“Iwolo pɩ-yɔɔ nɛ iseɣti ɖama nɛ ɩkpazɩ ɖama ɖoŋ”

5:11-14

Paa Krɩstʋ tʋ weyi lɛ, ɛwɛnɩ waɖɛ se ɛkpazɩ lalaa ɖoŋ. Ðɩpɩzɩɣ ɖɩkpazɩ Krɩstʋ mba lalaa ɖoŋ alɩwaatʋ ndʋ ɖiwoki kediɣzisi ɖoŋ ɖoŋ, ɖɩlɩɣ tɔm susuu ɖoŋ ɖoŋ, ŋgʋ pɩtɩla alɩwaatʋ kʋɖʋmtʋ ndʋ tɩ-taa lɛ, ɖiɖiɣni ‘lʋbɩnʋʋ’ kʋdɔŋ nakʋyʋ yaa kʋñɔmɩŋ nɩɩyɩ yɔ. (1Te 2:2, pɩ-tɛɛ tɔm.) Pɩtasɩ lɛ, ye ɖɩkpaɣ alɩwaatʋ nɛ ɖɩmaɣzɩ tɔm ndʋ ɖɩpɩzɩɣ nɛ ɖɩyɔɔdɩ yɔ tɩ-yɔɔ, yaa ɖɩñɩnɩ ɛgbɛyɛ takayɩsɩ taa yɔ, pɩsɩɣnɩ-ɖʋ nɛ ɖɩna tɔm ndʋ ɖɩpɩzɩɣ ɖɩyɔɔdɩnɩ nɔɔ kɩbaŋa nɛ ɖɩkpazɩnɩ ɖoŋ ɖo-koobiya yɔ.

Le ŋpɩzɩɣ ŋna tɔm ndʋ tɩsɩɣnɩ-ŋ nɛ ŋkpazɩ ɖoŋ weyi ɛwɛ kaɖɛ naɖɩyɛ taa yɔ?

Anɩ ŋsɔɔlaa se ŋkpazɩ ɖoŋ ñɛ-ɛgbɛyɛ taa?