Tɔm cosuu aɖakaɣ

◼ Alɩwaatʋ ndʋ pɩmʋnaa se ɖiyele ɛyʋ nɔɔyʋ Bibl kpɛlɩkɩnʋʋ?

Ye Bibl kpɛlɩkɩyʋ nɔɔyʋ eewokini ɛzɩdaa fezuu taa yɔ, pɩpɩzɩɣ pɩpɔzɩ se ɖɩkpaɣnɩ lɛɣtʋ yɔɔ nɛ ɖiyebi-i kpɛlɩkɩnʋʋ. (Mat. 10:11) Pɔzɩ ña-tɩ se: Ɛɖɔŋ kpɛlɩkʋʋ ɖʋtʋ yɔɔ? Ɛñɔɔzʋʋ kpɛlɩkʋʋ pʋcɔ nɛ mowoki ɛ-cɔlɔ? Ɛtɛm kɔm ɛgbɛyɛ taa kediɣzisi nasɩyɩ taa nɛ ɛna? Eheyiɣ lalaa ndʋ ɛkpɛlɩkɩɣ yɔ? Ɛwɛɛ ɛlakɩ lɛɣzɩtʋ ɛzɩ Bibl paɣtʋ pɔzʋʋ yɔ? Ɛlɛ taasɔɔ se ɛyaa wɛ ndɩ ndɩ, pa-pɩnzɩ, pɛ-lɛɣtʋ nɛ ɛzɩma powokini ɛzɩdaa yɔ pɩfɛyɩ kɩmaŋ. Ye ña nɛ nɔɔyʋ iyebi Bibl kpɛlɩkʋʋ yɔ, yele nɛ ɛna se paa pʋwayɩ ɛsɔɔlaa yɔ, ña nɛ ɩ ɩpɩzɩɣ nɛ ɩɖaɣnɩ paɣzʋʋ kpɛlɩkʋʋ.​—1 Tim. 2:4.