ-awumbiya kɛ mʋʋzɩŋ weyi ɩmʋdʋʋ yɔ.+
Tɩ-tɔm hʋyaa kɛ ñɩtʋ taa hasɩ* ɖoo taa;
Paakazɩɣ paa mɔɔyɛ maɣmaɣ nɛ patɩsalɩ-ɖɩ pʋcɔ nɛ tɛʋ fe.
4 Tɩ-nayaa kɛ kaañamtʋ tɩnaa, abalaa mba pɛkɛ pɩ-tɛɛ nɛ pɩ-yɔɔ tɩnaa yɔ.+
5 Yehowa kɛ siɣsiɣ tʋ tɩ-hɛkʋ taa;+ ɛɛlakɩ mbʋ pɩfɛyɩ ɖeu yɔ.
Paa tanaŋ ŋgʋ, eyeki nɛ patɩlɩɣ ɛ-tɔm hʋʋ,+
Nɛ piifetiɣ kaaʋ, ɛzɩ ñalɩmɩyɛ lɩɣʋ paa tanaŋ ŋgʋ yɔ.
Ɛlɛ weyi ɛfɛyɩ siɣsiɣ yɔ ɛɛsɩŋ fɛyɛ.+
6 «Manɖɩzɩ ajɛɛ; a-kɔnanaa taa tilima pɩsɩ njaa.
Manɖɩzɩ a-tɛtʋ taa habɛɛ, nɛ nɔɔyʋ ɛɛtasɩɣ a-yɔɔ ɖɔm.
A-tɛtʋ pɩsɩ njaa, ɛyʋ fɛyɩ tɩ-taa, nɔɔyʋ fɛyɩ tɩ-taa.+
7 Mɔyɔɔdaa se: “Paa pɩɩlabɩ ɛzɩma, ŋkaɣ-m seu sɔɔndʋ nɛ ŋmʋ lɔŋ sɩɣzʋʋ,”*+
Se pɩsa nɛ pataaɖɩzɩ tɩ-ɖɩjaɣyɛ+
—Pɩwɛɛ se mɔnpɔzɩ-tʋ akɔnta* pɩtɩŋa payɩ mbʋ yɔ pɩ-yɔɔ.
Ɛlɛ paasɔɔlɩ siŋŋ se pala mulum lakasɩ nɛ pɩkpaɖɩ.+
8 “Pʋyɔɔ lɛ, ɩñɔɔzɩ mɩ-tɩ nɛ ɩɖaŋɩ-m,*+
Pɩkɔɔ pɩtalɩ kɩyakʋ ŋgʋ mankʋyʋʋ mansɩŋ se malazɩ pa-ñɩm yɔ,*
Mbʋ pʋyɔɔ yɔ ma-lɩmaɣza lɛ se menkpeɣli ajɛɛ, se menkpeɣli kewiyisi,
Se manpɩyɩ pɔ-yɔɔ man-pana, man-pana wena amʋ miŋ yɔ a-tɩŋa;+
Mbʋ pʋyɔɔ yɔ men-kpekpeka miŋ kaɣ ñaɣʋ tɛtʋ kpeekpe,+ Yehowa yɔɔdʋʋna.
9 Mbʋ pʋyɔɔ yɔ alɩwaatʋ ndʋ lɛ, mankaɣ lɛɣzʋʋ ɛyaa samasɩ kʋnʋŋ nɛ kɩpɩsɩ kʋnʋŋ kele kele ñɩŋgʋ,
Se pɩsa nɛ pa-tɩŋa papɩzɩ nɛ payaa Yehowa hɩɖɛ,
Nɛ pɛsɛɛ-ɩ nɔɔ kʋɖʋmaɣ taa.”+
10 Etiyoopii pɔsɩ egeetiye taa,
Mba patɩmɩɣnɩ-m yɔ, mɛ-ɛyaa mba pamɩzaa yɔ, pakaɣ-m kɔnʋʋ kʋjɔʋ.+
11 Evemiye nɖɩ ɖi-wiye lɛ, fɛyɛ ɛɛkaɣ-ŋ kpaʋ
Mbʋ payɩ ŋŋlaba nɛ ŋkaɖɩnɩ-m yɔ pɩ-yɔɔ,+
Mbʋ pʋyɔɔ yɔ alɩwaatʋ ndʋ lɛ, mankaɣ lɩzʋʋ tɩ kpazɩyaa cajayɛ tɩnaa ñɛ-hɛkʋ taa;
Nɛ ŋŋkaɣ tasʋʋ kɛʋ tɩ kpazɩyʋ kaaʋ man-pʋʋ kiɖeɖeu yɔɔ.+
12 Mankaɣ yebu nɛ samaɣ ŋga koluzuu ka-tɩ nɛ kɛwɛnɩ hɛɛɛ wɛtʋ yɔ kɛwɛɛ ñɛ-hɛkʋ taa,+
Nɛ kakaɣ yebu nɛ Yehowa hɩɖɛ kɛ ka-ɖɩmɛlɩyɛ.
13 Izrayɛɛlɩ taa mba pɩkazaa yɔ+ paakaɣ labʋ mbʋ pɩfɛyɩ siɣsiɣ yɔ;+
Paakaɣ yɔɔdʋʋ cɛtɩm tɔm, nɛ paakaɣ naʋ ɖɔɖɔ cɛtɩm nzʋlʋmɩyɛ pɔ-nɔsɩ taa;
14 Ma taa leleŋ kubusi, Oo Siyɔŋ pɛlɛ!
Ma wabɩtʋ kubuka, Oo Izrayɛɛlɩ!+
Wɛɛ taa leleŋ taa nɛ ŋmɛyɩnɩ ña-laŋɩyɛ kpeekpe, Oo Yeruzalɛm pɛlɛ!+
15 Nɩŋgbaŋʋʋ hɔm mbʋ pɩ-taa ŋŋwɛɛ yɔ, Yehowa kʋsɩ-pʋ ñɔ-yɔɔ.+
Ɛpɩsɩnɩ ño-koyindu kiŋgiɖe.+
Izrayɛɛlɩ Wiyaʋ, Yehowa, wɛ ñɛ-hɛkʋ taa.+
Ŋŋkaɣ tasʋʋ seu asɛyʋʋ sɔɔndʋ.+
16 Kɩyakʋ ŋgʋ ki-wiye, pakaɣ heyuu Yeruzalɛm se:
«Sɔɔndʋ ɛtaakpa-ŋ, Oo Siyɔŋ.+
Taayele nɛ ñe-nesi tii yɔɔɔ.
17 Yehowa ñɛ-Ɛsɔ wɛ ñɛ-hɛkʋ taa.+
Ɛkɛ ɖoŋ tʋ nɛ pʋyɔɔ lɛ ɛkaɣ ñʋʋ yabʋ.
Ɛkaɣ mɛyʋʋ amɛya ñɔ-yɔɔ nɛ taa leleŋ sɔsɔŋ.+
Ɛkaɣ sum ɖiɣ ɖiɣ* ɛ-sɔɔlɩm taa.
Ɛkaɣ wɛʋ taa leleŋ taa ñɔ-yɔɔ nɛ ɛma taa leleŋ kubusi.
18 Mankaɣ kpeɣluu mba pɛwɛ laŋwɛɛkɩyɛ taa mbʋ pʋyɔɔ yɔ pataawɛɛ ña-kazandʋ taa yɔ;+
Pataawɛɛ ñɔ-cɔlɔ mbʋ pʋyɔɔ yɔ ɛ-yɔɔ lɛ, fɛyɛ kaawɛ pɔ-yɔɔ.+
19 Na! Alɩwaatʋ ndʋ tɩ-taa lɛ, mankaɣ kʋyʋʋ mba payɩ panazɩɣ-ŋ yɔ pɔ-yɔɔ;+
Nɛ mankaɣ yabʋ weyi ɛɖɔŋ taɖɩyɛ yɔ ɛ-ñʋʋ,+
Nɛ mankaɣ kpeɣluu mba pamɩzaa yɔ.+
Mankaɣ yebu nɛ pɛkɛ samtʋ nɛ hɩɖɛ sɛʋ pʋyʋ
Pɛ-fɛyɛ tɛtʋ kpeekpe taa.
20 Alɩwaatʋ ndʋ tɩ-taa lɛ, mankaɣ-mɩ pɩsɩnʋʋ,
Alɩwaatʋ ndʋ menkpeɣliɣ-mɩ yɔ.
Mbʋ pʋyɔɔ yɔ mankaɣ yebu nɛ ɩkɛ hɩɖɛ sɛʋ nɛ samtʋ pʋyʋ+ tɛtʋ yɔɔ ɛyaa samasɩ kpeekpe hɛkʋ taa,
Alɩwaatʋ ndʋ menkpeɣliɣ mi-yomaa mɩ-ɛsɩndaa nɛ manpɩsɩnɩ-wɛ yɔ,» Yehowa yɔɔdʋʋna.+
Pʋ-tɔbʋʋ se «Yehowa mɛsaa; Yehowa sɩ camɩyɛ.»
Pɩtʋʋ fɛyɩ se pɩkɛ wondu yaa tʋma wena alakɩ nɔɔ kʋɖʋmaɣ nɛ sɩɩnaa latʋ yɔ.
Pɩpɩzɩɣ pɩkɛ wiyaʋ kewiyaɣ kpelaɣ tendene.
Pɩkɛɣnɩ Yeruzalɛm hɔɔlʋʋ ŋgʋ kɩñɔtɩnɩ Kpakpasɩ Nɔnɔɔ yɔ.
Piye piye, «posuli tadɩyɛ laɖaa tɩŋa nɔsɩ.»
Yaa «mba pɛwɛ ɛzɩ vɛɛ ŋgʋ kɩ-tɛɛtʋ tiba nɛ tɩcaɣ yɔ.»
Yaa «kɩwɛɛ nɛ kikpidisiɣ siŋŋ.»
Piye piye, «pa-taa lotu.»
Yaa «tɩ luziyaa.»
Piye piye, «ɛ-tɔm hʋʋ.»
Yaa «tɩ luzuu.»
Yaa «wɩsɩ siɣu alɩwaatʋ taa.»
Yaa «kaɣ pɔ-yɔɔ cɔnʋʋ.»
Yaa «ɛkaɣ yebu nɛ tɛtʋ yɔɔ ɛsɔnaa tɩŋa tɛ ɖanzɩ.»
Yaa «kaɣ-ɩ sɛʋ.»
Piye piye, «ɛjaɖɛ naɖɩyɛ taa kpɩna tɩŋa.»
Ñɩtʋ taa hasɩ kɛ kpɩna wena awɛ patʋ siŋŋ nɛ atɔkɩ kpɩna lɛɛna yɔ.
Yaa «nɩŋgbaŋʋʋ hɔm.»
Yaa «mɔhɔ tɩ-nɩŋgbaŋʋʋ.»
Yaa «ɩɖʋ suuɖu nɛ ɩɖaŋɩ-m.»
Pɩpɩzɩɣ pɩkɛ, «se malɩzɩ aseɣɖe yɔ.»
Yaa «Pakaɣ tɔɔʋ ñɩtʋ.»
Yaa «Ɛkaɣ sum tamɩyɛ; Ɛ-laŋɩyɛ kaɣ hɛʋ.»