Yehowa Aseɣɖe Tɩnaa kɛnɩ Protestant waa yaa we?

Aayɩ. Ða Yehowa Aseɣɖe Tɩnaa ɖɩkɛ Krɩstʋ mba, ɛlɛ ɖɩɩkpakɩɣ ɖa-tɩ se ɖɩkɛ Protestant waa. Ɛbɛ yɔɔ?

Palɩzɩ pɩ-taa se Protestant waa kɛnɩ “Ɛsɔ sɛtʋ agbaa wena akaɖɩɣnɩ Roma Katooliki cooci yɔ.” Pɩkɛ toovenim se Yehowa Aseɣɖe Tɩnaa iitisiɣ Katooliki cooci wɩlɩtʋ yɔɔ, ɛlɛ lɩmaɣza wena akɔŋ yɔ a-yɔɔ lɛ, ɖɩɩkpakɩɣ ɖa-tɩ se ɖɩkɛnɩ Protestant waa:

1. Protestant waa wɩlɩtʋ sakɩyɛ kaɖɩɣnɩ ndʋ ɖeyi ɖeyi Bibl wɩlɩɣ yɔ. Kɩɖaʋ nakʋyʋ yɔ: Bibl wɩlɩɣ se “Ɛsɔ kɛ kʋyʋm” ɛtɩkɛ Trinita. (1 Timootee 2:5; Yohanɛɛsɩ 14:28) Bibl wɩlɩ kpayɩ kpayɩ se Ɛsɔ kaɣ ɖɩzʋʋ kɩwɛɛkɩm laɖaa kpaagbaa ɖɩzʋʋ, kɩtɩyɔɔdɩ se ɛɖʋʋ-wɛ miŋ maatɛŋ taa.​—Keɣa 36:9; 2 Tesalooniiki 1:9.

2. Ðɩɩkaɖɩɣnɩ Katooliki cooci nɛ ɖɩɩlʋkɩ se Katooliki cooci yaa cooci nakʋyʋ ɛlɛɣzɩ kɩ-wɩlɩtʋ. Ɛlɛ ɖisusuu Ɛsɔ Kewiyaɣ tɔm kɩbandʋ nɛ ɖɩñakɩ pana se ɖɩsɩnɩ ɛyaa lalaa nɛ petisi tɔm kɩbandʋ ndʋ tɩ-yɔɔ. (Maatiyee 24:14; 28:19, 20) Ðɩɩñakɩ pana se ɖɩlɛɣzɩ cooci nakʋyʋ wɩlɩtʋ, ɛlɛ ɖɩsɔɔlaa se ɖɩwɩlɩ laŋa kɩbana tɩnaa Ɛsɔ nɛ Bibl pɔ-yɔɔ toovenim tɔm.​—Koloosi 1:​9, 10; 2 Timootee 2:​24, 25.