Ɛbɛ pʋwɛɛ se ŋla?

50 Ŋsɔɔlaa se ŋcaɣ wezuu tamtam kajʋka paradisuu ŋgʋ kɩ-taa?

Yee mbʋ, kpɛlɛkɩ, nɛ ŋsɩ Ɛsɔ pʋɖɔɔ. Ñaɣ pana ŋkpɛlɛkɩ Bibl kalʋʋ.—Yohanɛsɩ 17:3; Tɔmlɩzɩʋ 1:3

51 Kpɛlɛkɩ nɛ ŋsɩ Yeesu ɖeu.—Mooyiizi V, 18:18, 19; Yohanɛsɩ 3:16; Tʋmalabʋ 3:19-23

52 Ñaɣ pana ŋla kɩbam ɖeke; ŋña Yehowa.— Romañɩma 6:17, 18, 22

53 Tɔzɩ, Yehowa tɔma se ɖɩdaakʋ ɛyaa.—Mooyiizi II, 20:13; Yohanɛsɩ I, 3:11, 12

54 Ðɩdaakpaɣ mbʋ pɩkɛ lalaa ñɩm yɔ.—Mooyiizi II, 20:15; Efɛzɩñɩma 4:28

55 Abalʋ ɛdaacaɣ, yaa ɛdaasʋʋna halʋ nɔɔyʋ yee pɩdɛkɛ ɛ-halʋ.—Mooyiizi II, 20:14, 17; Tesalonikañɩma I, 4:3

56 Ŋtɔzɩ halaa ɛzɩma Ɛsɔ ha waɖɛ abalʋ se ɛwɛɛna yɔ? Halʋ nɛ abalʋ, pɛwɛɣ pɩsɩɩna ɛzɩmtaa?—Mooyiizi I, 2:22, 24; Matiyee 19:5, 6; Kɔrɩntɩñɩma I, 7:2, 10, 11

57 Tɔzɩ ɖɔɖɔ se, Yehowa ɖeke pʋwɛɛ se ɖɩsɛɛ.—Matiyee 4:10; Kɔrɩntɩñɩma I, 8:6

58 Sɩɩnaa nɛ kumola, paapɩzɩɣ pasɩna-ɖʋ. Ɛbɛ yɔɔ?—Kɔrɩntɩñɩma I, 8:4

Pʋwɛ ɖeu se ɛyʋ ɛwɛɛna sɩɩnaa na?—Mooyiizi V, 27:15; Yohanɛsɩ I, 5:21

59 Ɛbɛ yɔɔ pɩfɛyɩ ɖeu se ɛyʋ ɛwɛɛna kɩnaʋ nɛ ɛhɔkɩ fadɩŋ?—Mooyiizi V, 18:10-13; Tɔmlɩzɩʋ 21:8

60 Ɛsɔtiiyaa kɩdɛkɛdaa, yaa feziŋ kɩdɛkɛdɩŋ kandayɩna Ɛsɔ. Patɩŋgɩɣna tɩyaa yɔɔ nɛ pɛcɛtɩɣ ɛyaa.—Tʋmalabʋ 16:16

61 Pʋwɛɛ se ɖɩtɩmna Ɛsɔ. Tɩmʋʋ kɛna Ɛsɔ yɔɔdɩnaʋ, ɖiheyi-i se ɖɩcaɣ ɖɩla Ɛsɔ sɔɔlɩm nɛ ɖɩpɔzɩna ɛ-sɩnaʋ.—Filipiñɩma 4:6, 7

62 Pʋwɛɛ se ɖɩña Yeesu nɛ ɖɩwɛɛna ɛ-yɔɔ tisiu.—Hebriñɩma 5:9; Yohanɛsɩ 3:16

63 Tɔzɩ se ɛsɩba se ɛya ɖa-ñʋŋ.—Romañɩma 5:8

64 Tɔzɩ se Yeesu kɛna ɖe-wɩyaʋ weyi ɖɩɩnaɣ yɔ. Pʋwɛɛ se ɖɩñamɩ-ɩ.—Filipiñɩma 2:9-11; Tɔmlɩzɩʋ 19:16

65 Yeesu tɔm se ŋheyi lalaa kɩbam mbʋ ŋwɛɛ ŋkpɛlɛkɩɣ yɔ, nɛ piyele mba pacaɣ labʋ Ɛsɔ sɔɔlɩm yɔ, palabɩ-wɛ lɩmsɔʋ sɔnzɩ.—Matiyee 28:19, 20; Yohanɛsɩ 4:7-15

66 Nɔɔnɔɔ, ŋpɩzɩɣ ŋyɔɔdɩna ña-taabalaa kɩbam pʋnɛ pʋ-tɔm.—Matiyee 10:32

67 Yee ŋkpɛlɛkɩ kalʋʋ ɖeu kɔyɔ, ŋpɩzɩɣ ŋɖaɣnɩ sakɩyɛ sɩm, nɛ ŋpɩzɩ ŋsɩna lalaa pɩkɩlɩ.—Timotee II, 2:15

68 Yeesu wɩlɩ piya ɖɔɖɔ se paña Ɛsɔ. Ɛdɔyɔɔdɩ wiɖiyi se caɣʋ fɛyɩ se ɛyɔɔdɩna-sɩ.—Matiyee 19:13-15

69 Pʋwɛɛ se lʋlʋyaa ɩwɩlɩ pe-piya paaɖooye se paña Ɛsɔ nɛ pɔsɔɔlɩ-ɩ.—Mooyiizi V, 6:6, 7; Aduwa 6:20-22; Efɛzɩñɩma 6:4

70 Ɛsɔsɛtʋ aŋgba sakɩyɛ wɛɛ. A-wɩlɩtʋ sakɩyɛ talɩɩna Bibl taa. Yehowa heyi-ɖʋ se ɖɩlɩɩ aŋgba wena aawɩlɩɣ toovenim yɔ a-taa.—Tɔmlɩzɩʋ 18:4; Yohanɛsɩ 4:23, 24

71 Yehowa wɛna ɛyaa tɛtʋ yɔɔ, mba papɩzɩɣ pasɩna-ŋ nɛ ŋsɩmɩ-ɩ ɖeu yɔ. Ŋsɩma ɛyaa mba?—Tʋmalabʋ 15:14; Romañɩma 10:14, 15

72 Mba yɔ Yehowa Aseeɖeñɩma. Laŋhɛzɩyɛ wɛ pɛ-hɛkʋ taa. Ŋna mbʋ pʋ-yɔɔ yɔ? Mbʋ yɔ, pɔsɔɔlɩ ɖama.—Izaii 43:10-12; Yohanɛsɩ 13:34, 35

73 Pɔsɔɔlɩ Yehowa ɖɔɖɔ lɛ, palabɩ-wɛ lɩmsɔʋsɔnzɩ. Pɩ-laɣsɩ pawɩlɩɣna samaɣ se peyeba pa-kɩdɛkɛdɩm nɩmaŋ se palakɩ Ɛsɔ sɔɔlɩm pe-wezuu caɣʋ taa.—Tʋmalabʋ 2:41

74

Yehowa Aseeɖeñɩma taɣ liu se pakaɣ paradisuu kɩfalʋʋ taa caɣʋ.—Psam 37:9-11, 29

Ɛbɛ ŋpɩzɩɣ ŋla, nɛ ña nɛ wɛ ɩpɩzɩ ɩcaɣ peeɖe?—Yakobo 1:22, 25; 2:20-26

75 Kpɛndɩ pɔ-yɔɔ nɛ ŋkpɛlɛkɩ Yehowa sɔɔlɩm labʋ. Pɔsɔɔlɩ Yehowa nɛ Krɩstʋ Yeesu nɛ pañaŋ-wɛ. Ŋsɔɔlɩ-wɛ? Ŋñɩnɩɣ se ŋsɩna lalaa nɛ pasɩ Ɛsɔ?—Yohanɛsɩ 6:45-47

76 Yehowa nɛ Krɩstʋ Yeesu pɔsɔɔla-ŋ, nɛ pacaɣ se ña ɖɔɖɔ ŋwɛɛ wezuu paradisuu taa tamtam.—Yohanɛsɩ 3:16

Yee ŋmaɣzɩ kɩlɛmɩŋ nɛ tɔm ndʋ tɩwɛ takayaɣ cɩkpelaɣ kɛnɛ ka-taa yɔ, pɔ-yɔɔ pɩŋŋ kɔyɔ, pɩlakɩ-ŋ liu se ŋwɛɛ koboyaɣ wezuu taa tɛtʋ yɔ tamtam. Yee ŋsɔɔlaa se ŋkpɛlɛkɩ pʋ-yɔɔ tɔm pʋɖɔɔ kɔyɔ, ñaɣ pana ŋna ñe-egeetiye taa Yehowa Aseeɖeñɩma taa tʋ nɔɔyʋ. Yaa ŋpɩzɩɣ ŋma yaa nɔɔyʋ ma-ŋ takayaɣ nɛ ŋtiina ɖa-tʋmɩyɛ ɖɩlaɖɛ nɖɩ ɖɩñɔtɩna-ŋ yɔ ɖɩ-taa ɛzɩ yɔɔpɔzʋʋ ndɩ ndɩ mba pama takayaɣ cikpelaɣ kɛnɛ kɔ-hɔlʋ kɩlɛlʋʋtaa wɩlɩʋ yɔ.