TƆM KƖKPƐLƖKƖTƲ 05
Bibl taa tɔm lɩnɩ Ɛsɔ cɔlɔ
Yehowa labɩ-ɖʋ kʋjɔʋ kɩbaŋʋ nakʋyʋ. Ŋgʋ lɛ Bibl. Nɛ takayɩsɩ ndɩ ndɩ 66 wɛnɩ kɩ-taa. Ɛlɛ pɩtɩla ŋpɔzʋʋ ña-tɩ se: «Ɛzɩma pɩlaba nɛ ɖɩwɛɛnɩ Bibl? A-cɔlɔ kɩlɩnaa?» Pɩsa nɛ ɖicosi tɔm ndʋ tɩ-yɔɔ lɛ, iyele nɛ ɖɩtazɩ nɛ ɖɩna ɛzɩma pɩlaba nɛ ɖɩwɛɛnɩ Bibl sɔnɔ yɔ.
1. Ɛbɛ yɔɔ pɔtɔŋ se Ɛsɔ cɔlɔ Bibl lɩnaa ŋgʋ ɛyaa manɩ-kʋ?
Ɛyaa 40 mbʋ yɔ manɩ Bibl. Pɩnzɩ 1600 mbʋ yɔ pamanɩ-kʋ, kpaɣnɩ pɩnaɣ 1513 P.P.Y. nɛ piwolo pɩnaɣ 98 mbʋ yɔ. Ɛyaa ndɩ ndɩ manɩ-kʋ; nɛ paawɛ wɛtʋ ndɩ ndɩ taa. Paa mbʋ yɔ, nɔɔ kʋɖʋmaɣ wɛ kɩ-taa. Ɛzɩma pɩpɩzaa nɛ pɩla mbʋ? Pɩlabɩ mbʋ, mbʋ pʋyɔɔ yɔ Ɛsɔ cɔlɔ Bibl lɩnaa. (Kalɩ 1 Tesalooniiki mba 2:13.) Mba pama Bibl yɔ pɩtɩkɛ pa-maɣmaɣ pa-lɩmaɣza pamawa. Ɛlɛ «fezuu kiɖeɖeu [ɖiyini-wɛ] nɛ pɔyɔɔdɩ Ɛsɔ hɩɖɛ taa.»a (2 Pɩyɛɛrɩ 1:21) Ɛsɔ tɩŋnɩ e-fezuu kiɖeɖeu yɔɔ nɛ ɛsɩnɩ ɛyaa nɛ pama ɛ-lɩmaɣza.—2 Timootee 3:16.
2. Anɩ Bibl pɩzɩɣ nɛ kɩwazɩ?
Tɔm kɩbandʋ ndʋ tɩwɛ Bibl taa yɔ tɩpɩzɩɣ nɛ tɩwazɩ «ajɛɛ kpeekpe nɛ cejewe kpeekpe nɛ kʋnʋmɩŋ kpeekpe nɛ samasɩ kpeekpe.» (Kalɩ Natʋ 14:6.) Ɛsɔ yeba nɛ pɛɖɛzɩ Bibl kʋnʋmɩŋ sakɩyɛ taa nɛ pɩcɛzɩ takayɩsɩ lɛɛsɩ tɩŋa. Ɛyaa mba pɩkazaa se pɛfɛyɩnɩ Bibl yɔ patɩɖɔɔ. Nɛ mbʋ pɩwɛ paa le, paa kʋnʋŋ ŋgʋ pɔyɔɔdʋʋ peeɖe yɔ.
3. Ɛzɩma Yehowa kandɩyɩ Bibl yɔɔ?
Paama Bibl wondu ndʋ tɩɩlaɣzɩɣ wɛɛkʋʋ yɔ tɩ-yɔɔ ɛzɩ tɔna nɛ papyrus waa mbʋ yɔ. Ɛlɛ ɛyaa mba paasɔɔlɩ Bibl yɔ paɖaɣnɩ-kʋ maʋ nɛ pe-nesi. Paa ɖoŋ tɩnaa nabɛyɛ kaañaɣ pana se paɖɩzɩ-kʋ yɔ, ɛyaa nabɛyɛ ɖʋ pe-weziŋ kaɖɛ taa nɛ pakandɩyɩ kɩ-yɔɔ. Yehowa tiyele se ɛyʋ nɔɔyʋ yaa nabʋyʋ ɛɖɩɣ-ɩ nʋmɔʋ se ɛtaapɩzɩ nɛ ɛyɔɔdɩnɩ-ɖʋ. Bibl yɔɔdaa se: «Ðɛ-Ɛsɔ tɔm ñɛwɛɣ tam.»—Izaayii 40:8.
TAZƖ NƐ PILIMI
Kpɛlɩkɩ tɔm lɛɛtʋ pɩlɩɩnɩ ɛzɩma Ɛsɔ tɩŋnɩ e-fezuu kiɖeɖeu yɔɔ nɛ eɖiyi ɛyaa nabɛyɛ nɛ pama Bibl yɔ, ɛzɩma ɛkandɩyɩ kɩ-yɔɔ yɔ nɛ mbʋ ɛlaba se ɛyaa kpeekpe ɩpɩzɩ nɛ pɛwɛɛnɩ-kʋ yɔ pɩ-yɔɔ.
4. Bibl heyiɣ-ɖʋ weyi ɛ-cɔlɔ kɩlɩnaa yɔ
Ɩcɔnɩ VIDEO. Pʋwayɩ lɛ, ɩkalɩ 2 Timootee 3:16; nɛ ɩtazɩ tɔm tʋnɛ tɩ-taa.
Ye ɛyaa ɩmanɩ Bibl yɔ, ɛbɛ yɔɔ payaɣ-kʋ se Ɛsɔtɔm?
Ŋmaɣzɩɣ se pɩmʋnaa se ɛyʋ etisi se Ɛsɔ heyini ɛyaa ɛ-lɩmaɣza nɛ pama?
Takayaɣ taa mayʋ nɔɔyʋ pɩzɩɣ nɛ ɛma tɔm ɛlɛ tɩtɩkɛ ɛ-ñɩndʋ. Weyi eheyi-i tɔm ndʋ nɛ ɛma yɔ, ɛ-tɔm tɩkɛnaa. Mbʋ ɖɔɖɔ pɩwɛ Bibl hɔɔlʋʋ taa; ɛyaa manɩ-kʋ, ɛlɛ kɩ-taa tɔm lɩnɩ Ɛsɔ cɔlɔ na.
5. Bibl wabɩ mbʋ payɩ pɩkaɖɩnɩ-kʋ yɔ
Ye Bibl ɛlɩnɩ Ɛsɔ cɔlɔ yɔ, ɖɩpɩzɩɣ nɛ ɖɩtaa liu se ɛkandɩyɩɣ kɩ-yɔɔ. Kpaɣnɩ ɖooo caanaʋ taa, ɖoŋ tɩnaa nabɛyɛ ñaɣ pana se paɖɩzɩ Bibl. Ɛsɔ sɛtʋ ñʋndɩnaa ñaɣ pana se pɛmɛsɩ-kʋ. Ɛlɛ, ɛyaa sakɩyɛ ɖʋ pe-weziŋ kaɖɛ taa se pakandɩyɩ Bibl yɔɔ paa pakaɖaɣnɩ-wɛ nɛ halɩ pañɩnɩɣ se pakʋ-wɛ yɔ. Pɩsa nɛ ɩna pa-taa nɔɔyʋ tɔm lɛ, ɩcɔnɩ VIDEO, nɛ pʋwayɩ lɛ ɩtazɩ tɔm tʋnɛ tɩ-taa.
Lɛɛlɛɛyɔ ŋnaʋ se ɛyaa sakɩyɛ ɖʋ pe-weziŋ kaɖɛ taa se pakandɩyɩ Bibl yɔɔ yɔ, piseɣti-ŋ nɛ pɩkpaɖɩ se ŋkalɩ-kʋ? Ɛbɛ yɔɔ?
Ɩkalɩ Keɣa 119:97, nɛ pʋwayɩ lɛ ɩtazɩ tɔm tʋnɛ tɩ-taa:
Ɛbɛ seɣti ɛyaa sakɩyɛ nɛ paɖʋ pe-weziŋ kaɖɛ taa se pɛɖɛzɩ Bibl nɛ peyele ɖɔɖɔ nɛ kɩtɔyɩ?
6. Ɛyaa kpeekpe takayaɣ
Kpaɣnɩ ɖooo caanaʋ taa nɛ ŋtalɩ sɔnɔ, Bibl pakɩlɩ ɖɛzʋʋ nɛ ŋgʋ pakɩlɩ tayʋʋ ɖɔɖɔ ɛjaɖɛ kpeekpe yɔɔ. Ɩkalɩ Tʋma Labʋ 10:34, 35; nɛ pʋwayɩ lɛ ɩtazɩ tɔm tʋnɛ tɩ-taa:
Ɛbɛ yɔɔ Ɛsɔ sɔɔlaa se pɛɖɛzɩ ɛ-Tɔm kʋnʋmɩŋ sakɩyɛ taa nɛ patayɩ-tʋ ɖɔɖɔ ɛyaa sakɩyɛ?
Bibl yɔɔ tɔm ndʋ kɛdɩnɩ-ŋ?
Kedeŋa kpeekpe yɔɔ lɛ, ɛyaa
100
yɔɔ lɛ,
mba pɩkazaa se pɛfɛyɩnɩ Bibl kʋnʋŋ ŋgʋ panɩɣ yɔ kɩ-taa yɔ patɩɖɔɔ.
Kɩwɛ kʋnʋmɩŋ weyi ɩcɛzɩ
3 000
yɔ ɩ-taa
Paa pɩtɩɩkɛ kɩ-tɩŋa yaa kɩ-hɔɔlʋʋ nakʋyʋ yɔ.
Biblwaa
5 000 000 000
mbʋ yɔ palɩzaa, pɩwɩlɩɣ se palɩzɩ-kʋ nɛ pɩkpaɖɩ takayɩsɩ lɛɛsɩ tɩŋa.
NABƐYƐ YƆƆDƲƲ SE: «Bibl kɛ caanaʋ taa takayaɣ yem, ɛyaa manɩ-kɛ.»
Suwe ŋmaɣzɩɣ?
Ɛbɛ wɩlɩɣ se Bibl kɛnɩ Ɛsɔtɔm?
TOBI LƐ
Bibl kɛnɩ Ɛsɔtɔm, nɛ eyeba se kɩtalɩ paa anɩ.
Tɔm taa tazʋʋ
Ɛsɔ fezuu kiɖeɖeu ɖiyina nɛ pama Bibl. Pʋ-tɔbʋʋ lɛ suwe?
Mbʋ payɩ ɖɩkpɛlɩkɩ Bibl yɔɔ tɔm ñʋʋ kʋnɛ kɩ-taa yɔ, ɛbɛ kɛdɩnɩ-ŋ pɩ-taa nɛ pɩkɩlɩ?
Lɛɛlɛɛyɔ ŋnaʋ se Ɛsɔ ñaɣ pana pɩdɩɩfɛyɩ se ɛyɔɔdɩnɩ-ŋ yɔ, lɩmaɣza wena ŋwɛnɩ ɛ-yɔɔ?
WONDU LƐƐTƲ
Kalɩ Bibl yɔɔ tɔm, kpaɣnɩ alɩwaatʋ ndʋ pama-kʋ caanaʋ taa yɔ nɛ pɩkɔɔ pɩtalɩ ɖa-alɩwaatʋ taa.
«Comment la Bible nous est parvenue» (Réveillez-vous!, novembre 2007)
Kalɩ nɛ ŋna ɛzɩma Bibl wabɩ kala naadozo wena apɩzaɣ se ayele nɛ kɩɖɩ caɣ caɣ yɔ.
Cɔna nɛ ŋna ɛzɩma ɛyaa nabɛyɛ ɖʋ pe-weziŋ kaɖɛ taa se pɩsa nɛ papɩzɩ nɛ pɛɖɛzɩ Bibl yɔ.
Ɛyaa nabɛyɛ ɖaɣnɩ Bibl maʋ nɛ pe-nesi nɛ pɛɖɛzɩ-kʋ ɖɔɖɔ tam sakɩyɛ. Ɛzɩma ŋpɩzɩɣ nɛ ŋna se tɔm ndʋ tɩɩwɛ kɩ-taa yɔ tɩtɩlɛɣzɩ?
«La Bible a-t-elle été modifiée ou falsifiée?» (Intɛrnɛɛtɩ yɔɔ tɔm ñʋʋ)
a Ɛzɩ pɔyɔɔdʋʋ tɔm kɩkpɛlɩkɩtʋ 07 taa yɔ, fezuu kiɖeɖeu kɛnɩ ɖoŋ weyi Ɛsɔ lakɩnɩ tʋmɩyɛ yɔ.