Ðɩlakɩ ŋgee tɔm susuu septembre taa nɛ ɖɩtayɩ Feŋuu Tilimiye

Paa anɩ ɛsɔɔlaa se pɛhɛzɩ ɛ-laŋɩyɛ. (Ekl 4:1.) Ðɩkaɣ tɩŋnʋʋ septembre taa ŋgee tɔm susuu yɔɔ nɛ ɖɩñaɣ pana nɛ ɖɩtayɩ Feŋuu Tilimiye ɛyaa sakɩyɛ. Feŋuu Tilimiye nɖɩ, ɖɩkaɣ ɛyaa laŋa hɛzʋʋ. Ða-kaɖʋwa lɛ se ɖɩyɔɔdɩnɩ ɛyaa nɛ ɖɩhɛzɩ pa-laŋa, pʋyɔɔ lɛ, pɩɩwɛɣ ɖeu se ɖɩsɩɩ Feŋuu Tilimiye nɖɩ mba pɛfɛyɩ ɖɩsɩ yɔ.

SUWE ŊPƖZƖƔ ŊYƆƆDƖ?

“Nabʋyʋ taa ɖa-tɩŋa ɖɩsɔɔlaa se pɛhɛzɩ ɖa-laŋɩyɛ. Ɛlɛ le ɖɩpɩzɩɣ nɛ ɖɩna laŋɩyɛ hɛzʋʋ mbʋ? [Kalɩ 2 Kɔrɛntɩ 1:3, 4.] Takayaɣ kanɛ, keheyiɣ-ɖʋ ɛzɩma Ɛsɔ hɛzɩɣ ɖa-laŋɩyɛ yɔ.”

Ye Bibl tɔm ɛkɛdɩnɩ ɛyʋ ɛnʋ nɛ ɛmʋ takayaɣ yɔ, . . .

WƖLƖ-Ɩ VIDEO ƐBƐ YƆƆ PƖWƐƐ SE ƐYƲ ƐKPƐLƖKƖ BIBL?

Pʋwayɩ lɛ, heyi-i se ŋsɔɔlaa se ña nɛ ɩ ɩkpɛlɩkɩ Bibl.

SƖƖ PƖSƖ NƐ ŊNA-Ɩ TIGIÐE

Pɔzɩ tɔm natʋyʋ nɛ ŋpɩsɩ pʋwayɩ nɛ ŋcosi tɩ-yɔɔ. Ŋpɩzɩɣ ŋpɔzɩ-ɩ se “Ɛbɛ yɔɔ Ɛsɔ yeba nɛ kʋñɔmɩŋ wɛɛ?”