Tisuu mbʋ ɖɩwɛnɩ pɩnaɣ 1914 yɔɔ yɔ

Masɩ seɣtiɣ-ɖʋ se ‘ɖɩɖaŋ tam nɛ ɖicosi weyi ɛpɔzʋʋ-ɖʋ lidaʋ ŋgʋ kɩwɛ ɖa-taa yɔ, kɩ-tɔbʋʋ,’ ɛlɛ pɩwɛɛ se ɖɩla mbʋ nɛ “nɔɔ kɩbaŋa nɛ ñamtʋ.” (1 Pɩy. 3:15, 16) Toovenim taa lɛ, pɩpɩzɩɣ nɛ pɩlabɩ-ɖʋ kaɖɛ se ɖɩlɩzɩ Bibl toovenim tɔm ndʋ tɩ-taa nɩʋ fɛyɩ kɛlɛʋ yɔ tɩ-taa; tɔm ndʋ tɩ-taa lɛɛtʋ lɛ ɛzɩma ɖɩlaba nɛ ɖɩna se Kewiyaɣ paɣzɩ tʋmɩyɛ pɩnaɣ 1914 yɔ. Pʋyɔɔ pɔñɔɔzɩ tɔm ñʋŋ “Yehowa Aseɣɖe Tʋ nɛ nɔɔyʋ palakɩ faawɩyɛ​—Pɩnaɣ ŋga Ɛsɔ Kewiyaɣ paɣzɩ ka-tʋmɩyɛ?” se pɩsɩnɩ-ɖʋ. Tɔm ñʋŋ ɩnɩ ɩwɛ Feŋuu Tilimiye takayɩsɩ nzɩ ɖɩkaɣ labɩnʋʋ tʋmɩyɛ Octobre nɛ Novembre taa yɔ. Ŋŋtazɩɣ ñʋŋ ɩnɩ ɩ-taa lɛ, pɩwɛɣ ɖeu se ŋmaɣzɩ tɔm pɔzʋʋ mbʋ pɩkɔŋ yɔ, pɩ-yɔɔ:

Ɛzɩma tɔm susuyu François . . .

• tɩŋnɩ samtʋ yɔɔ nɛ ɛ nɛ weyi esusuu-i tɔm yɔ, panɩɩnɩ ɖama?​—Tʋma 17:22.

• lɩzɩ tɩ luzuu nɛ ɛwɩlɩ alɩwaatʋ ndʋ ɛlɩzaɣ e-tisuu taa yɔ?​—Tʋma 14:15.

Ɛbɛ yɔɔ pɩwɛ ɖeu se . . .

• pʋcɔ nɛ ɛpaɣzɩ yɔɔdʋʋ tɔm kɩfatʋ lɛ, ecuuzuu ndʋ ɛyɔɔdaa nɛ pɩɖɛɛ yɔ tɩ-taa?

• ɛsɩŋɩɣ pazɩ pazɩ nɛ ɛpɔzʋʋ tɔm ɖɩɣdʋ se ɛna se ɛlɛ nɩɣ mbʋ pɩ-taa ɛlɩzɩɣ yɔ, camɩyɛ na?

• ɛñaɣ pana nɛ ɛtɩyɔɔdɩ tɔm tɩŋa kɩyakʋ kʋɖʋmʋʋ?​—Yoh. 16:12.

Ðɩwɩlɩɣ ɖɛ-ɛsɩmɩyɛ Yehowa, ɖa-Wɩlɩyʋ Sɔsɔ weyi ɛsɩɣnɩ-ɖʋ se ɖɩpɩzɩ nɛ ɖɩlɩzɩ ɛyaa mba fezuu taa ñɔɔsɩ wɩɣ-wɛ yɔ, Bibl taa toovenim tɔm ndʋ tɩ-taa nɩʋ fɛyɩ kɛlɛʋ yɔ!​—Iz. 30:20.