“Ñe-Kewiyaɣ ɛkɔɔ”—Adɩma Wena Ɛyaa Miiliyɔɔwaa Sakɩyɛ Lakɩ yɔ
Wiɖiyi ŋtɛm tɩmʋʋ se Ɛsɔ Kewiyaɣ ɛkɔɔ? Pɩlakɩ pɩnzɩ mɩnɩŋ sakɩyɛ yɔ ɛyaa miiliyɔɔwaa sakɩyɛ paɣzʋʋ tɩmʋʋ se “ñe-Kewiyaɣ ɛkɔɔ” yɔ. Ɛbɛ yɔɔ palakɩ adɩma ana? Palakɩ-yɛ mbʋ pʋyɔɔ yɔ, Yesu heyi ɛ-wayɩ tɩŋɩyaa se patɩmɩ se Ɛsɔ Kewiyaɣ ɛkɔɔ.
Kiɖe tɛɛ lɛ Yesu wayɩ tɩŋɩyaa taatɩlɩ Kewiyaɣ ŋga kɔ-yɔɔ tɔm tɩŋa tete. Kɩyakʋ nakʋyʋ pɔpɔzɩ Yesu se: “Kɩbaɣlʋ, lɛɛlɛɛyɔ ŋɖaɣnɩɣ Izrayɛɛlɩ kewiyaɣ sɩʋ na?” Pɩtʋʋ fɛyɩ se pɩɖɩɣzɩ-wɛ se Yesu tiheyi-wɛ alɩwaatʋ ndʋ tɩ-yɔɔ ɖeyi ɖeyi Ɛsɔ Kewiyaɣ kaɣ kɔm yɔ. (Tʋma Labʋ 1:6, 7) Yesu tɔm ndʋ, tɩwɩlɩɣ se ɖɩɩkaɣ pɩzʋʋ nɛ ɖɩtɩlɩ mbʋ Ɛsɔ kewiyaɣ kɛnaa yɔ? Nɛ ɖɩɩpɩzɩɣ nɛ ɖɩtɩlɩ alɩwaatʋ ndʋ tɩ-yɔɔ kakaɣ kɔm yɔ? Aayɩ.
Feŋuu Tilimiye takayaɣ kanɛ, kakaɣ-ŋ sɩnʋʋ nɛ ŋcosi tɔm ndʋ tɩkɔŋ yɔ tɩ-yɔɔ:
Ɛbɛ yɔɔ pɩpɔzʋʋ ɛyaa Ɛsɔ Kewiyaɣ?
Akɛ Ɛsɔ Kewiyaɣ Wiyaʋ?
Ðooye Ɛsɔ Kewiyaɣ kaɣ ɖiyuu tɛtʋ?
Ɛbɛ Ɛsɔ Kewiyaɣ kaɣ labʋ?
Ɛbɛ yɔɔ pɩwɛɛ se ŋlɩzɩ se ŋɖʋʋ nesi Ɛsɔ Kewiyaɣ lɛɛlɛɛyɔ?
Ɛbɛ Ɛsɔ Kewiyaɣ kɛnaa?