Ɛzɩma abalʋ nɛ ɛ-halʋ papɩzɩɣ pɛcɛyɩsɩ pe-nesi ɖɔkʋʋ?

Abraham nɛ Saara pɛkɛ kɩɖaʋ kɩbaŋʋ nesi ɖɔkɩyaa, mbʋ pʋyɔɔ yɔ paasɔɔlɩ ɖama nɛ pɛwɛɛnɩ ñamtʋ ɖama yɔɔ. (Kiɖe 12:11-13; 1Pɩ 3:6) Paa mbʋ yɔ, pe-nesi ɖɔkʋʋ taatalɩ pilim nɛ paakatɩ kala pe-wezuu caɣʋ taa. Ɛbɛ nesi ɖɔkɩyaa pɩzɩɣ nɛ pɛkpɛlɩkɩ pɩtɩŋnɩ Abraham nɛ Saara pa-kɩɖaʋ yɔɔ?

Ðama yɔɔdɩnʋʋ. Ye nabʋyʋ eyeba nɛ pɩwɩzɩ ñɛ-tɛŋga nɛ ɛyɔɔdɩ tɔm ndʋ tɩtɩmʋna yɔ, cosi-i nɛ nɔɔ kɩbaŋa. (Kiɖe 16:5, 6) Ɩlakɩ ɖʋtʋ nɛ ɩcakɩ ɖama cɔlɔ ɖoŋ ɖoŋ. Tɩŋnɩ ñɔ-yɔɔdaɣ nɛ ña-lakasɩ yɔɔ nɛ ŋwɩlɩ ñɛ-tɛŋga se ŋsɔɔlɩ-ɩ. Mbʋ pɩcɛyaa nɛ pɩkɩlɩ yɔ lɛ se mɩ-naalɛ ɩcɛyɩsɩ mɩ nɛ Yehowa mɩ-taabalɩyɛ pɩtɩŋnɩ ɛzɩma ɩkpɛndɩɣ nɛ ɩkpɛlɩkɩɣ, ɩtɩmɩɣnɩ-ɩ nɛ ɩsɛɛ-ɩ yɔ pɩ-yɔɔ. (Ekl 4:12) Ye abalʋ nɛ ɛ-halʋ pɛcɛyɩsɩ pe-nesi ɖɔkʋʋ yɔ, pɩɖʋʋ hɩɖɛ Yehowa weyi ɛlabɩ nesi ɖɔkʋʋ ɖʋtʋ kɩbandʋ ndʋ yɔ.

CƆNƖ VIDEO CƐYƖSƖ ÑA NƐ ÑƐ-TƐŊGA MƖ-TAABALƖYƐ, NƐ PƲWAYƖ LƐ ŊCOSI TƆM PƆZƲƲ PƲNƐ PƖ-YƆƆ:

• Ɛbɛ wɩlɩɣ video taa se Shaan nɛ Kiara paawɛɛ nɛ poposuuni ɖama pazɩ pazɩ?

• Ɛbɛ yɔɔ pɩcɛyaa se nesi ɖɔkɩyaa ɩtaamɛɛsɩɣ ɖama tɔm ɛlɛ peheyiɣ ɖama toovenim?

• Ɛzɩma Abraham nɛ Saara pa-kɩɖaʋ sɩnɩ Shaan nɛ Kiara?

• Nɩŋgbanzɩ nzɩ Shaan nɛ Kiara pɛkpɛzaa se pɛcɛyɩsɩ pe-nesi ɖɔkʋʋ?

• Ɛbɛ yɔɔ pɩfɛyɩ se abalʋ nɛ ɛ-halʋ pa-taa paa weyi lɛ ɛñɩnɩ pilim wɛtʋ lɛlʋ cɔlɔ?