Ɛsɔ wazɩɣ mba pañaŋɩ-ɩ yɔ

Nayʋ Moyizi yɔɔdaa se ye ɖɩñaŋ Ɛsɔ paɣtʋ yɔ, Ɛsɔ wazɩɣ-ɖʋ. (Wayɩ Wayɩ Paɣtʋ 10:13; 11:27) Pɩtɩkɛ Ɛsɔ kaahɔ ɖa-nɩŋgbaŋʋʋ yɔɔ ɖɩñaŋɩ-ɩ. Ɛsɔ wɛtʋ kɩbandʋ tuyuuni-ɖʋ nɛ ɖɩñaŋɩ-ɩ, mbʋ pʋyɔɔ yɔ ɖɩsɔɔlɩ-ɩ nɛ ɖɩtɩsɔɔlɩ se ɖɩla nabʋyʋ nɛ pɩɖʋ-ɩ ɖɩwɩzɩyɛ. “Mbʋ pʋyɔɔ yɔ Ɛsɔ sɔɔlɩm tɔbʋʋ yɔ: ɖɩɖɔ ɛ-paɣtʋ yɔɔ.”—1 Yohanɛɛsɩ 5:3.

Ɛlɛ ye ɖɩña Ɛsɔ yɔ, ɛzɩma tɩyɛ ɛwazɩɣ-ɖʋ? Ðɩna nʋmɔŋ naalɛ weyi ɩ-yɔɔ ɛtɩŋɩɣna nɛ ɛlakɩ mbʋ yɔ.

1. YE ÐƖÑAŊ ƐSƆ YƆ ÐƖPƖSƖƔ LƆNZƖÐAA

“Ma Kɩbaɣlʋ ñɛ-Ɛsɔ weyi ɛwɩlɩɣ-ŋ mbʋ pɩwɛ wazaɣ yɔ, weyi ɛɖɔkʋʋ-ŋ nʋmɔʋ ŋgʋ ŋɖɔŋ kɩ-taa yɔ.”—IZAAYII 48:17.

Ða-Lɩzɩyʋ Yehowa Ɛsɔ, sɩm-ɖʋ nɛ ɛwɩlɩɣ-ɖʋ nʋmɔʋ ŋgʋ kɩ-taa ɖɩɖɔ nɛ piɖeni-ɖʋ yɔ. Ye ɖɩsɔɔlaa se Ɛsɔ wɩlɩtʋ ɛsɩnɩ-ɖʋ nɛ ɖɩpɩsɩ lɔŋsɩnɖaa yɔ, pɩwɛɛ se ɖɩkpɛlɩkɩ Masɩ Kiɖeɖesi taa mbʋ ɛsɔɔlaa se ɖɩla yɔ nɛ ɖɩɖɔ pɩ-yɔɔ.

2. YE ÐƖÑAŊ ƐSƆ YƆ, ÐIHIKIƔ KOBOYAƔ

“Koboyaɣ tɩnaa lɛ mba panɩɣ Ɛsɔ tɔm nɛ pɔɖɔŋ tɩ-yɔɔ yɔ!”—LUKA 11:28.

Sɔnɔ, Ɛyaa miiliyɔɔwaa sakɩyɛ mba pɔɖɔŋ Ɛsɔ Tɔm yɔɔ yɔ, pɛwɛ koboyaɣ taa. Ɛsɩpaañɩ abalʋ nɔɔyʋ kɩɖaʋ yɔ: Ɛmʋwaɣ pana lɛɛ lɛɛ nɛ ɛlakɩ ɛyaa lalaa ñaŋ halɩ pɩkpɛndɩnɩ ɛ-halʋ. Ɛlɛ kɩyakʋ nakʋyʋ lɛ, ɛkalɩ Yakɔɔb pɩyalʋ Yosɛɛfʋ hɛɛ wɛtʋ yɔɔ tɔm ndʋ nayʋ Moyizi mawa yɔ. Paapɛdɩ Yosɛɛfʋ nɛ ɛpɩsɩ yom nɛ pomuli-i nɛ paɖʋ-ɩ salaka ɖulum; paa mbʋ yɔ, ɛɛwɛnɩ hɛɛ wɛtʋ tam, ɛɛkɛ laŋhɛzɩyɛ tʋ nɛ ɛkpakɩɣ nɛ ekpeɣu. (Kiɖe Tɛɛ Tɔm 37-45) Ɛsɩpaañɩ abalʋ ɛnʋ ɛyɔɔdaa se “Yosɛɛfʋ kɩɖaʋ seɣti-m se mañaɣ pana nɛ mɛwɛɛnɩ hɛɛ wɛtʋ, camɩyɛ lakasɩ, nɛ tɩ ɖɔkʋʋ. Mbʋ pɩlɩ pɩ-taa yɔ lɛ se, lɛɛlɛɛyɔ mɛwɛ koboyaɣ taa.”

Masɩ Kiɖeɖesi tasɩɣ lɔŋ sakɩyɛ pɩlɩɩnɩ wɛtʋ ndʋ pɩwɛɛ se ɖɩwɛɛnɩ ɖama yɔɔ yɔ pɩ-yɔɔ. Tɔm ñʋʋ ŋgʋ kɩkɔŋ yɔ kɩkaɣ pɩ-taa lɩzɩɣ kpayɩ kpayɩ.