Laŋɩyɛ
Ɛzɩma ɖɩlaba nɛ ɖɩna se alɩwaatʋ ndʋ Bibl lakɩnɩ tʋmɩyɛ tɔm piye «laŋɩyɛ» yɔ, ɖoŋ ɖoŋ lɛ kɩcaɣ yɔɔdʋʋ ɛyʋ weyi ɖɩkɛnɩ ɖooo ɖa-taa yɔ ɛ-tɔm, pɩkpɛndɩnɩ ɖa-maɣzɩm, mbʋ piseɣtiɣ-ɖʋ nɛ ɖɩlakɩ nabʋyʋ yɔ, ɖɛ-wɛtʋ nɛ ɛzɩma pɩlakɩ-ɖʋ yɔ?
Ke 49:3; Adu 16:9; Luk 5:22; Tʋm 2:26
Bibl taa kɩɖaŋ weyi ɩpɩzɩɣ nɛ ɩsɩnɩ-ŋ yɔ:
Luk 9:46-48—Yesu ñɔɔzɩ ɛ-apostoloowaa lɩmaɣza mbʋ pʋyɔɔ yɔ ɛna pa-laŋa taa se pɔsɔɔlaa se pɛkɛ sɔsaa
Ɛbɛ yɔɔ pɩcɛyaa se ɖɩkandɩyɩ ɖa-laŋɩyɛ yɔɔ?
Bibl taa kɩɖaŋ weyi ɩpɩzɩɣ nɛ ɩsɩnɩ-ŋ yɔ:
Kiɖ 6:5-7—Kañatʋ lakasɩ nzɩ sɩɩwɛ ɛyaa laŋa taa yɔ siituyi-wɛ nɛ pala puuyaɣ lakasɩ pʋyɔɔ Ɛsɔ kɔnɩ Tɛʋ sɔsɔʋ
1Aw 11:1-10—Wiyaʋ Salomɔɔ tɩpɩzɩ nɛ ɛkandɩyɩ ɛ-laŋɩyɛ yɔɔ, nɛ ɛkpaɣ agbaaɣdaa halaa nɛ pɛlɛɣzɩ ɛ-laŋɩyɛ nɛ eposini Yehowa
Mak 7:18-23—Yesu lɩzɩ pɩ-taa se ɛyʋ laŋɩyɛ taa paa kɔɖɛyɩ kɩdɛkɛdʋʋ ŋgʋ kɩlɩɣna, nɛ kɩpɩzɩɣ kiseɣti-ɖʋ nɛ ɖɩla mbʋ Ɛsɔ paɖɩɣ yɔ
Ɛzɩma ɖɩpɩzɩɣ nɛ ɖɩkandɩyɩ ɖa-laŋɩyɛ yɔɔ?
Ke 19:14; Adu 3:3-6; Luk 21:34; Flp 4:8
Cɔnɩ ɖɔɖɔ Ɛsd 7:8-10; Ke 119:11
Bibl taa kɩɖaŋ weyi ɩpɩzɩɣ nɛ ɩsɩnɩ-ŋ yɔ:
Efɛ 6:14-18; 1Te 5:8—Apostoloo Pɔɔlɩ yɔɔdaɣ fezuu taa you wondu tɔm lɛ, ɛlɩzɩ pɩ-taa se siɣsiɣ wɛtʋ, tisuu nɛ sɔɔlɩm papɩzɩɣ nɛ pakandɩyɩ ɖa-laŋɩyɛ yɔɔ, pʋ-tɔbʋʋ se ɛyʋ weyi ɖɩkɛnɩ ɖooo ɖa-taa yɔ ɛ-yɔɔ, ɛzɩ ñɩɣtʋ toko huuzuu laŋɩyɛ maɣmaɣ yɔɔ yɔ
Ye ɖa-laŋɩyɛ nɖɩ Bibl yɔɔdʋʋ ɖɩ-tɔm yɔ ɖɩsʋ kaɖɛ naɖɩyɛ taa yɔ, ɛzɩma ɖɩpɩzɩɣ nɛ ɖiɖiɣzina?
Cɔnɩ ɖɔɖɔ Adu 6:12-14
Bibl taa kɩɖaŋ weyi ɩpɩzɩɣ nɛ ɩsɩnɩ-ŋ yɔ:
2Kr 25:1, 2, 17-27—Wiyaʋ Amaziya kaalabɩ mbʋ pɩwɛ ɖeu yɔ Yehowa ɛsɩndaa, ɛlɛ ɛtaalabɩ-pʋ nɛ ɛ-laŋɩyɛ pilim; pʋyɔɔ pɩkɔm alɩwaatʋ natʋyʋ lɛ ɛkpazɩ ɛ-tɩ nɛ ɛtɩtasɩ wɛʋ siɣsiɣ, piyeba nɛ ɛnɩɩ siziŋ ɛ-lakasɩ nzɩ sɩ-yɔɔ
Mat 7:17-20—Yesu wɩlaa se ɛzɩ tɩʋ kɩdɛkɛdʋʋ lʋlʋʋ pee kɩdɛkɛda yɔ, mbʋ ɖɔɖɔ ye ɖa-laŋɩyɛ ɛkɛ kɩdɛkɛdɩyɛ yɔ, ɖɩlakɩ mbʋ pɩfɛyɩ ɖeu yɔ
Ɛbɛ yɔɔ pɩwɛɛ se ɖɩñaɣ pana nɛ ɖɩwɛɛnɩ laŋɩyɛ kɩbanɖɛ, nɛ ɛzɩma ɖɩpɩzɩɣ nɛ ɖɩla mbʋ?
Cɔnɩ ɖɔɖɔ Ke 119:97, 104; Rom 12:9-16; 1Ti 1:5
Bibl taa kɩɖaŋ weyi ɩpɩzɩɣ nɛ ɩsɩnɩ-ŋ yɔ:
2Aw 20:1-6—Wiyaʋ Ezekiyaasɩ caɣaɣ sɩbʋ lɛ, ɛtɩmnɩ Yehowa se ɛna ɛ-pʋtɔdɩyɛ mbʋ pʋyɔɔ yɔ ɛɛsɛ-ɩ nɛ ɛ-laŋɩyɛ pilim
Mat 21:28-32—Yesu tɩŋnɩ kɩɖaʋ nakʋyʋ yɔɔ nɛ ɛwɩlɩ se mbʋ ɛyʋ lakɩ yɔ, mbʋ wɩlɩɣnɩ mbʋ pɩwɛ ɛ-laŋɩyɛ taa yɔ nɛ pɩkɩlɩ mbʋ ɛyɔɔdʋʋ se ɛkaɣ labʋ yɔ
Ðɩtɩlʋʋ se Yehowa naɣ ɖa-laŋa taa yɔ, ɛbɛ yɔɔ pɩhɛzɩɣ ɖa-laŋa?
Cɔnɩ ɖɔɖɔ 1Sa 2:3
Bibl taa kɩɖaŋ weyi ɩpɩzɩɣ nɛ ɩsɩnɩ-ŋ yɔ:
1Sa 16:1-13—Nayʋ Samɩyɛɛlɩ kpɛlɩkaa se Yehowa ɛɛcɔŋnɩ mbʋ pɩnaɣ ɛsa yɔɔ yem yɔ, ɛlɛ ɛnaɣ mbʋ pɩwɛ ɛyʋ laŋɩyɛ taa yɔ
2Kr 6:28-31—Adɩma wena Wiyaʋ Salomɔɔ laba alɩwaatʋ ndʋ patʋlaɣ templo nɔnɔsɩ yɔ, awɩlɩɣ se Yehowa sɩm mbʋ ɖeyi ɖeyi pɩwɛ ɖa-laŋa taa yɔ nɛ ɛtɩŋɩɣnɩ sɩmtʋ ndʋ tɩ-yɔɔ nɛ ɛcɔŋnɩ ɖɔ-yɔɔ