Eliifaazɩ:
Pʋtɔma yɔ ɛlɩnɩ Teemaanɩ, Edom ɛjaɖɛ taa. Pɔyɔɔdɩ Teemaanɩ tɔm Yereemii 49:7 taa nɛ pɔtɔ se tɩkɛ Edom lɔŋ tɩnaa tɛtʋ
Eliifaazɩ calɩnɩ tɔm yɔɔdʋʋ nɛ pɩtɩla yɔ, ɛnʋ kɩlɩnɩ lalaa sɔsɔtʋ. Ɛyɔɔdɩ tɔm tam nabudozo nɛ ɛ-tɔm yɔɔdʋʋ ɖaɣlaa nɛ pɩkɩlɩ lalaa ñɩndʋ
Cɛtɩm tɔm ndʋ ɛyɔɔdaa yɔ:
Ehoŋ Yɔb cɩŋgɩlɩm wɛtʋ nɛ ɛtɔ se Ɛsɔ ɛɛtaɣ ɛ-sɛyaa liu (Yɔb 4, 5)
Ɛtɔm se Yɔb kɛ tɩ kpazɩyʋ nɛ kɩdɛkɛdʋ nɛ eeseɣ Ɛsɔ sɔɔndʋ (Yɔb 15)
Ɛtɔm se Yɔb wɛ ɛza naɣ naɣ nɛ ɛfɛyɩ siɣsiɣ, ɛtasɩ yɔɔdʋʋ se ɛyʋ fɛyɩ Ɛsɔ wazaɣ nakɛyɛ (Yɔb 22)
Bildaadɩ:
Ɛkɛnɩ Shuwa liɖe taa tʋ. Pʋtɔma yɔ ɖenɖe ɛɛcaɣ yɔ, pɩñɔtɩnɩ Efraatɩ Pɔɔ
Ɛnʋ yɔɔdɩnɩ nabʋlɛ ɖeɖe. Ɛyɔɔdɩ tɔm tam nabudozo nɛ paa ɛ-tɔm yɔɔdʋʋ ɛtɩɖaɣlɩ yɔ, tiyeba nɛ pitii Yɔb yɔɔɔ nɛ pɩkɩlɩ Eliifaazɩ ñɩndʋ
Cɛtɩm tɔm ndʋ ɛyɔɔdaa yɔ:
Ɛtɔm se Yɔb piya labɩ kɩwɛɛkɩm, pʋyɔɔ sɩsɩba nɛ Yɔb maɣmaɣ taañaŋ Ɛsɔ (Yɔb 8)
Ɛtɔm se Yɔb kɛ kɩwɛɛkɩm laɖʋ (Yɔb 18)
Ɛtɔm ɖɔɖɔ se paa ɛyʋ ɛɖɔkɩ ɛ-cɩŋgɩlɩm wɛtʋ yɔ, pɩkɛ falaa (Yɔb 25)
Sofaarɩ:
Ɛɛkɛ Naamaa tʋ nɛ pʋtɔma yɔ, ɛlɩnɩ Araabii hayo kiŋ, wɩsɩ ɖɩɖʋyɛ hɔɔlʋʋ taa
Ɛnʋ yɔɔdɩnɩ tozo ɖeɖe nɛ ɛ-tɔm yɔɔdʋʋ kaaɖʋ Yɔb wɩzasɩ nɛ pɩkɩlɩ lalaa. Tam nabʋlɛ ɖeke ɛyɔɔdaa
Cɛtɩm tɔm ndʋ ɛyɔɔdaa yɔ:
Ɛtɔm se Yɔb yɔɔdʋʋ tɔm ndʋ tɩfɛyɩnɩ tɔbʋʋ nɩʋ yɔ, nɛ eheyi-i se eyele lakasɩ kɩdɛkɛdɩsɩ labʋ (Yɔb 11)
Ɛtɔm se Yɔb kɛ kɩdɛkɛdʋ nɛ ɛsɔɔlɩ kɩwɛɛkɩm labʋ (Yɔb 20)