Akpadɩyɩtʋ; akpadɩyaa

Bibl taa kɩɖaŋ weyi ɩpɩzɩɣ nɛ ɩsɩnɩ-ŋ yɔ

• Ekl 12:​1-8—Wiyaʋ Salomɔɔ yɔɔdɩ ɛjandʋ ndʋ ɛyʋ wɛɣna alɩwaatʋ ndʋ ɛkpadɩyɩɣ yɔ tɩ-taa natʋyʋ tɔm: Ɛɛtasɩɣ naʋ camɩyɛ («asɛyaa mba pɔcɔŋnɩnɩ mondoɖebɔʋ yɔ paanaɣ camɩyɛ») nɛ ɛɛtasɩɣ nɩʋ camɩyɛ («hendu pɛlaa tɩŋa ɖoŋ tɛŋ»)

Bibl taa kɩɖaŋ weyi ɩpɩzɩɣ nɛ ɩsɩnɩ-ŋ yɔ:

• 1Sa 12:​2, 23—Paa nayʋ Samɩyɛɛlɩ ɛɛkpadɩyaa yɔ ɛɛnawa se pɩɩcɛyaa se etaayele tɩmʋʋ Yehowa samaɣ yɔɔ

• 2Sa 19:​31-39—Wiyaʋ Daviid wɩlɩ akpadɩyʋ Barizilayii ɛ-ɛsɩmɩyɛ mbʋ pʋyɔɔ yɔ, ɛlɛ kaasɩnɩ-ɩ; nɛ Barizilayii wɩlaa se ɛsɩm e-ɖoŋ kamaɣ alɩwaatʋ ndʋ peheyi-i se ɛla nabʋyʋ nɛ ɛtaapɩzɩɣ pɩ-labʋ yɔ

• Ke 71:​9, 18—Sɔɔndʋ kpaɣaɣ Wiyaʋ Daviid se ɛɛwɛɣnɩ wazaɣ nakɛyɛ akpadɩyɩtʋ taa pʋyɔɔ etendi Yehowa se ɛtaalɔ-ɩ, ɛlɛ ɛha-ɩ ɖoŋ nɛ ɛwɩlɩ kpaɖʋʋ ŋgʋ kɩkɔŋ yɔ Yehowa tɔm

• Luk 2:​36-38—Ɛsɔ wazɩ nayʋ halɩñɩnʋ Ana weyi ɛɛkɛ akpadɩyʋ nɛ lelu yɔ e-siɣsiɣ wɛtʋ yɔɔ

Bibl taa kɩɖaŋ weyi ɩpɩzɩɣ nɛ ɩsɩnɩ-ŋ yɔ:

• Kiɖ 12:​1-4—Abraham kaawɛnɩ pɩnzɩ 75 lɛ Yehowa ɖʋ-ɩ tʋmɩyɛ naɖɩyɛ nɛ ɖɩlɛɣzɩ e-wezuu caɣʋ

• Dan 10:​11, 19; 12:13—Nayʋ Danɩyɛɛlɩ kaañɔtɩnɩ pɩnzɩ 100 lɛ, tiyiyu nɔɔyʋ wolo ɛ-cɔlɔ nɛ eheyi-i se ɛmʋ ñɩm Yehowa ɛsɩndaa nɛ ɛlɛ kaɣ-ɩ wazʋʋ e-siɣsiɣ wɛtʋ yɔɔ

• Luk 1:​5-13—Yehowa wazɩ Zakarii nɛ Elizaabɛɛtɩ nɛ eyele nɛ palʋlɩ Yohanɛɛsɩ pa-akpadɩyɩtʋ taa

• Luk 2:​25-35—Yehowa ha akpadɩyʋ Siimeyɔɔ waɖɛ nɛ ɛna pɩɣa ŋga kakaɣaɣ pɩsʋʋ Mesiya yɔ nɛ eyele nɛ ɛyɔɔdɩ natʋ tɔm Mesiya ɛnʋ ɛ-yɔɔ

• Tʋm 7:​23, 30-36—Nayʋ Moyizi kaawɛnɩ pɩnzɩ 80 lɛ, Yehowa lɩzɩ-ɩ se eɖiyi ɛ-samaɣ Izrayɛɛlɩ

Bibl taa kɩɖaŋ weyi ɩpɩzɩɣ nɛ ɩsɩnɩ-ŋ yɔ:

• Kiɖ 45:​9-11; 47:12—Yosɛɛfʋ tiyaa nɛ pɔkɔnɩ ɛ-caa Yakɔɔb nɛ ɛcɔnɩ ɛ-yɔɔ nɛ pɩkɔɔ pɩtalɩ ɛ-sɩm wiye

• Rut 1:​14-17; 2:​2, 17, 18, 23—Ruti tɩŋnɩ ɛ-yɔɔdaɣ nɛ ɛ-lakasɩ yɔɔ nɛ ɛɖʋ nesi halʋ akpadɩyʋ Nawomii

• Yoh 19:​26, 27—Yesu sɩkaɣ nazɩm sizika yɔɔ lɛ, ɛkpaɣ e-ɖoo nɛ ɛɖʋzɩ ɛ-apostoloo kʋsɔɔlʋ Yohanɛɛsɩ nesi tɛɛ