Hɔɔlʋʋ 11 yɔɔ kɔɔnɔɔ tɔm

Hɔɔlʋʋ kʋnɛ kɩ-taa, ɖɩpaɣzɩɣ yɔɔdʋʋ Krɩstʋ Mba Grɛɛkɩ Masɩ tɔm. Palʋlɩ Yesu hɔʋ ŋgʋ kɩ-taa mba kaakɛ kʋñɔndɩnaa yɔ kɩ-taa, tɛtʋ cikpetu natʋyʋ taa. Ɛ-caa kaakɛ kafɩnda nɛ ɛsɩɣaɣnɩ-ɩ tʋmɩyɛ labʋ. Yesu kaɣnɩ yabʋ ɛyaa ñʋʋ. Yehowa lɩzɩ-ɩ se ɛkɛ ɛsɔdaa Kewiyaɣ Wiyaʋ. Ye ŋkɛ lʋlɩyʋ yɔ, sɩnɩ ña-pɩɣa nɛ kana ɛzɩma Yehowa cɔnɩ camɩyɛ pʋcɔ nɛ ɛlɩzɩ hɔʋ ŋgʋ kɩ-taa pakaɣ lʋlʋʋ Yesu nɛ pɔcɔnɩ ɛ-yɔɔ nɛ ɛpaɣlɩ yɔ. Yʋsɩ ɛzɩma Yehowa kandɩyɩ Yesu yɔɔ se Eroodi ɛtaakʋ-ɩ yɔ, nɛ ɛzɩma nabʋyʋ ɛɛpɩzɩɣ nɛ pɩkaɖɩnɩ Yehowa kaɖʋwa se kataala yɔ. Yʋsɩ ɖɔɖɔ ɛzɩma Yehowa ɖʋ Yohanɛɛsɩ tʋmɩyɛ se ɛñɔɔzɩ Yesu nʋmɔʋ yɔ. Kɔzɩ kɔzɩ lɛ, yʋsɩ ɛzɩma Yesu wɩlaa se ɛsɔɔlɩ Yehowa lɔŋsɩnɖɛ, halɩ pɩkpɛndɩnɩ e-pitu taa yɔ.