Ŋŋsɩm-tʋ?

Ɛbɛ yɔɔ pɩɩlabɩ ɖeu se Yehowa ha Izrayɛɛlɩ piya nʋmɔʋ se sɩkpaɣ hoomataŋ nɛ ahoo nɛ sɩlaa kɩlaŋ?

MOYIZI Paɣtʋ tɛɛ, Yehowa tisaɣ se pakpaɣ hoomataŋ nɛ ahoo nɛ palaanɩ-ɩ kɩlaŋ. Ðenɖe pɔyɔɔdɩ kɩlaŋ tɔm yɔ, alɩwaatʋ ndʋ payɩ pɔyɔɔdʋʋ sumasɩ nzɩ sɩ-taa nakɛyɛ tɔm yɔ pɔyɔɔdʋʋ ɖɔɖɔ lɛɛka tɔm peeɖe. Nɛ papɩzaɣ se pakpaɣ lɛɛka nɛ pɛlɛɣzɩnɩ lɛɛka lone taa. (Lev. 1:14; 12:8; 14:30) Ɛbɛ yɔɔ pɩɩwɛ ɖeu? Lɩmaɣzɩyɛ naɖɩyɛ lɛ se hoomataŋ taawɛɛ paa ɛzɩmtaa. Ɛbɛ yɔɔ?

Hoomataŋ kɛ sumasɩ nzɩ sɩɩcakɩ lone kʋɖʋmɖɩyɛ taa yɔ. Soŋaɣ fenasɩ taa lɛ sɩwɛɣ Izrayɛɛlɩ ɛjaɖɛ taa. Paa pɩnaɣ ŋga, Aloma fenaɣ lɩɣ lɛ, sɩkʋyʋʋ nɛ sɩɖɛɛnɩ hadɛ kiŋ ajɛɛ wena a-taa soŋaɣ wɛɛ yɔ a-taa, nɛ soŋaɣ alɩwaatʋ talɩɣ Izrayɛɛlɩ taa lɛ sɩɖaɣnɩ pɩsʋʋ peeɖe. (Won. 2:11, 12; Yer. 8:7) Pɩwɩlɩɣ se caanaʋ taa Izrayɛɛlɩ taa pɩɩwɛ kaɖɛ se Izrayɛɛlɩ piya ɩlaa hoomataŋ niŋkaɣ alɩwaatʋ taa.

Hɔɔlʋʋ lɛɛkʋ taa lɛ, ahoo kɛ sumasɩ nzɩ sɩɩlɛɣzɩɣ lone, nɛ sɩwɛ Izrayɛɛlɩ taa pɩnaɣ kpeekpe yɔ. Pɩtasɩ lɛ, pɔɖɔʋ ahoo ɖɩsɩ taa. (Kpaɣ-tʋ nɛ ŋmaɣzɩnɩ Yohanɛɛsɩ 2:14, 16.) Takayaɣ nakɛyɛ (Bible Plants and Animals) yɔɔdaa se: “Pɔɖɔwaɣ ahoo Palɛstiini tɛtʋ cikpetu nɛ tɛtʋ sɔsɔtʋ kpeekpe taa. Paa ɖɩɣdʋ weyi lɛ, ɛɛwɛnɩ sumasɩ kuduyuu, yaa pɔʋ koloŋa taa, ɖenɖe sumasɩ pɩzaɣ se sɩsʋʋ yɔ.”—Kpaɣ-tʋ nɛ ŋmaɣzɩnɩ Izaayii 60:8.

Yehowa tisaɣ se pakpakɩɣ sumasɩ nzɩ papɩzɩɣ nɛ pana-sɩ kɛlɛʋ Izrayɛɛlɩ taa pɩnaɣ kpeekpe yɔ nɛ palaanɩ-ɩ kɩlaʋ, pɩwɩlɩɣ se ɛkɛ sɔɔlɩm tʋ nɛ ɛnɩɣ tɔm taa.