Mbʋ pɩlɩ tɔm susuu taa yɔ
Santrafriki ɛjaɖɛ taa ɛyaa mba pɔkɔm Yesu sɩm yɔɔ tɔzʋʋ sɔnzɩ ɖɩlaɖɛ avril taa yɔ, pɛkpɛndɩ 16350. Wiɖiyi ɛyaa tɩkɔɔ sɔnzɩ nzɩ sɩ-ɖɩlaɖɛ ɛjaɖɛ nɖɩ ɖɩ-taa nɛ pɔɖɔɔ mbʋ. Ɛyaa 3614 sɔzɩnɩ pinde pɩnaɣ taa ɛyaa mba paakɔma yɔ, pɔ-yɔɔ. Caadɩ ɛjaɖɛ taa lɛ, ɛyaa 4582 kɔmnɩ sɔnzɩ nzɩ si-ɖeɖe. Tɔm susuyaa 132 mba pɛwɛ Kiinee Pisoo ɛjaɖɛ taa yɔ, pɛkpɛlɩkɩnɩ Bibl ɛyaa 549 mars 2015 fenaɣ taa. Pɩwɩlɩɣ se tɔm susuyu kʋyʋm kpɛlɩkɩnɩ ɛyaa mba yɔ, pɛcɛzɩ naanza. Koobiya 58 kaalabɩnɩ nʋmɔʋ lɩzʋʋ tʋmɩyɛ. Fenaɣ kʋyʋmaɣ ŋga ka-taa, takayɩsɩ, hatʋ cabɩ takayɩsɩ nɛ fenaɣ fenaɣ takayɩsɩ nzɩ Malii nɛ Seneegaalɩ ajɛɛ taa koobiya hawa yɔ, sɩɖɔwa nɛ pɩkɩlɩ nzɩ patɩɩhaɣ yɔ. Ɛyaa mba pɛkpɛlɩkɩnɩ Bibl nɛ pɩsɩ nɛ ŋna-ɩ waa mba palaba yɔ patasɩ ɖɔʋ nɛ pɩkɩlɩ. Pɩwɩlɩɣ se Yesu sɩm yɔɔ tɔzʋʋ alɩwaatʋ ndʋ tɩ-taa, Koobiya wɩlɩ ɛsɩmɩyɛ pɩdɩɩfɛyɩ.—2 Kɔr. 5:14.