Ɛsɔ Ñɩnɩɣ Se Ŋpɩsɩ Ɛ-taabalʋ

Ɛsɔ sɔɔlaa se ŋkɛ ɛ–taabalʋ. Wiɖiyi ŋmaɣzaa se ŋpɩzɩɣ ŋkɛ Weyi ɛkɩlɩ kedeŋa kpeekpe yɔɔ yɔ ɛ-taabalʋ yaa we? Paaya Abraham, weyi ɛɛcaɣ wezuu ɖooo caanaʋ taa yɔ se Ɛsɔ ɛgbaɣdʋ yaa ɛ-taabalʋ. (Yakubu 2:23) Bibl yɔɔdɩ ɛyaa lɛlaa tɔm, paakɛ ɖɔɖɔ Ɛsɔ taabalaa nɛ pehiɣ wazasɩ sakɩyɛ. Sɔnɔ ɛyaa ndɩ ndɩ ɛjaɖɛ kpeekpe yɔɔ pɩsɩ Ɛsɔ taabalaa. Ña ɖɔɖɔ ŋpɩzɩɣ ŋkɛ Ɛsɔ taabalʋ.

Ŋkɛ Ɛsɔ taabalʋ pʋwɛ weewee pɩkɩlɩ se ŋkɛ ɛyʋ taabalʋ. Wiɖiyi, Ɛsɔ ɛɛlɔʋ ɛ-taabalaa toovenim mba kaaʋ. (Keɣa 17:26) Ŋkɛ Ɛsɔ taabalʋ pʋwɛ weewee pɩkɩlɩ se ŋpɩsɩ ñɩm tʋ. Ñɩm tʋ sɩkɩ lɛ, ɛ-ñɩm pɩsɩɣ ɛyaa lɛlaa ñɩmbʋ. Ɛlɛ, mba paɖʋ Ɛsɔ nɛ taabalɩyɛ yɔ, pɩkɛ-wɛ ñɩm mbʋ nɔɔyʋ ɛɛpɩzɩɣ ɛmʋ pɔ-cɔlɔ yɔ.—Maatiyee 6:19.

Ɛyaa nabɛyɛ pɩzɩɣ pekizina-ŋ se ŋkpɛlɩkɩ nɛ ŋtɩlɩ Ɛsɔ. Halɩ ɛyaa mba papɩzɩɣ pɛkɛ ña-taabalaa yaa ñɔ-hɔʋ taa ɛyaa nabɛyɛ. (Maatiyee 10:36, 37) Ye ɛyaa ihoŋuu-ŋ yaa panazɩɣ-ŋ yɔ, pɔzɩ ña-tɩ se: ‘Anɩ mɔnsɔɔlaa se mɔn-tɔm ɛkɛdɩna? Ɛyaa yaa Ɛsɔ?’ Maɣzɩ tɔm tʋnɛ tɩ-yɔɔ: Ye nɔɔyʋ ekizina-ŋ se ŋtaatɔɔ, ŋtisiɣ tɔm ndʋ? Aayɩ, yaa we? Ŋtɩtɔɔ, ŋŋcakɩ wezuu. Ɛlɛ, Ɛsɔ pɩzɩɣ eyele nɛ ŋcaɣ wezuu tam. Ye mbʋ taayele nɔɔyʋ ɖaŋɩ-ŋ se ŋkpɛlɩkɩ nɛ ŋpɩsɩ Ɛsɔ taabalʋ.—Yohanɛɛsɩ 17:3.