Tʋma kɩbana wena a-yɔɔ Ɛsɔ ɛɛkaɣ sɔʋ yɔ

Paa Yehowa sɛyʋ weyi lɛ, ɛpɩzɩɣ nɛ ɛla tʋma kɩbana wena a-yɔɔ Yehowa ɛɛkaɣ sɔʋ kaaʋ yɔ. Lʋlɩyʋ kɩbanʋ sɔɔlʋʋ e-piya nɛ ɛɛsɔʋ tʋma kɩbana wena sɩlakɩ yɔ a-yɔɔ, Yehowa ɖɔɖɔ ɛɛsɔʋ ɖa-tʋma nɛ sɔɔlɩm mbʋ ɖɩwɩlɩɣ ɛ-hɩɖɛ yɔɔ yɔ pɩ-yɔɔ. (Mt 6:20; Ebr 6:10) Pɩkɛ toovenim se paa weyi lɛ, ɛ-lɛɣtʋ nɛ ɛ-wɛtʋ wɛ ndɩ. Paa mbʋ yɔ, ɖɩpɩzɩɣ nɛ ɖihiɣ taa leleŋ, ye ɖɩlakɩ ɖo-ɖoŋ ɖeɖe Yehowa tʋmɩyɛ taa yɔ. (Gal 6:4; Kol 3:23) Pɩnzɩ sakɩyɛ nzɩ sɩɖɛwa yɔ sɩ-taa, koobiya abalaa nɛ halaa sakɩyɛ labɩ tʋmɩyɛ Betɛɛlɩwaa taa. Ŋpɩzɩɣ nɛ ŋha ña-tɩ nɛ ŋla Betɛɛlɩ tʋmɩyɛ na? Ye aayɩ yɔ, ŋpɩzɩɣ nɛ ŋseɣti nɔɔyʋ nɛ ɛlɛ ha ɛ-tɩ nɛ ɛla tʋmɩyɛ nɖɩ yaa ŋsɩnɩ Betɛɛlɩ hɔʋ taa koobu nɔɔyʋ nɛ ewolo tʋmɩyɛ kɩbanɖɛ nɖɩ ɛlakɩ yɔ ɖɩ-yɔɔ?

CƆNƖ VIDEO HA ÑA-TƖ NƐ ŊLA TƲMƖYƐ BETƐƐLƖ NƐ PƲWAYƖ LƐ, ŊCOSI TƆM PƆZƲƲ PƲNƐ PƖ-YƆƆ:

• Ɛbɛ pɩwɛɛ se pituyi-ŋ nɛ ŋha ña-tɩ se ŋlakɩ tʋmɩyɛ Betɛɛlɩ?

• Tɔm ndʋ nabɛyɛ yɔɔdɩ wazasɩ nzɩ Betɛɛlɩ tʋmɩyɛ kɔŋnɩ-wɛ yɔ sɩ-yɔɔ?

• Ɛbɛ nɛ ɛbɛ pɩpɔzʋʋ se ŋla nɛ pɩha-ŋ nʋmɔʋ nɛ ŋla tʋmɩyɛ Betɛɛlɩ?

• Nʋmɔʋ ŋgʋ yɔɔ ŋpɩzɩɣ nɛ ŋtɩŋna nɛ ŋpɔzɩ se paha-ŋ waɖɛ nɛ ŋla tʋmɩyɛ Betɛɛlɩ?