Samtʋ hɩla
Ɛzɩ pɩwɛɛ se Krɩstʋ mba ɩlabɩnɩ tʋmɩyɛ samtʋ hɩla nɛ paɖʋnɩ hɩɖɛ ɛyaa na?
Bibl taa kɩɖaŋ weyi ɩpɩzɩɣ nɛ ɩsɩnɩ-ŋ yɔ:
Luk 18:18, 19—Paa Yesu kaakɛ ɛyʋ kɩbanʋ yɔ ekizaa se pataaya-ɩ se «Wɩlɩyʋ kɩbanʋ,» ɛyɔɔdaa se Yehowa ɖeke kɛnɩ kɩbanʋ
Ɛbɛ yɔɔ ɖɩɩlakɩnɩ tʋmɩyɛ Ɛsɔ sɛtʋ taa samtʋ hɩla ɛzɩ «Caa» yaa «Ðiyiyu» yɔ?
Bibl taa kɩɖaŋ weyi ɩpɩzɩɣ nɛ ɩsɩnɩ-ŋ yɔ:
Mat 23:9-12—Yesu heyi ɛ-wayɩ tɩŋɩyaa se pataalabɩnɩ tʋmɩyɛ samtʋ hɩla ɛzɩ «Caa» yaa «Ðiyiyu» yɔ
1Kɔ 4:14-17—Paa nabɛyɛ kaakpaɣ apostoloo Pɔɔlɩ ɛzɩ pa-caa yɔ, patɩyɔɔdɩ ɖoli ɛ-tɔm kpa se paya-ɩ samtʋ hɩɖɛ naɖɩyɛ ɛzɩ ɖa-Caa Pɔɔlɩ mbʋ yɔ
Ɛbɛ yɔɔ pɩmʋnaa se Krɩstʋ mba ɩyaa ɖama se koobiya?
Cɔnɩ ɖɔɖɔ Tʋm 12:17; 18:18; Rom 16:1
Bibl taa kɩɖaŋ weyi ɩpɩzɩɣ nɛ ɩsɩnɩ-ŋ yɔ:
Mat 12:46-50—Yesu wɩlɩ kpayɩ kpayɩ se mba pɛsɛɣ Yehowa yɔ, pɛkɛ e-koobiya abalɩñɩma nɛ halɩñɩma fezuu taa
Hɩla kɩsɛsɛna wena payaɣnɩ komina lone taa caɣyaa, politiki ñʋndɩnaa, tɔm hʋyaa nɛ ñʋndɩnaa lalaa yɔ, ɛbɛ yɔɔ pɩmʋnaa se Krɩstʋ mba ɩyaa-wɛ nɛ hɩla ana?
Bibl taa kɩɖaŋ weyi ɩpɩzɩɣ nɛ ɩsɩnɩ-ŋ yɔ:
Tʋm 26:1, 2, 25—Apostoloo Pɔɔlɩ ya ñʋndɩnaa ɛzɩ Agripa nɛ Fɛsɩtuusi mbʋ yɔ nɛ pa-hɩla kɩsɛsɛna