ƐZƖMA ÐƖPƖZƖƔ NƐ ÐƖPAƔZƖ KƐDAƔ YƆ
TƆM KƖKPƐLƖKƖTƲ 5
Yɔɔdɩnɩ ñamtʋ
Paɣtʋ kiɖe: «Iyele nɛ mɩ-yɔɔdaɣ wɛɛ leleŋ paa ɛzɩmtaa.»—Kol. 4:6.
Mbʋ Pɔɔlɩ laba yɔ
1. Cɔnɩ VIDEO, yaa kalɩ Tʋma Labʋ 17:22, 23. Pʋwayɩ lɛ ŋmaɣzɩ tɔm tʋnɛ tɩ-yɔɔ:
Alɩwaatʋ ndʋ Pɔɔlɩ na cɛtɩm Ɛsɔ sɛtʋ lakasɩ Atɛɛnɩ yɔ ɛzɩma pɩlabɩ-ɩ?—Cɔnɩ Tʋma 17:16.
Pɔɔlɩ wɩlaa se ɛñaŋ Atɛɛnɩ mba tisuu nɛ ɛtɩŋnɩ pɩ-yɔɔ nɛ esusi-wɛ tɔm kɩbandʋ ɛlɛ ɛtɩkʋ pɔ-tɔm. Ɛzɩma ɛlaba?
Ɛbɛ ɖɩkpɛlɩkɩɣ Pɔɔlɩ kɩɖaʋ taa?
2. Ye ɖɩmaɣzɩɣ tɔm ndʋ ɖɩcaɣ yɔɔdʋʋ yɔ, ɛzɩma ɖɩkaɣ-tʋ ɖɩyɔɔdʋʋ yɔ nɛ alɩwaatʋ ndʋ ɖɩyɔɔdʋʋ-tʋ yɔ pɩ-yɔɔ camɩyɛ yɔ, pɩpɩzɩɣ piyele nɛ ɛyaa sɔɔlɩ faaa se pewelisini-ɖʋ.
Maɣzɩnɩ Pɔɔlɩ
3. Lɩzɩ tɔm pee wena ŋlakɩnɩ tʋmɩyɛ yɔ camɩyɛ. Kɩɖaʋ nakʋyʋ yɔ: Ye ŋyɔɔdʋʋnɩ ɛyʋ weyi ɛtɩkɛ Krɩstʋ tʋ yɔ, pɩpɩzɩɣ nɛ pɩpɔzɩ se ŋtɩlɩ ɛzɩma ŋkpaɣna nɛ ŋyɔɔdɩ Bibl yaa Yesu tɔm yɔ.
4. Taakpedesi se ŋñɔɔzɩ tɔm ndʋ ɛyʋ nɔɔyʋ yɔɔdaa nɛ tɩtɩtʋʋzɩ yɔ. Ha-ɩ waɖɛ nɛ ɛyɔɔdɩ ɛ-lɩmaɣza faaa. Ye ɛyɔɔdɩ tɔm natʋyʋ nɛ tɩkaɖɩɣnɩ Bibl wɩlɩtʋ yɔ, kpa ña-tɩ nɛ taahɔmɩ-ɩ nɛ tɔm. (Yak. 1:19) Ye ŋwelisini-i yɔ, ŋkaɣ ɖiɣzinuu tisuu mbʋ ɛwɛna yɔ nɛ mbʋ pʋyɔɔ ɛwɛnɩ tisuu mbʋ yɔ.—Adu. 20:5.
5. Ye pɩpɔzʋʋ yɔ, tisi tɔm ndʋ ɛyɔɔdʋʋ yɔ tɩ-yɔɔ nɛ ŋsamɩ-ɩ pɩ-yɔɔ. Pɩtɩla ɛ-taa tɛma se ɛ-Ɛsɔ sɛtʋ wɛ ɖeu. Ñaɣ pana nɛ ña nɛ ɩ ɩyɔɔdɩ tɔm ndʋ tɩ-yɔɔ mɩ-naalɛ itisiɣ yɔ, nɛ pazɩ pazɩ lɛ ŋsɩnɩ-ɩ nɛ ɛnɩɩ tɔm ndʋ Bibl wɩlɩɣ yɔ tɩ-taa.