Ye ŋkɔtɩ nɔnɔɔ nɛ pɩɣa nakɛyɛ kɔɔ katʋlɩ?

Ye ɖɩkɔtɩ nɔnɔɔ nɛ pɩɣa nakɛyɛ kɔɔ katʋlɩ yaa ɖɩtalɩ ɖɩɣa nakɛyɛ taa nɛ ɖɩmaɣnɩ pɩɣa yɔ, pɩwɛɛ se ɖɩpɔzɩ ka-lʋlɩyaa yɔɔ. Ye ɖɩlabɩ mbʋ yɔ pɩwɩlɩɣ se ɖɩwɛnɩ ñamtʋ. (Ad 6:20) Pɩfɛyɩ ɖeu se ɖɩsʋʋ ɖɩɣa taa yaa ɖɩpaɣzɩ pɩɣa yɔɔdɩnʋʋ ye lʋlɩyaa ɩtɩha-ɖʋ nʋmɔʋ yɔ. Ye ka-lʋlɩyaa ɩfɛyɩ ɖɩɣa yɔ, pɩkɩlɩɣ ɖeu se ɖɩɖɛɛ nɛ ɖɩɩpɩsɩ pʋwayɩ.

Paa pɩɣa ŋga kɔñɔtɩnɩ pɩnzɩ 20 yɔ, pɩwɛɛ ɖɔɖɔ se ɖɩpɔzɩ ka-lʋlɩyaa yɔɔ. Ye pɛfɛyɩ yɔ, ɖɩpɩzɩɣ ɖɩpɔzɩ-kɛ nɛ ɖɩna se ka-lʋlɩyaa ha-kɛ nʋmɔʋ se kakalɩ takayɩsɩ nzɩ kɔsɔɔlaa yɔ. Ye paha-kɛ nʋmɔʋ yɔ, ɖɩpɩzɩɣ ɖɩha-kɛ takayaɣ yaa ɖiseɣti-kɛ nɛ kowolo jw.org yɔɔ.

Ye ɖɩpɩsaa se ɖɩna pɩɣa ŋga ɖɩɩha-kɛ takayaɣ nakɛyɛ yɔ, pɩwɛɛ se ɖɩpɔzɩ ka-lʋlɩyaa yɔɔ. Piyeki nɛ ɖiheyi-wɛ mbʋ pʋyɔɔ ɖiwoki ɛyaa cɔlɔ yɔ, nɛ ɖihiɣ waɖɛ nɛ ɖɩwɩlɩ-wɛ Bibl lɔŋ tasʋʋ kɩbam mbʋ pɩpɩzɩɣ pɩsɩnɩ pɔ-hɔʋ yɔ. (Keɣa 118:86, 138) Ye ɖɩwɩlɩɣ ñamtʋ lʋlɩyaa yɔ, pɩlɩzɩɣ aseɣɖe kɩbanɖɛ nɛ pɩpɩzɩɣ pɩha-ɖʋ waɖɛ nɛ ɖisusi-wɛ Ɛsɔtɔm.​—1Pɩy 2:12.