29 JUILLET–4 AOÛT
KEƔA 69
Hendu 13 nɛ adɩma | Kɔɔnɔɔ tɔm (C. 1)
1. Tɔm ndʋ Keɣa 69 kaayɔɔdaa pɩlɩɩnɩ Yesu wezuu caɣʋ yɔɔ?
(C. 10)
Paa Yesu ɛtaala kɩdɛkɛdɩm nabʋyʋ yɔ paapaɖɩ-ɩ (Ke 69:4; Yoh 15:24, 25; w11 15/8 11 § 17)
Yesu kaalʋbɩ toovenim Ɛsɔ sɛtʋ yɔɔ nɛ kpekpeka (Ke 69:9; Yoh 2:13-17; w10 15/12 8 § 7-8)
Yesu kaanɩ siziŋ nɛ paha-ɩ vɛɛ ŋgʋ pesidi kɩ-taa kɔyɛ nɖɩ ɖɩwɛ ñaŋ yɔ (Ke 69:20, 21; Mat 27:34; Luk 22:44; Yoh 19:34; g95 22/10 31 § 4; it-2 600)
MAƔZƖ TƆM TƲNƐ TƖ-YƆƆ: Ɛbɛ yɔɔ Yehowa yeba nɛ pama Mesiya yɔɔ natʋ tɔm Ebree Masɩ taa?
2. Fezuu taa ñɩm
(C. 10)
Ke 69:30, 31—Ɛzɩma masɩ sɩnɛ sɩpɩzɩɣ sɩsɩnɩ-ɖʋ nɛ ɖɩñɔɔzɩ ɖa-adɩma nɛ awɛɛ ɖeu nɛ pɩkɩlɩ? (w99 15/1 18 § 11)
Ŋkalɩ kpɩtaʋ kʋnɛ kɩ-tɛ Bibl hɔɔlʋʋ lɛ, fezuu taa ñɩm mbʋ ŋhiɣaa nɛ ŋsɔɔlɩ se ŋkɛdɩ-ɖʋ pɩ-tɔm?
3. Bibl kalʋʋ
(C. 4) Ke 69:1-25 (th tɔm kɩkpɛlɩkɩtʋ 2)
4. Wɛɛ suuɖu—Mbʋ Yesu laba yɔ
(C. 7) Tɔm taa tazʋʋ. Yele nɛ paɖʋ VIDEO, nɛ pʋwayɩ lɛ ɩtazɩ lmd tɔm kɩkpɛlɩkɩtʋ 8 hɔɔlʋʋ 1-2 taa.
5. Wɛɛ suuɖu—Maɣzɩnɩ Yesu
(C. 8) Tɩŋnɩ lmd tɔm kɩkpɛlɩkɩtʋ 8 hɔɔlʋʋ 3-5 nɛ «Masɩ lɛɛsɩ» yɔɔ nɛ ɩtazɩ tɔm taa.
Hendu 134
6. Ɛgbɛyɛ taa kɩcɛyɩm
(C. 5)
7. Hɔʋ taa Ɛsɔ sɛtʋ yɔɔ lɔŋ tasʋʋ
(C. 10) Tɔm taa tazʋʋ.
Janvier 2009 taa, pɛkpɛndɩ ɛgbɛyɛ taa takayaɣ kpɛlɩkʋʋ, teokrasɩ Ɛsɔ sɛtʋ sukuli, nɛ Ɛsɔ sɛtʋ tʋmɩyɛ kediɣzaɣ nɛ pɩkɛ kediɣzaɣ kʋɖʋmaɣ nɛ payaɣ-kɛ se kpɩtaʋ hɛkʋ taa kediɣzaɣ. Pɩha waɖɛ hɔŋ se ɩlɩzɩ kɩyakʋ nakʋyʋ kpɩtaʋ taa nɛ ɩlakɩ hɔʋ taa Ɛsɔ sɛtʋ. Sakɩyɛ lɩzɩ pɛ-ɛsɩmɩyɛ nɛ pawɩlɩ ɖʋtʋ ndʋ tɩ-yɔɔ, mbʋ pʋyɔɔ yɔ tɩsɩnɩ-wɛ nɛ pɔñɔtɩnɩ Yehowa nɛ pɛtɛ pɔñɔtɩnɩ ɖama hɔʋ taa nɛ pɩkɩlɩ.—Wp 6:6, 7.
Lɔŋ tasʋʋ mbʋ pɩzɩɣ nɛ pɩsɩnɩ hɔŋ ñʋndɩnaa nɛ pala hɔʋ taa Ɛsɔ sɛtʋ camɩyɛ?
Lakɩ-tʋ ɖoŋ ɖoŋ. Ye pɩsaŋ yɔ lɩzɩ alɩwaatʋ ndʋ tɩ-yɔɔ ɩlakɩ hɔʋ taa Ɛsɔ sɛtʋ paa kpɩtaʋ ŋgʋ yɔ. Lɩzɩ ɖɔɖɔ alɩwaatʋ lɛɛtʋ ndʋ tɩ-yɔɔ ɩpɩzɩɣ nɛ ɩlabɩ-tʋ ye ɩtɩpɩzɩ nɛ ɩlabɩ-tʋ alɩwaatʋ ndʋ ɩɩɖʋwa yɔ tɩ-yɔɔ yɔ.
Ñɔɔzɩ mbʋ ɩkaɣ kpɛlɩkʋʋ yɔ. Pɔzɩ lɔŋ tasʋʋ ña-halʋ, nɛ nabʋyʋ taa ŋpɩzɩɣ ɖɔɖɔ nɛ ŋpɔzɩ lɔŋ tasʋʋ mi-piya. Pɩtɩcɛyɩ se mɩ-tɩ ñɔɔzʋʋ ɛkpaɣ alɩwaatʋ sakɩyɛ, kɔzɩ kɔzɩ ye pʋyʋ kʋɖʋm ɩlakɩ paa kpɩtaʋ ŋgʋ yɔ.
La ɖʋtʋ ndʋ tɩmʋnɩ ñɔ-hɔʋ wɛtʋ yɔ. Piya wɛɣ nɛ sɩpaɣlɩɣ lɛ, sɩ-kɩcɛyɩm nɛ mbʋ sɩpɩzɩɣ labʋ yɔ pɩlɛɣzɩɣ. Pɩpɔzʋʋ se ɖʋtʋ ndʋ ŋlakɩ yɔ, tɩsɩnɩ paa hɔʋ taa tʋ weyi lɛ nɛ ɛɖɛɛnɩ ɛsɩndaa fezuu taa.
Yele nɛ kpɛlɩkʋʋ alɩwaatʋ kɛ taa leleŋ alɩwaatʋ. Ye ɛsɔdaa wɛtʋ ɛhaɣ nʋmɔʋ yɔ, nabʋyʋ taa ɩpɩzɩɣ nɛ ɩcaɣ awayɩ nɛ ɩla hɔʋ taa Ɛsɔ sɛtʋ. Ye pɩpɔzʋʋ yɔ, ɩpɩzɩɣ nɛ ɩhɛzɩ. Paa pɩwɛɣ ɖeu se ɩyɔɔdʋʋ kala wena mɩ-hɔʋ katɩɣ yɔ a-tɔm yɔ, pɩɩwɛɣ ɖeu se ɩkalɩɣ piya yaa ɩhɔŋ sɩ-nɩŋgbaaŋ hɔʋ taa Ɛsɔ sɛtʋ alɩwaatʋ taa.
Mbʋ ɩkpɛlɩkɩɣ yɔ pɩtaakɛ pʋyʋ kʋɖʋm. Kɩɖaʋ nakʋyʋ yɔ. Ɩpɩzɩɣ nɛ ɩñɔɔzɩ kediɣzaɣ ŋga ɩkaɣ labʋ yɔ kɔ-hɔɔlʋʋ nakʋyʋ, ɩcɔnɩ jw.org yɔɔ video nakʋyʋ nɛ ɩtazɩ kɩ-taa, yaa ɩla la ŋwɩlɩwaa nabɛyɛ pɩlɩɩnɩ ɛzɩma ɩpɩzɩɣ nɛ ɩpaɣzɩ kɛdaɣ tɔm susuu taa yɔ pɩ-yɔɔ. Paa pɩwɛɛ se ɩkpaɣ hɔʋ taa Ɛsɔ sɛtʋ alɩwaatʋ hɔɔlʋʋ sɔsɔʋ nɛ ɩkpɛndɩ nɛ ɩkpɛlɩkɩ yɔ, ɩpɩzɩɣ ɖɔɖɔ nɛ ɩkazɩ alɩwaatʋ natʋyʋ nɛ paa weyi ɛla ɛ-tɩ yɔɔ kpɛlɩkʋʋ.
Ɩtazɩ tɔm pɔzʋʋ pʋnɛ pɩ-taa:
Ɛzɩma ŋñaɣ pana nɛ ŋlabɩnɩ tʋmɩyɛ lɔŋ tasʋʋ pʋnɛ ñɔ-hɔʋ taa Ɛsɔ sɛtʋ alɩwaatʋ taa?
8. Ɛgbɛyɛ taa Bibl kpɛlɩkʋʋ
(C. 30) bt ñʋʋ 13 § 8-16, hɔɔlʋʋ 105 yɔɔ aɖakaɣ