TƆM KƖKPƐLƖKƖTƲ 20

Ɛzɩma pɔñɔɔzɩ Krɩstʋ ɛgbɛyɛ?

Tayakaɣ maɣmaɣ

Yehowa kɛ Ɛsɔ weyi ɛsɩɣ wondu ti-lona taa camɩyɛ yɔ. (1 Kɔrɛntɩ mba 14:33) Ye mbʋ pɩmʋnɩ mbʋ se pɔñɔɔzɩ ɛ-sɛyaa ɛgbɛyɛ camɩyɛ. Ɛzɩma pɔñɔɔzɩ Krɩstʋ ɛgbɛyɛ? Ɛzɩma ɖa-taa paa anɩ pɩzɩɣ nɛ ɛɖʋ nesi nɛ pɩtɩŋa pɩɖɔ camɩyɛ ɛgbɛyɛ taa?

1. Akɛ ɛgbɛyɛ ñʋʋdʋ?

«Krɩstʋ [kɛnɩ] ɛgbɛyɛ ñʋʋdʋ.» (Efɛɛzɩ mba 5:23) Ɛsɔdaa ɛwɛɛ nɛ eɖiyiɣ Yehowa samaɣ tʋma kedeŋa kpeekpe yɔɔ. Yesu lɩzɩ ɛzʋtʋyaa mba papɩ fezuu taa yɔ, pa-taa nabɛyɛ nɛ pɛkɛ «yom siɣsiɣ tʋ nɛ lɔŋsɩnɖʋ» nɛ payaɣ-wɛ ɖɔɖɔ se Nɔɔɖɛyaa ɛgbɛyɛ. (Kalɩ Maatiyee 24:45-47.) Ɛzɩ kajalaɣ pɩnzɩ mɩnʋʋ taa apostoloowaa nɛ ɛzʋtʋyaa mba paawɛ Yeruzalɛm yɔ, Nɔɔɖɛyaa ɛgbɛyɛ tasɩɣ lɔŋ kedeŋa kpeekpe yɔɔ Krɩstʋ ɛgbɛyɛ. (Tʋma Labʋ 15:2) Ɛlɛ pɩtɩkɛ ɛyaa panɛ peɖiyiɣni ɛgbɛyɛ. Pakalɩɣ Bibl nɛ pañakɩ pana se patɩlɩ Yehowa sɔɔlɩm nɛ petisiɣ faaa nɛ patɩŋɩɣ nʋmɔʋ ŋgʋ Yesu wɩlɩɣ-wɛ yɔ.

2. Mba payaɣ se ɛzʋtʋyaa nɛ tʋmɩyɛ nɖɩ palakɩ?

Ɛzʋtʋyaa kɛnɩ Krɩstʋ ñɩma abalaa mba papɩ fezuu taa yɔ. Patɩŋɩɣnɩ Bibl yɔɔ nɛ pawɩlɩɣ tɔm Yehowa samaɣ, pasɩɣnɩ-kɛ nɛ pakpazɩɣ-kɛ ɖoŋ ɖɔɖɔ. Paahɛyɩɣ-wɛ tʋmɩyɛ nɖɩ palakɩ yɔ ɖɩ-yɔɔ. Ɛlɛ palakɩ-ɖɩ «nɛ laŋɩyɛ faaa Ɛsɔ ɛsɩndaa» nɛ paalakɩ-ɖɩ «mulum kɛzɛɣa yɔɔ, ɛlɛ [palakɩ-ɖɩ] nɛ sɔɔlɩm faaa.» (1 Pɩyɛɛrɩ 5:1, 2) Ɛgbɛyɛ taa tʋmlaɖaa ɖʋʋ nesi ɛzʋtʋyaa, nɛ pɔkɔŋ nɛ pɛɖɛɛnɩ ɛsɩndaa lɛ, papɩsɩ ɖɔɖɔ ɛzʋtʋyaa.

Nɔɔɖɛyaa ɛgbɛyɛ lɩzɩɣ nabɛyɛ se pɛkɛnɩ egeetiye yɔɔ cɔnɩyaa. Pekilimiɣ agbaa sakɩyɛ yɔɔ, patasɩɣ-yɛ lɔŋ nɛ pakpazɩɣ-yɛ ɖoŋ ɖɔɖɔ. Patɩŋɩɣnɩ Masɩ yɔɔ nɛ panaɣ koobiya abalaa mba pamʋnaa yɔ nɛ palɩzɩɣ-wɛ se pɛkɛ ɛgbɛyɛ taa tʋmlaɖaa yaa ɛgbɛyɛ taa ɛzʋtʋyaa.—1 Timootee 3:1-10, 12; Tiiti 1:5-9.

3. Paa Aseɣɖe Tʋ weyi lɛ ɛ-tʋmɩyɛ lɛ nɖɩ?

Paa ɛgbɛyɛ taa tʋ weyi lɛ, ɛtɩŋɩɣnɩ tɔm ndʋ ecosuu ɛgbɛyɛ taa kediɣzisi taa yɔ nɛ ɛ-tɔm susuu yɔɔ nɛ «[ɛsaŋ] Yehowa hɩɖɛ.»—Kalɩ Keɣa 148:12, 13.

TAZƖ NƐ PILIMI

Tazɩ nɛ ŋna ɖiyiyu weyi Yesu kɛnaa yɔ, ɛzɩma ɛzʋtʋyaa ñakɩ pana se pamaɣzɩnɩ-ɩ yɔ nɛ ɛzɩma ña nɛ Yesu nɛ ɛzʋtʋyaa ɩpɩzɩɣ nɛ ɩla tʋmɩyɛ nɔɔ kʋɖʋmaɣ taa yɔ.

4. Yesu kɛ ɖiyiyu weyi ɛhɛzɩɣ ɛyaa laŋa yɔ

Yesu yaɣ-ɖʋ nɛ taa leleŋ se ɖɩtɩŋ ɛ-wayɩ. Ɩkalɩ Maatiyee 11:28-30, nɛ pʋwayɩ lɛ ɩtazɩ tɔm tʋnɛ tɩ-taa:

Ðiyiyu weyi Yesu kɛnaa? Nɛ ɛsɔɔlaa se ɖiyuu mbʋ piyele nɛ ɖihiɣ we?

Ɛzɩma ɛzʋtʋyaa maɣzɩɣnɩ Yesu kɩɖaʋ? Ɩcɔnɩ VIDEO.

VIDEO: Ɛzʋtʋyaa wɛɛ nɛ paɖʋʋ nesi mba tɛtʋ ñamsʋʋ kɔnɩ-wɛ asɛyʋʋ Neepaalɩ ɛjaɖɛ taa yɔ (4:56)

Bibl yɔɔdɩ kpayɩ ɛzɩma pɩwɛɛ se ɛzʋtʋyaa ɩla pa-tʋmɩyɛ yɔ.

Ɩkalɩ Izaayii 32:2 nɛ 1 Pɩyɛɛrɩ 5:1-3, nɛ pʋwayɩ lɛ ɩtazɩ tɔm tʋnɛ tɩ-taa:

Ɛzɩ Yesu yɔ, ɛzʋtʋyaa ñakɩ pana se pɛhɛzɩ ɛyaa lalaa laŋa. Ŋtɩlʋʋ toovenim tɔm tʋnɛ yɔ, ɛzɩma pɩlakɩ-ŋ?
Hɔɔlɩŋ lɛɛŋ weyi taa ɛzʋtʋyaa maɣzɩɣnɩ Yesu?

5. Ɛzʋtʋyaa haɣ kɩɖaʋ kɩbaŋʋ

Lɩmaɣza wena Yesu sɔɔlaa se ɛzʋtʋyaa ɩwɛɛnɩ tʋma wena palakɩ yɔ a-yɔɔ? Ɩcɔnɩ VIDEO.

VIDEO: Ɛzʋtʋyaa, ɩha kɩɖaʋ kɩbaŋʋ! (7:39)

Yesu ha kɩɖaʋ kɩbaŋʋ, pɩwɛɛ se mba pɛɖɛɣ nɔɔ ɛgbɛyɛ taa yɔ patɩŋ-kʋ. Ɩkalɩ Maatiyee 23:8-12, nɛ pʋwayɩ lɛ ɩtazɩ tɔm tʋnɛ tɩ-taa:

Ye ŋkpaɣ tɔm ndʋ Bibl wɩlɩɣ pɩlɩɩnɩ wɛtʋ ndʋ pɩpɔzʋʋ se ɛzʋtʋyaa ɩwɛɛna yɔ nɛ ŋmaɣzɩnɩ wɛtʋ ndʋ Ɛsɔ sɛtʋ agbaa ñʋndɩnaa wɛna yɔ, tʋkaɣ sɔsɔɔ ŋga ŋnaɣ?

A. Fotonaa: Ɛzʋtʋyʋ nɔɔyʋ wɛɛ nɛ ɛcɔŋnɩ ɛ-maɣmaɣ nɛ ɛ-hɔʋ fezuu taa kɩcɛyɩm ɖeɖe. 1. Ɛtɩmɩɣ pʋcɔ nɛ ɛpaɣzɩ Bibl kpɛlɩkʋʋ. 2. Ɛ-halʋ wɛɛ nɛ ɛɖʋʋ-ɩ nesi nɛ ɛwɩlɩɣ Bibl tɔm ɛ-pɛlɛ.

B. Ɛzʋtʋyʋ kʋɖʋm ɛnʋ nɛ ɛ-halʋ powoba nɛ pekilimiɣ pɛ-ɛgbɛyɛ taa koobu halɩñɩnʋ weyi pɩwɩɣ-ɩ nɛ ɛhɩnɩ ɖɔkɔtɔ taa kaɖʋ yɔɔ yɔ.

Ɛzʋtʋyaa ñakɩ pana se pa nɛ pɔ-hɔŋ pɛwɛɛ ɖoŋ fezuu taa.
Ɛzʋtʋyaa ɖʋʋ nesi ɛgbɛyɛ taa mba tɩŋa.
Ɛzʋtʋyaa susuu tɔm ɖoŋ ɖoŋ.
Ɛzʋtʋyaa wɩlɩɣ tɔm. Paɖʋʋ nesi ɖɔɖɔ cɩɖɩ cɩɖɩ wɛtʋ tʋma nɛ tʋma lɛɛna.

6. Ða nɛ ɛzʋtʋyaa ɖɩla tʋmɩyɛ nɔɔ kʋɖʋmaɣ taa

Bibl heyiɣ-ɖʋ lɩmaɣzɩyɛ sɔsɔɖɛ nɖɩ ɖɩ-yɔɔ pɩwɛɛ se ɖa nɛ ɛzʋtʋyaa ɖɩla tʋmɩyɛ nɔɔ kʋɖʋmaɣ taa yɔ. Ɩkalɩ Ebree mba 13:17, nɛ pʋwayɩ lɛ ɩtazɩ tɔm tʋnɛ tɩ-taa:

Ɛbɛ yɔɔ Bibl yɔɔdʋʋ se pɩwɛɛ se ɖitisi faaa nɛ ɖɩñaŋ mba pɛɖɛɣ-ɖʋ nɔɔ yɔ? Suwe ŋmaɣzɩɣ tɔm ndʋ tɩ-yɔɔ?

Ɩkalɩ Luka 16:10, nɛ pʋwayɩ lɛ ɩtazɩ tɔm tʋnɛ tɩ-taa:

Ɛbɛ yɔɔ pɩcɛyaa se ɖa nɛ ɛzʋtʋyaa ɖɩkpɛndɩ nɛ ɖɩla tʋmɩyɛ nɔɔ kʋɖʋmaɣ taa, halɩ pɩkpɛndɩnɩ hɔɔlɩŋ weyi ɖɩmaɣzɩɣ se ɩ-tɔm tɩcɛyɩ yɔ ɩ-taa?

NABƐYƐ YƆƆDƲƲ SE: «Pɩtɩcɛyɩ se ɛyʋ ɛwɛɛ Ɛsɔ sɛtʋ ɛgbɛyɛ naɖɩyɛ taa.»

Ye ɛyʋ ɛwɛ ɛgbɛyɛ naɖɩyɛ taa nɛ ɛsɛɣ Ɛsɔ yɔ, ŋmaɣzɩɣ se kɛzɛsɩ nzɩ ehikiɣ?

TOBI LƐ

Yesu kɛnɩ ɛgbɛyɛ ñʋʋdʋ. Ɛzʋtʋyaa luzuu pa-tɩ ɛ-tɛɛ; pʋyɔɔ lɛ, ɖitisiɣ faaa nɛ ɖa nɛ wɛ ɖɩlakɩ tʋmɩyɛ nɔɔ kʋɖʋmaɣ taa. Ðɩlakɩ mbʋ, mbʋ pʋyɔɔ yɔ pɛhɛzɩɣ ɖa-laŋa nɛ pahaɣ-ɖʋ kɩɖaʋ kɩbaŋʋ.