Le ŋpɩzɩɣ nɛ ŋlɩɩ lɔŋ tasʋʋ mbʋ pataɣ-pʋ liu yɔ pɩ-yɔɔ sɔnɔ?

Ðɛ-ɛjaɖɛ ɖɩnɛ ɖɩwɛɛ nɛ ɖɩlɛɣzɩɣ lɛɛ lɛɛ, ye mbʋ ɛbɛ pɩzɩɣ pɩsɩnɩ-ŋ nɛ ña-taa tɛ se mbʋ ŋlɩzɩɣ se ŋlakɩ yɔ pɩkaɣ yebu nɛ ŋhiɣ koboyaɣ? Ɛbɛ pɩzɩɣ pɩsɩnɩ-ŋ nɛ ña-taa tɛ se mbʋ ŋnawa se pɩkɛ kɩbam sɔnɔ yɔ cee lɛ pɩtaapɩsɩ mbʋ pɩkɛ kɩdɛkɛdɩm yɔ ñɛ-ɛsɩndaa?

Bibl pɩzɩɣ kɩsɩnɩ-ŋ nɛ ŋkpaɣ lɩmaɣza, nɛ ŋŋkaɣ kpiɖuu a-yɔɔ kpa. Ɛzɩma pɩpɩzɩɣ nɛ pɩla mbʋ? Bibl lɩnɩ ɖa-Lɩzɩyʋ cɔlɔ, nɛ ɛsɩm mbʋ pɩsɩɣnɩ-ɖʋ se ɖihiɣ koboyaɣ siŋŋ nɛ ɖɩwɛɛ pɛɛyɛ taa yɔ.

Ðɩpɩzɩɣ nɛ ɖɩtaa liu lɔŋ tasʋʋ mbʋ pɩwɛ Bibl taa yɔ. ‘Pɩmʋnaa se ɛyʋ ɛtaa-pʋ liu paa ɛzɩmtaa, lɛɛlɛɛyɔ nɛ tam tam.’—Keɣa 111:8.

Ɛzɩma ɖɛ-ɛjaɖɛ ɖɩnɛ ɖɩwɛɛ nɛ ɖɩlɛɣzɩɣ paa ɛzɩmtaa yɔ, pɩɩwɛɣ ɖeu se ña-maɣmaɣ ŋtazɩ nɛ ŋna ɛzɩma Bibl pɩzɩɣ nɛ kɩsɩnɩ-ŋ yɔ?