Ɛzɩma ɖɩpaɣzɩ kɛdaɣ yɔ
Ɛbɛ pɩzɩɣ pɩsɩnɩ-ɖʋ nɛ ɖɩnɩɩ tɔm kɩcɛyɩtʋ ndʋ ɖɩpɔzʋʋ ɖa-tɩ yɔ, tɩ-taa?
Wɩlɩ ɖɩɣdʋ traktɩ camɩyɛ nɛ ɛna-kʋ nɛ ŋyɔɔdɩ se: “Mɛnsɛwa. Ðɩwɛɛ nɛ ɖɩtayɩɣ takayaɣ kanɛ ɛjaɖɛ kpeekpe yɔɔ ɛyaa se ɖɩwɩlɩ-wɛ tɔm kɩcɛyɩtʋ tʋnɛ. Ña-ñɩŋga yɔ.”
Ye ɛyaa ɩfɛyɩ ɖɩɣa nɛ ŋcaɣ se ŋsɩɩ traktɩ ŋgʋ yɔ, sɩɩ-kʋ ɖenɖe ɛyaa ɩɩnaɣ-kʋ yem yɔ.
Ye ɖɩɣdʋ ɛwɩlaa se ɛsɔɔlaa se ña nɛ ɩ ɩla faawɩyɛ yɔ, ŋpɩzɩɣ nɛ ŋpɔzɩ-ɩ se suwe ɛmaɣzɩɣ tɔm ndʋ pɔpɔzɩ kajalaɣ hɔɔlʋʋ yɔɔ yɔ, tɩ-yɔɔ. Kuli traktɩ nɛ ŋwɩlɩ-ɩ tɔm ndʋ Keɣa 118:144, 160 yɔɔdʋʋ yɔ. Heyi-i se tɔm ndʋ tɩwɛ traktɩ ŋgʋ kɩ-taa yɔ, tɩpɩzɩɣ nɛ tɩsɩnɩ-ɩ nɛ ɛnɩɩ tɔm kɩcɛyɩtʋ ndʋ ɛpɔzʋʋ ɛ-tɩ yɔ, tɩ-taa. Pɩtɩla, ŋpɩzɩɣ nɛ ŋwɩlɩ-ɩ video ŋgʋ payaɣ se: “Ɛbɛ yɔɔ pɩwɛɛ se ɛyʋ ɛkpɛlɩkɩ Bibl?” yɔ. Pʋcɔ nɛ ŋɖɛɛ lɛ, wɩlɩ-ɩ tɔm pɔzʋʋ mbʋ pɩwɛ kɛdɛzaɣ hɔɔlʋʋ yɔɔ yɔ nɛ ŋpɔzɩ-ɩ nɛ ŋna se tɩ-taa lɛ, ndʋ ɛkɩlɩ sɔɔlʋʋ. Heyi-i se ŋsɔɔlaa se ŋpɩsɩ nɛ ŋwɩlɩ-ɩ ɛzɩma ɛpɩzɩɣ nɛ ɛtɩŋnɩ jw.org yɔɔ nɛ ɛna tɔm ndʋ Bibl cosuu tɔm ndʋ tɩ-yɔɔ yɔ. Puwiye nɖɩ ŋpɩsɩɣ yɔ, ŋpɩzɩɣ nɛ ŋwolo LA BIBLE ET VOUS > QUESTIONS BIBLIQUES taa nɛ ɩla faawɩyɛ tɔm cosuu mbʋ pɩwɛ peeɖe yɔ, pɩ-yɔɔ.
Ye ŋwɛɛ nɛ ŋtayɩɣ kigbeɣluu sɔsɔʋ yaʋ takayɩsɩ yɔ, ha ɖɩɣdʋ yaʋ takayaɣ nɛ traktɩ nɛ ŋyɔɔdɩ se: “Pɩtasɩ lɛ, ɖɩha-ŋ yaʋ takayaɣ nakɛyɛ, kɔyɔɔdʋʋ kigbeɣluu sɔsɔʋ nakʋyʋ tɔm, pakaɣ-kʋ labʋ cee wayɩ.”
Feŋuu Tilimiye 1er août
Ye pɩkɛ mazaɣ nɛ kujuka pe-wiye nɛ ɖɩna se pʋmʋnaa se ɖɩha Feŋuu Tilimiye yɔ, ɖɩpɩzɩɣ nɛ ɖɩyɔɔdɩ se: “Ðɩsɔɔlaa se ɖɩha-ŋ ɖɔɖɔ fenaɣ kanɛ kɛ-tɛ Feŋuu Tilimiye. Kicosuu tɔm tʋnɛ tɩ-yɔɔ: ‘Ɛsɔ Keŋni-ɖʋ toovenim na?’”
Réveillez-vous! Août
Ye pɩkɛ mazaɣ nɛ kujuka pe-wiye nɛ ɖɩna se pʋmʋnaa se ɖɩha Réveillez-vous! yɔ, ɖɩpɩzɩɣ nɛ ɖɩyɔɔdɩ se: “Ðɩsɔɔlaa se ɖɩha-ŋ ɖɔɖɔ fenaɣ kanɛ kɛ-tɛ Réveillez-vous! Kicosuu tɔm tʋnɛ tɩ-yɔɔ: ‘Ɛbɛ yɔɔ pɩwɛɛ se ɛyaa ikpeɣ-ɖama?’”