Ðɩwɛɛ niye tɔm susuu taa nɛ pɩkɩlɩ: Yele nɛ ɩnɩɩnɩ ɖama nɛ ŋŋpɩsɩ cee wayɩ

Ɛbɛ yɔɔ pɩcɛyaa? Ðɩna nɔɔyʋ tɔm susuu taa nɛ ɛwɩlɩ se ɖɔ-tɔm kɛdɩnɩ-ɩ yɔ, ɖɩsɔɔlaa se ɖɩpɩsɩ nɛ ɖɩmɩzɩ lɩm toovenim ɖomaɣ ŋga ɖiɖuwa yɔ, kɛ-tɛɛ. (1 Kɔr. 3:6) Pʋyɔɔ pɩcɛyaa se ɖɩsɩɩ faawɩyɛ nɖɩ ɖɩkaɣ labʋ yɔ ti-tigiɖe kpaagbaa nɛ ɖɩñɩnɩ nɛ ɖɩna ɖɔɖɔ se ɛzɩmtaa ɖɩpɩzɩɣ nɛ ɖɩpɩsɩ. Pɩtasɩ lɛ, ɖɩpɩzɩɣ nɛ ɖɩpɔzɩ tɔm nɛ ɖɩpɩsɩɣ cee wayɩ lɛ, ɖɩla faawɩyɛ tɩ-yɔɔ. Piyeki nɛ pɩkɔtɩ ɖɩɣdʋ liu tɛɛ; nɛ ye pocosi tɔm ndʋ takayaɣ ŋga ŋcɛlɩ-ɩ yɔ, ka-taa yɔ, piseɣti-i nɛ ɛkalɩ-kɛ. Ye ŋsɩ pɩsɩ nɛ ŋna-ɩ tigiɖe camɩyɛ yɔ, pɩwɛɣ-ŋ kɛlɛʋ se ŋlabɩ-kʋ mbʋ pʋyɔɔ yɔ ŋtɛm sɩm tɔm ndʋ ɩkaɣ yɔɔdʋʋ yɔ nɛ ɖɩɣdʋ ñɛtɛm sɩm tɔm ndʋ pakaɣ-ɩ wɩlʋʋ yɔ. Ðiwoki ɛ-tɛ lɛ, ɖɩpɩzɩɣ nɛ ɖiheyi-i se ɖɩkɔm se ɖicosi tɔm ndʋ ɖɩɩpɔzɩ-ɩ evemiye nɖɩ ɖɩɩkɔm ɛ-tɛ yɔ tɩ-yɔɔ.

Ɛzɩma pɩwɛɛ se ɖɩla?

Ŋŋñɔɔzʋʋ ña-tɩ se ŋwolo nɛ ŋla kpaɣ ɖɩɣa nɛ ŋwolo ɖɩɣa lɛ, ñɔɔzɩ ɖɔɖɔ tɔm ndʋ ŋñɩnɩɣ pɔzʋʋ se pʋwayɩ ŋŋpɩsɩ nɛ ŋcosi tɩ-yɔɔ yɔ. Pɩpɩzɩɣ nɛ pɩkɛ takayaɣ ŋga ŋhaɣ-ɩ yɔ ka-taa tɔm natʋyʋ, yaa tɔm ndʋ tɩwɛ takayɩsɩ nzɩ ɖa nɛ ɩ ɖɩkpɛlɩkɩɣ yɔ, sɩ-taa yɔ. Ye pɩkɛ takayɩsɩ nzɩ yɔ, ŋpɩzɩɣ nɛ ŋha-ɩ sɩ alɩwaatʋ ndʋ ŋpɩsɩɣ labʋ pɩsɩ nɛ ŋna-ɩ yɔ.
Alɩwaatʋ ndʋ ña nɛ nɔɔyʋ ɩlakɩ faawɩyɛ nɛ ŋñɩnɩɣ se ŋkɔ tɔm ñʋʋ nɛ ŋna se ɖɔ-tɔm kɛdɩnɩ-ɩ yɔ lɛ, heyi-i se ŋsɔɔlaa se ña nɛ ɩ ɩtasɩ faawɩyɛ labʋ. Nɛ pʋwayɩ ŋpɔzɩ tɔm ndʋ ɩkaɣ tɩ-yɔɔ labʋ faawɩyɛ cee wayɩ yɔ. Tɛtʋ natʋyʋ taa lɛ, ɛyaa nesi ɖɔkaa nɛ pʋyɔɔ paañɩnɩɣ tisuu se ɖɩpɩsɩ nɛ ɖɩna-wɛ. Ye pɩkɛ mbʋ, ŋpɩzɩɣ nɛ ŋyɔɔdɩ se “Ɛzɩmtaa ɛyʋ pɩzɩɣ nɛ ɛkɔɔ nɛ ɛmaɣnɩ-ŋ ɖɩɣa? [Ha-ɩ alɩwaatʋ nɛ ecosi.] Cee wayɩ kpɩtaʋ taa mañɩnɩɣ se mɔnkɔɔ cɩnɛ nɛ ɖɩla faawɩyɛ nɛ ɖicosi tɔm tʋnɛ tɩ-yɔɔ . . . Ye mɔnkɔm puwiye nɛ ŋfɛyɩnɩ alɩwaatʋ yɔ, ŋŋheyi-m.”
Ye ŋɖʋ ɖɩɣdʋ alɩwaatʋ ndʋ tɩ-yɔɔ ŋkaɣ pɩsʋʋ yɔ yɔ, ɖɔ alɩwaatʋ ndʋ tɩ-yɔɔ. (Mat. 5:37). Ŋtɛŋ pɩsɩ nɛ ŋna-ɩ labʋ lɛ, ŋsɩɩ ŋgʋ ŋkaɣ labʋ cee wayɩ yɔ ki-tigiɖe ɖɔɖɔ.

Labɩnɩ tʋmɩyɛ lɔŋ tasʋʋ pʋnɛ fenaɣ kanɛ:

Ŋŋñɔɔzʋʋ ña-tɩ se ŋwolo nɛ ŋla kpaɣ ɖɩɣa nɛ ŋwolo ɖɩɣa lɛ, ñɔɔzɩ ɖɔɖɔ tɔm ndʋ ŋñɩnɩɣ pɔzʋʋ se pʋwayɩ ŋŋpɩsɩ nɛ ŋcosi tɩ-yɔɔ yɔ. Heyi weyi ña nɛ ɩ ɩlɩ tɔm susuu yɔ tɔm ndʋ ŋñɔɔzaa se ŋpɔzʋʋ yɔ.