PƖSƖ ŊNA-Ɩ
TƆM KƖKPƐLƖKƖTƲ 8
Wɛɛ suuɖu
Paɣtʋ kiɖe: «Sɔɔlɩm wɛ suuɖu.»—1 Kɔr. 13:4.
Mbʋ Yesu laba yɔ
1. Cɔnɩ VIDEO, yaa kalɩ Yohanɛɛsɩ 7:3-5 nɛ 1 Kɔrɛntɩ mba 15:3, 4, 7. Pʋwayɩ lɛ ŋmaɣzɩ tɔm tʋnɛ tɩ-yɔɔ:
Kiɖe tɛɛ lɛ lɩmaɣza wena Yesu newaa kaawɛnɩ tɔm ndʋ esusaɣ yɔ tɩ-yɔɔ?
Ɛbɛ wɩlɩɣ se Yesu tɩlɔ lidaʋ e-neu Yakubu yɔɔ?
Ɛbɛ ɖɩkpɛlɩkɩɣ Yesu kɩɖaʋ taa?
2. Pɩpɔzʋʋ se ɖɩwɛɛ suuɖu mbʋ pʋyɔɔ yɔ ɛyaa nabɛyɛ lɛ, pɩpɔzʋʋ-wɛ alɩwaatʋ sakɩyɛ pʋcɔ nɛ petisi nɛ pamʋ tɔm kɩbandʋ ndʋ ɖisusuu yɔ.
Maɣzɩnɩ Yesu
3. Tɩŋnɩ nʋmɔʋ lɛɛkʋ yɔɔ. Ye ɛyʋ nɔɔyʋ etitisi kpaagbaa se ɛkpɛlɩkɩɣ Bibl yɔ taañɩɣ ɛ-yɔɔ. Ye pɩmʋnaa yɔ labɩnɩ tʋmɩyɛ videowaa yaa tɔm ñʋŋ lɛɛŋ nɛ ŋsɩnɩ-ɩ nɛ ɛna ɛzɩma ɖɩkpɛlɩkɩɣnɩ ɛyaa Bibl yɔ nɛ mbʋ ɛpɩzɩɣ ɛla nɛ pɛkpɛlɩkɩnɩ-ɩ ɖɔɖɔ yɔ.
4. Taakpaɣ ɛyʋ nɔɔyʋ nɛ ŋmaɣzɩnɩ lɛlʋ. Paa weyi ɛwɛ ndɩ. Ye ñɔ-hɔʋ taa tʋ nɔɔyʋ yaa pɩsɩ ŋna-ɩ nɔɔyʋ ɛwɛɛ nɛ ɛkpaɣ ɛ-tɩ nɛ ɛɛcaɣ Bibl kpɛlɩkʋʋ yaa pɩwɛ-ɩ kaɖɛ se etisi Bibl wɩlɩtʋ natʋyʋ yɔɔ yɔ, ñɩnɩ nɛ ŋna se ɛbɛ cɔlɔ pɩlɩnaa. Etisiɣ nabʋyʋ yɔɔ nɛ pɩ-tɔm cɛyɩ ɛ-ɛsɩndaa siŋŋ na? Ɛ-hɔʋ taa mba yaa ɛ-cɔlɔ mba ñɩkɩɣ ɛ-yɔɔ? Ha-ɩ alɩwaatʋ nɛ ɛmaɣzɩ tɔm ndʋ ŋkpɛlɩkɩ-ɩ yɔ tɩ-yɔɔ nɛ ɛtɩlɩ wazasɩ nzɩ sɩ-tɔm Bibl yɔɔdʋʋ yɔ.
5. Tɩmɩ ɛyʋ weyi Bibl taa tɔm kɛdɩnɩ-ɩ yɔ ɛ-yɔɔ. Pɔzɩ Yehowa se ɛsɩnɩ-ŋ nɛ ŋwɛɛnɩ lɩmaɣza kɩbana nɛ ŋtaayɔɔdɩ tɔm ndʋ tɩɖʋʋ ɖɩwɩzɩyɛ yɔ. Tɩmnɩ Yehowa se ɛha-ŋ lɛɣtʋ nɛ ŋtɩlɩ alɩwaatʋ ndʋ pɩwɛɛ se ŋyele ɛyʋ nɔɔyʋ cɔlɔ pɩsʋʋ ye Bibl taa tɔm ɛtɩkɛdɩnɩ-ɩ siŋŋ yɔ.—1 Kɔr. 9:26.