Tʋkaɣ ɖʋʋ ɛyaa hɛkʋ taa
Ɛzɩ Ɛsɔ ɛsɩndaa lɛ ɛyaa nabɛyɛ mʋ ñɩm nɛ pɩkpaɖɩ lalaa po-tomnaɣ tɔlɩm yɔɔ, pɔ-hɔʋ yɔɔ yaa pe-liidiye yɔɔ?
Tʋm 17:26, 27; Rom 3:23-27; Gal 2:6; 3:28
Bibl taa kɩɖaŋ weyi ɩpɩzɩɣ nɛ ɩsɩnɩ-ŋ yɔ:
Yoh 8:31-40—Yuuda mba nabɛyɛ kpazaɣ pa-tɩ nɛ pɔyɔɔdʋʋ se pɔ-cɔzɔ lɛ Abraham; ɛlɛ Yesu kalɩ-wɛ nɛ eheyi-wɛ se paalakɩ ɛzɩ Abraham yɔ
Ɛzɩ pɩmʋnaa se ɖini ɛyaa nabɛyɛ mbʋ pʋyɔɔ yɔ po-tomnaɣ tɔlɩm wɛ ndɩ nɛ ɖa-ñɩmbʋ yaa pɛ-ɛjaɖɛ wɛ ndɩ nɛ ɖa-ñɩnɖɛ na?
Bibl taa kɩɖaŋ weyi ɩpɩzɩɣ nɛ ɩsɩnɩ-ŋ yɔ:
Yon 4:1-11—Yehowa ɖʋ suuɖu nɛ ɛkpɛlɩkɩ nayʋ Yoonaa ɛzɩma ɛlɛ ɛna Niniivi ñɩma mba pɛ-ɛjaɖɛ wɛ ndɩ nɛ ɛ-ñɩnɖɛ yɔ pa-pʋtɔdɩyɛ yɔ
Tʋm 10:1-8, 24-29, 34, 35—Apostoloo Pɩyɛɛrɩ kpɛlɩkaa se pɩtɩpɔzɩ se ɛkpaɣ Sɩɩnaa layaa se pɛfɛyɩ kele kele, pʋyɔɔ ɛsɩnɩ Kɔɔrnɛɛyɩ nɛ ɛ-hɔʋ taa mba nɛ papɩsɩ kajalaɣ Krɩstʋ ñɩma mba patɩpɛlɩ-wɛ yɔ
Ɛzɩ pɩwɛɛ se Krɩstʋ ñɩma mba pɛkɛ ñɩm tɩnaa yɔ pamaɣzɩ se pakɩlɩ lalaa yaa paɖaŋ se lalaa ɩkpaɣ-wɛ se pɛwɛɛ ŋgee?
Cɔnɩ ɖɔɖɔ Wp 8:12-14; Yer 9:23, 24
Ye paha nɔɔyʋ waɖɛ se eɖiyi lalaa yɔ, ɛzɩ pɩwɩlɩɣ se ɛkɩlɩ-wɛ nɛ ɛpɩzɩɣ nɛ ɛtɔɔ kewiyitu pɔ-yɔɔ?
Bibl taa kɩɖaŋ weyi ɩpɩzɩɣ nɛ ɩsɩnɩ-ŋ yɔ:
Wp 17:18-20—Yehowa heyi Izrayɛɛlɩ awiya se pa-taa nɔɔyʋ ɛtaamaɣzɩ se ɛkɩlɩ Izrayɛɛlɩ mba lalaa, mbʋ pʋyɔɔ yɔ Ɛsɔ ɛsɩndaa lɛ pa-tɩŋa pɛkɛ koobiya
Mak 10:35-45—Yesu ñɔɔzɩ ɛ-apostoloowaa lɩmaɣza mbʋ pʋyɔɔ yɔ paasɔɔlɩ lona sɔsɔna kpem. (Cɔnɩ ɖɔɖɔ Mak 10:42 yɔɔ tɔm kɩsɔzɩtʋ «les dominent,» tɩwɛ Bible d’étude taa)
Ɛbɛ pɩwɛɛ se ɛyʋ ɛla nɛ ɛ-tɔm kɛdɩnɩ Ɛsɔ?
Ɛzɩ pɩwɛɛ se Krɩstʋ mba ɩñaɣ pana se pɛlɛɣzɩ komina paɣtʋ ndʋ pamaɣzɩɣ se tɩfɛyɩ siɣsiɣ yɔ?
Bibl taa kɩɖaŋ weyi ɩpɩzɩɣ nɛ ɩsɩnɩ-ŋ yɔ:
Yoh 6:14, 15—Pɩtɩla samaɣ maɣzaɣ se Yesu kɔŋnɩ kɩlɛɣzʋʋ nakʋyʋ ɛjaɖɛ taa nɛ pɩsɩnɩ-kɛ, ɛlɛ etitisi se pakpa-ɩ wiyaʋ nɛ ɛla ɛzɩ paamaɣzʋʋ yɔ