Ɛzɩma ɖɩpaɣzɩ kɛdaɣ yɔ
Ða nɛ ɛyaa ɖɩpaɣzɩ Bibl kpɛlɩkʋʋ kajalaɣ mazaɣ wiye septembre taa
“Ɛyaa sakɩyɛ tisiɣ se Ɛsɔ tiyiyaa wɛɛ. Ña yɔ? [Ha-ɩ alɩwaatʋ nɛ ecosi.] Tiyiyaa kɛ feziŋ, pʋyɔɔ lɛ pɛwɛ ɖoŋ pɩdɩɩfɛyɩ. Ɛlɛ ŋmaɣzɩɣ se papɩzɩɣ nɛ pasɩnɩ-ɖʋ yaa we? Bibl wɩlɩɣ-ɖʋ ɛzɩma pasɩɣnɩ ɛyaa sɔnɔ yɔ.” Pʋwayɩ lɛ, ŋwɩlɩ-ɩ 1er septembre tɛ Feŋuu Tilimiye kɛdɛzaɣ hɔɔlʋʋ nɛ ɩtazɩ tɔm ndʋ tɩwɛ kajalaɣ tɔm pɔzʋʋ tɛɛ yɔ tɩ-taa nɛ paa pɩkɩlaa yɔ, ɩtazɩ mayaɣ kʋyʋmaɣ taa. Ha-ɩ septembre fenaɣ takayɩsɩ nɛ ɩɖʋ alɩwaatʋ nɛ ŋpɩsɩ wiɖiyi nɛ ɩtazɩ tɔm pɔzʋʋ mbʋ pɩkɔŋ pʋwayɩ yɔ pɩ-taa.
Feŋuu Tilimiye 1er septembre
“Ŋtisiɣ se ɛyaa wɛɛ nɛ pɛwɛɛkɩɣ tɛtʋ kadadayaɣ na? [Ha-ɩ alɩwaatʋ nɛ ecosi.] Paa ɛyaa ɩɩpɩzɩɣ se pɔñɔɔzɩ mbʋ pɩwɛɛkɩ tɛtʋ yɔɔ yɔ, Bibl heyiɣ-ɖʋ se Ɛsɔ wɛnɩ ɖoŋ nɛ sɔɔlɩm se ɛñɔɔzɩ-pʋ. Tamaɣ ŋga ɛlabɩ-ɖʋ Keɣa 64:9b, 10 taa. [Kalɩ Keɣa 64:9b, 10.] Takayaɣ kanɛ kɔyɔɔdʋʋ mbʋ Ɛsɔ kaɣ labʋ nɛ ɛñɔɔzɩ tɛtʋ, nɛ mbʋ ɖɩpɩzɩɣ nɛ ɖɩla nɛ ɖihiɣ wazasɩ nzɩ yɔ pɩ-tɔm. Manpɩzɩɣ nɛ mɛncɛlɩ-ŋ takayaɣ kanɛ nɛ ŋkalɩ-kɛ?”
Réveillez-vous! Septembre
“Tʋmlaɖaa sakɩyɛ maɣzɩɣ se pa-tʋma ñʋndɩnaa kɩlɩɣ-wɛ tʋmɩyɛ ɖʋʋ. Pamaɣzɩɣ ɖɔɖɔ se wiɖiyi pɩɩkaɣ ñɔɔzʋʋ. Halɩ ñɩnɩyaa nabɛyɛ ñɩnaa nɛ pana se ye ɛyʋ ɛɖɛlɛsɩɣ niye tʋmɩyɛ labʋ taa yɔ, pɩpɩzɩɣ nɛ pɩkɔnɩ-ɩ kaɖɛ tomnaɣ yɔɔ nɛ maɣzɩm taa. Ŋmaɣzɩɣ se ɛbɛ pɩzɩɣ nɛ pɩsɩnɩ ɛyʋ nɛ ɛtaaɖɛlɛsɩ niye ɛ-tʋmɩyɛ labʋ taa? [Ha-ɩ alɩwaatʋ nɛ ecosi.] Cɔnɩ tɔm ndʋ Bibl ñɔyɔɔdʋʋ yɔ. [Kalɩ Eklesɩyastɩ 4:6.] Takayaɣ kanɛ kawɩlɩɣ-ɖʋ nʋmɔŋ naanza weyi ɩpɩzɩɣ nɛ ɩsɩnɩ-ɖʋ nɛ ɖɩtɩlɩ mbʋ pɩkɩlɩ cɛyʋʋ yɔ, nɛ ɛzɩma ɖɩpɩzɩɣ nɛ ɖɩlʋbɩnɩ tʋmɩyɛ kadadayaɣ labʋ yɔ.”