Ðɩwɛɛ niye tɔm susuu taa nɛ pɩkɩlɩ—Ðɩtɩŋnɩ camera waa nɛ interphone waa yɔɔ nɛ ɖisusi tɔm

ƐBƐ YƆƆ PƖCƐYAA?: Puuyaɣ lakasɩ wɛɛ nɛ sɩtɔyʋʋ, pɩtasɩ lɛ pɛwɛɛ nɛ palɩzɩɣ ɛjaɖɛ yɔɔ lɛɣtʋ wondu kɩfatʋ ɖoŋ ɖoŋ, pʋyɔɔ ɛyaa sakɩyɛ cakɩ pa-ɖɩsɩ taa nɛ patɩŋɩɣnɩ ɛjaɖɛ yɔɔ lɛɣtʋ wondu ɛzɩ camera waa yaa interphone waa yɔɔ, yaa nʋmɔŋ lɛɛŋ yɔɔ nɛ pɔyɔɔdʋʋnɩ lalaa awayɩ sɛ pɩsa nɛ pakandɩyɩ pe-weziŋ yɔɔ. Sɔɔndʋ pɩzɩɣ nɛ pɩkpa-ɖʋ se ɖisusi tɔm weyi ɛwɛɛ nɛ ɛnaɣ-ɖʋ, ɛlɛ ɖaanaɣ-ɩ yɔ. Lɔŋ tasʋʋ mbʋ pɩkɔŋ yɔ, pɩpɩzɩɣ nɛ pɩsɩnɩ-ɖʋ nɛ ɖɩtɩŋnɩ camera yaa interphone yɔɔ nɛ ɖisusi tɔm camɩyɛ.

ƐZƖMA PƖWƐƐ SE ÐƖLA YƆ:

• Wɛɛnɩ lɩmaɣza kɩbana. Ɛyaa mba pɛwɛnɩ camera yaa interphone yɔ, pa-taa sakɩyɛ sɔɔlaa se pewelisini-ɖʋ.

• Tɔzɩ se camera waa nabɛyɛ pɩzɩɣ nɛ pakpaɣ tɔm ndʋ ŋyɔɔdʋʋ yɔ tataɣ nakɛyɛ yɔɔ. Pʋyɔɔ lɛ, ŋñɩtɩɣ nɛ ŋtalɩ ɖɩɣa nɔnɔɔ taa lɛ, ɖɩɣdʋ pɩzɩɣ nɛ ɛna-ŋ nɛ ɛnɩɩ tɔm ndʋ ŋyɔɔdʋʋ yɔ, halɩ pʋcɔ nɛ ŋkɔtɩ nɔnɔɔ yɔɔ

• Alɩwaatʋ ndʋ ŋyɔɔdʋʋnɩ ɖɩɣdʋ yɔ, ñɛ-ɛsa ɛwɛɛ interphone yaa camera yɔɔ nɛ ŋyɔɔdʋʋ ɛzɩ ŋwɛɛ nɛ ŋnaɣ-ɩ yɔ. Mʋʋyɩ nɛ ŋlabɩnɩ tʋmɩyɛ ño-tomnaɣ pilinzi ɛzɩ ɖɩɣdʋ maɣmaɣ wɛnɩ ñɛ-ɛsɩndaa yɔ. Yɔɔdɩ tɔm ndʋ ŋŋɖʋwa se ŋheyiɣ-i ye ŋna ɛ-maɣmaɣ yɔ. Ye pɩkɛ camera yɔ ñɛ-ɛsa ɛtaakɩlɩ-kʋ ñɔtɩnʋʋ. Ye ɖɩɣdʋ eecosuu yɔ, taayɔɔdɩ tɔm natʋyʋ se pʋwayɩ lɛ, eewelisi-tʋ

• Taasɔɔ se paa ña nɛ ɖɩɣdʋ ɩtɛm labʋ kɛdaɣ yɔ, ɛpɩzɩɣ nɛ ɛnɩɩ ndʋ ŋɖiɣni yɔɔdʋʋ nɛ ɛna ɖɔɖɔ mbʋ ŋɖiɣni labʋ ɛ-nɔnɔɔ taa yɔ