Takayaɣ taa tɔm

Ye nɔɔyʋ ɛwɛnɩ lɔŋsɩnɖɛ nɛ ɛɛlakɩnɩ-ɖɩ tʋmɩyɛ yɔ, pɩɩwazɩɣ-ɩ pʋyʋ. Ɛlɛ pɩpɔzʋʋ ɛyʋ tɩ luzuu pʋcɔ nɛ ɛpɩzɩ nɛ ɛlabɩnɩ tʋmɩyɛ tɔm ndʋ ɛkpɛlɩkɩɣ yɔ. Ñʋʋ kʋnɛ kɩkaɣ-ɖʋ seɣtuu se ɖɩwɛɛnɩ tɩ luzuu pɩtɩŋnɩ ɛzɩma ɖɩmaɣzɩɣnɩ ɛyaa mba pɔyɔɔdɩ pɔ-tɔm Bibl taa se posusi tɔm ɛyaa kpeekpe, patɩmɩ lalaa yɔɔ nɛ paɖaŋ se Yehowa maɣmaɣ ɛcɔnɩ tɔm natʋyʋ ɖeɖe alɩwaatʋ kɩbandʋ yɔɔ yɔ.

Ða-alɩwaatʋ kaɖɛ ñɩndʋ tʋnɛ tɩ-taa, pɩwɛ kɛlɛʋ se kala ndɩ ndɩ wena ɖɩkatɩɣ yɔ, ayele nɛ pitibi-ɖʋ yɔɔɔ. Yehowa nɛ Yesu pasɩɣnɩ-ɖʋ se ɖɩlʋbɩnɩ-yɛ. Ɛlɛ pɩwɛɛ se ɖa-tɩŋa ɖiseɣti ɖama nɛ ɖɩkpazɩ ɖama ɖoŋ. Ñʋʋ kʋnɛ kɩwɩlɩɣ-ɖʋ ɛzɩma ɖɩpɩzɩɣ ɖɩkpazɩ ɖama ɖoŋ nɛ sɔɔlɩm yɔ.

Yehowa kɛ Ɛsɔ koboyaɣ tʋ weyi ɛsɔɔlaa se ɛ-sɛyaa ɩwɛɛ koboyaɣ taa ɖɔɖɔ yɔ. Ɛlɛ ɛzɩma ɖɩpɩzɩɣ nɛ ɖɩkɛ koboyaɣ tɩnaa paa ɖɩkatɩɣ kala ndɩ ndɩ Sataŋ ɛjaɖɛ ɖɩnɛ ɖɩ-taa? Pʋʋ Yɔɔ Tɔm Yɔɔdʋʋ taa, Yesu yɔɔdɩ wɛtʋ ndɩ ndɩ ndʋ tɩpɩzɩɣ nɛ tɩsɩnɩ-ɖʋ nɛ ɖɩwɛɛ tam tam koboyaɣ taa yɔ tɩ-tɔm.

Paa ɖɩwɛ ɛjaɖɛ nɖɩ ɖɩ-taa ɛyaa sɔɔlɩ piɖeni men- ɖeke wɛtʋ siŋŋ yɔ, sɔɔlɩm siŋŋ wɛ Krɩstʋ ɛgbɛyɛ taa. Sɔɔlɩm mbʋ pɩ-hɔɔlʋʋ nakʋyʋ lɛ, ɛyaa lalaa yɔɔ maɣzʋʋ mbʋ pɩ-tɔm ñʋŋ ɩnɛ ɩ-naalɛ ɩyɔɔdʋʋ yɔ. Kajalaɣ lɛ, ɖɩkaɣ naʋ ɛzɩma Yehowa kɛnɩ kɩɖaʋ ŋgʋ kɩ-wayɩ fɛyɩ yɔ, lalaa yɔɔ maɣzʋʋ nʋmɔʋ taa yɔ. Nɛ pʋwayɩ lɛ, ɖɩyɔɔdɩ ɖɔɖɔ nʋmɔŋ ndɩ ndɩ weyi ɩ-yɔɔ ɖɩpɩzɩɣ nɛ ɖɩtɩŋna nɛ ɖɩmaɣzɩnɩ-ɩ yɔ.