TƆM KƖKPƐLƖKƖTƲ 48
Lɩzɩ ña-taabalaa camɩyɛ
Taabalaa kɩbama sɩɣnɩ-ɖʋ se ɖɩnɩɩ leleŋ alɩwaatʋ kɩbandʋ taa nɛ pakpazɩɣ-ɖʋ ɖoŋ kaɖɛ alɩwaatʋ taa ɖɔɖɔ. Ɛlɛ Bibl pakɩ-ɖʋ se pɩtɩkɛ paa weyi ɛkɛnɩ taabalʋ kɩbanʋ. Ɛzɩma ŋpɩzɩɣ nɛ ŋla nɛ ŋwɛɛnɩ taabalaa kɩbama? Maɣzɩ tɔm pɔzʋʋ mbʋ pɩkɔŋ yɔ pɩ-yɔɔ.
1. Mba ŋlɩzɩɣ se pɛkɛ ña-taabalaa yɔ ɖoŋ weyi pɛwɛɣnɩ ñɔ-yɔɔ?
Ɛyaa mba ɖɩñɔtʋʋnɩ-wɛ ɖoŋ ɖoŋ yɔ, pɛwɛɣnɩ ɖoŋ ɖɔ-yɔɔ. Pɩpɩzɩɣ nɛ pɩkɛ ɖoŋ kɩbaŋ yaa ɖoŋ kɩdɛkɛdɩŋ. Tɔm tʋnɛ tɩkɛ toovenim paa ɖa nɛ ɛyaa mba ɖɩcakɩ yaa paa ɖɩtɩŋɩɣnɩ réseaux sociaux waa yɔɔ na nɛ ɖɩyɔɔdʋʋnɩ-wɛ yɔ. Bibl yɔɔdaa se: «Weyi ɛ nɛ lɔŋsɩnɖaa pɔɖɔŋ yɔ, ɛkaɣ pɩsʋʋ lɔŋsɩnɖʋ, ɛlɛ weyi ɛ nɛ kɩmɛlɛmɩŋ [yaa mba patɩsɔɔlɩ Yehowa yɔ] paɖʋʋ taabalɩyɛ yɔ, pɩkaɣ-ɩ kɔnʋʋ kaɖɛ.» (Aduwa 13:20) Ye ɖa-taabalaa ɩsɔɔlɩ Yehowa yɔ, papɩzɩɣ pasɩnɩ-ɖʋ nɛ ɖɩñɔɔnɩ-ɩ kpam nɛ pasɩɣnɩ-ɖʋ ɖɔɖɔ nɛ ɖɩkpakɩɣ lɩmaɣza kɩbana. Ɛlɛ ye ɖa-taabalaa ɩɩsɛɣ Yehowa yɔ, papɩzɩɣ peyele nɛ ɖiposini Yehowa. Pʋyɔɔ Bibl seɣtiɣ-ɖʋ se ɖɩlɩzɩ ɖa-taabalaa camɩyɛ. Ye ɖa-taabalaa ɩsɔɔlɩ Yehowa yɔ, ɖa nɛ wɛ ɖɩwɛɣnɩ ɖoŋ kɩbaŋ ɖama yɔɔ. Ðɩpɩzɩɣ nɛ ‘ɖiwolo pɩ-yɔɔ nɛ ɖiseɣti ɖama nɛ ɖɩkpazɩ ɖama ɖoŋ.’—1 Tesalooniiki mba 5:11.
2. Lɩmaɣza wena Yehowa wɛnɩ ña-taabalaa yɔɔ?
Yehowa ɛɛlɩzɩɣ paa weyi se ɛkɛ ɛ-taabalʋ. «Ɛɖʋʋ taabalɩyɛ kɩbanɖɛ nɛ ɛyʋ siɣsiɣ tʋ.» (Aduwa 3:32) Ye ŋlɩzɩ mba patɩsɔɔlɩ Yehowa yɔ se pɛkɛ ña-taabalaa yɔ, ɛzɩma pɩlakɩ-ɩ? Pɩhaɣ-ɩ laŋwɛɛkɩyɛ siŋŋ! (Kalɩ Yakubu 4:4.) Ɛlɛ ye ɖise taabalɩyɛ kɩdɛkɛdɩyɛ nɛ ɖɩñɔɔnɩ Yehowa nɛ ɖɩñɔɔnɩ ɖɔɖɔ mba pɔsɔɔlɩ-ɩ yɔ, ɖɔ-tɔm kɛdɩɣnɩ-ɩ; nɛ ɛlɩzɩɣ-ɖʋ se ɖɩkɛ ɛ-taabalaa.—Keɣa 15:1-4.
TAZƖ NƐ PILIMI
Tazɩ nɛ ŋna mbʋ pʋyɔɔ pɩcɛyaa se ŋlɩzɩ ña-taabalaa camɩyɛ yɔ, nɛ ɛzɩma ŋpɩzɩɣ nɛ ŋɖʋ taabalɩyɛ nɖɩ ɖɩkaɣ-ŋ wazʋʋ ñe-wezuu caɣʋ taa yɔ.
3. Se taabalɩyɛ kɩdɛkɛdɩyɛ
Ɛyaa mba patɩsɔɔlɩ Ɛsɔ nɛ ɛ-paɣtʋ yɔ, pɛkɛ taabalaa kɩdɛkɛdaa. Ɩcɔnɩ VIDEO, nɛ pʋwayɩ lɛ ɩtazɩ tɔm tʋnɛ tɩ-taa.
Ɛzɩma ɖɩpɩzɩɣ nɛ ɖɩpaɣzɩ ɖʋʋ taabalɩyɛ kɩdɛkɛdɩyɛ ɛlɛ ɖɩɩnaɣ?
Ɩkalɩ 1 Kɔrɛntɩ mba 15:33, nɛ pʋwayɩ lɛ ɩtazɩ tɔm tʋnɛ tɩ-taa:
Ɛyaa mba ŋmaɣzɩɣ se papɩzɩɣ nɛ pɛkɛ taabalaa kɩdɛkɛdaa? Ɛbɛ yɔɔ?
Ɩkalɩ Keɣa 119:63, nɛ pʋwayɩ lɛ ɩtazɩ tɔm tʋnɛ tɩ-taa:
Ɛbɛ pɩzɩɣ pɩsɩnɩ-ŋ nɛ ŋtɩlɩ se nɔɔyʋ kaɣ kɛʋ taabalʋ kɩbanʋ yaa taabalʋ kɩdɛkɛdʋʋ?
Ye ŋtɩlɩzɩ ña-taabalʋ nɔɔyʋ camɩyɛ yɔ, pɩpɩzɩɣ nɛ pɩwɛɛnɩ ɖoŋ kɩdɛkɛdɩŋ ñɔ-yɔɔ.
4. Ɛyaa mba pɛ-wɛtʋ wɛ ndɩ nɛ ɖa-ñɩndʋ yɔ, papɩzɩɣ nɛ pɛkɛ taabalaa kɩbama
Bibl yɔɔdɩ caanaʋ taa Izrayɛɛlɩ ɛjaɖɛ taa abalaa nabɛyɛ naalɛ tɔm. Payaɣ-wɛ se Daviid nɛ Yonataanɩ. Yonataanɩ kaakɩlɩ Daviid nɛ pɩnzɩ sakɩyɛ nɛ ɛɛkɛ ɖɔɖɔ Wiyaʋ pɩyalʋ. Paa mbʋ yɔ paakɛ taabalaa kɩbama. Ɩkalɩ 1 Samɩyɛɛlɩ 18:1, nɛ pʋwayɩ lɛ ɩtazɩ tɔm tʋnɛ tɩ-taa:
Pɩcɛyaa se paa ɛzɩmtaa lɛ ɖa-taabalaa ɩkɛ ɖa-ɖaɣʋnaa yaa mba ɖa nɛ wɛ ɖɩwɛ wɛtʋ kʋɖʋmtʋ taa yɔ? Ɛbɛ yɔɔ?
Ɩkalɩ Roma mba 1:11, 12; nɛ pʋwayɩ lɛ ɩtazɩ tɔm tʋnɛ tɩ-taa:
Taabalaa mba pɔsɔɔlɩ Yehowa yɔ ɛzɩma tɩyɛ pakpazɩɣ ɖama ɖoŋ?
Cɔnɩ video kʋnɛ nɛ ŋna ɛzɩma koobu weyi ɛkɛ pɩɣa evelaɣ yɔ ehiɣ taabalʋ lone nɖɩ ɖɩ-taa ɛtaaɖʋna yɔ. Ɩcɔnɩ VIDEO, nɛ pʋwayɩ lɛ ɩtazɩ tɔm ndʋ tɩkɔŋ yɔ tɩ-taa.
Ɛbɛ yɔɔ sɔɔndʋ kpaɣaɣ Akil lʋlɩyaa?
Ɛbɛ yɔɔ ɛñɩnaɣ se e-sukuli taa piya evelisi nasɩyɩ ɩkɛ ɛ-taabalaa?
Ɛbɛ sɩnɩ-ɩ nɛ pɩtɩtasɩ-ɩ labʋ ɛzɩ ɛwɛ e-ɖeke yɔ?
5. Ɛbɛ pɩzɩɣ pɩsɩnɩ-ŋ nɛ ŋɖʋ taabalɩyɛ kɩbanɖɛ?
Cɔnɩ video nɛ ŋna ɛzɩma ŋpɩzɩɣ nɛ ŋwɛɛnɩ taabalaa kɩbama nɛ ɛzɩma ña-maɣmaɣ ŋpɩzɩɣ nɛ ŋkɛ taabalʋ kɩbanʋ yɔ. Ɩcɔnɩ VIDEO.
Ɩkalɩ Aduwa 18:24 nɛ 27:17, nɛ pʋwayɩ lɛ ɩtazɩ tɔm tʋnɛ tɩ-taa:
Ɛzɩma taabalaa kɩbama sɩɣnɩ ɖama?
Ŋwɛnɩ taabalaa kɩbama mba pɔ-ɖɔndɩ? Ye ŋfɛyɩna yɔ, ɛbɛ ŋpɩzɩɣ ŋla nɛ ŋwɛɛnɩ taabalaa kɩbama?
Ɩkalɩ Filiipi mba 2:4, nɛ pʋwayɩ lɛ ɩtazɩ tɔm tʋnɛ tɩ-taa:
Pɩsa nɛ ŋwɛɛnɩ taabalaa kɩbama lɛ, pɩpɔzʋʋ se ña-maɣmaɣ ŋkɛ taabalʋ kɩbanʋ. Ɛbɛ pɩzɩɣ pɩsɩnɩ-ŋ nɛ ŋkɛ taabalʋ kɩbanʋ?
Pɩsa nɛ ŋwɛɛnɩ taabalaa kɩbama lɛ, pɩpɔzʋʋ se ña-maɣmaɣ ŋkɛ taabalʋ kɩbanʋ.
NABƐYƐ YƆƆDƲƲ SE: «Paa ɖɩfɛyɩnɩ tisuu kʋɖʋmʋm yɔ, ɖɩpɩzɩɣ nɛ ɖɩkɛ taabalaa; pɩtɩwɛɛkɩ pʋyʋ.»
Suwe ŋpɩzɩɣ nɛ ŋcosi?
TOBI LƐ
Ye ɖɩlɩzɩɣ ɖa-taabalaa camɩyɛ yɔ, ɖɔ-tɔm kɛdɩɣnɩ Yehowa nɛ pɩwazɩɣ ɖa-maɣmaɣ ɖɔɖɔ.
Tɔm taa tazʋʋ
Taabalɩyɛ nɖɩ ɖɩɖʋʋ yɔ, ɛbɛ yɔɔ ɖɩ-tɔm cɛyɩ Yehowa ɛsɩndaa?
Ɛyaa mba pɩtɩmʋna se ɖɩlɩzɩ nɛ pɛkɛ ɖa-taabalaa?
Ɛbɛ ɖɩpɩzɩɣ ɖɩla nɛ ɖihiɣ taabalaa kɩbama?
WONDU LƐƐTƲ
Kalɩ nɛ ŋna ɛzɩma taabalaa kɩbama pɩzɩɣ nɛ pasɩnɩ-ɖʋ kaɖɛ alɩwaatʋ taa yɔ.
«Cɛyɩsɩ ña nɛ koobiya mɩ-taabalɩyɛ pʋcɔ nɛ ɛjaɖɛ tɛm talɩ» (Feŋuu Tilimiye, novembre 2019)
Kalɩ nɛ ŋna nɩŋgbanzɩ nzɩ pɩpɔzʋʋ se ŋkpɛzɩ nɛ ŋwɛɛnɩ taabalaa kɩbama yɔ.
«Comment choisir mes amis?» (Les jeunes s’interrogent. Réponses pratiques, volume 1, chapitre 8)
Tɔm ndʋ pɩwɛɛ se ŋtɩlɩ pɩlɩɩnɩ taabalɩyɛ ɖʋʋ intɛrnɛɛtɩ yɔɔ?
Kalɩ tɔm ñʋʋ «J’avais tant besoin d’un père!» nɛ ŋna mbʋ pɩsɩnɩ evebu nɔɔyʋ nɛ ɛlɛɣzɩ ɛ-taabalaa yɔ.
«La Bible transforme des vies» (La Tour de Garde, 1er avril, 2012)